Yikri 24:12 - WẼNNAAM SEBRE 2014

¹² A Moyiis sẽn be Sinayi tãngã zugu, Sẽn-Ka-Saab yeela a Moyiis yaa: «Rʋ tãngã n wa mam nengẽ, n yals beenẽ tɩ m kõ-f kug-wals sẽn tar mam tõodã ne m noyã mam sẽn gʋls n na n zãms nebã»

SEBR SÕNGO

¹² Naaba-Wẽnd yeela a Moyiiz: «Dʋ n babs maam tãnga zugu la yals be tɩ m kõ-f kug-paklse: bãmb zug la m gʋls m sẽn na n zãms-y noy niynsã.»

Yikri 24:12 Iomraidhean Croise

1 Rĩm-dãmbã 19:11

Sẽn-Ka-Saab yeela a Eli yaa: «Yi tãngã bokẽ n tɩ yals maam a Sẽn-Ka-Saab taoor tãngã zugu, n ges mam sẽn na n looge!» Dẽ, sob-kãseng n yiki, n pãrg tãmsã n kɩt tɩ pĩisã wãad Sẽn-Ka-Saab taoore. Sẽn-Ka-Saab rag n ka be sebgã pʋg ye. Sebgã loogr poore, tẽn-digimdg n zĩndi, la Sẽn-Ka-Saab rag n ka be tẽn-digimdgã pʋg ye.

Esdras 7:10

Sɩd me, a Ɛsdraas rag n zãmsda Sẽn-Ka-Saab tõodã ne a sũur fãa, la a sakd-ba, la a rɩkd Sẽn-Ka-Saab tõodã ne b noyã n zãmsd Israyɛll nebã.

A Neemi 9:13

Yãmb yii saasẽ n sig Sinayi tãngã zug n gom ne bãmba. Yãmb kõo bãmb no-tũuds sẽn yaa tɩrse, la y kõ-b zãmsg sẽn yaa sɩda, la tõod sẽn yaa tɩrse, ne minind sẽn zems zãnga.

A Neemi 9:14

Yãmb kɩtame tɩ y tʋmtʋmd a Moyiis wilg bãmb y vʋʋsg daarã sẽn welg toorã. La yãmb kɩtame t'a zãms bãmb tõodã koees a taabã.

Yɩɩn‑sõamyã 19:12

Yãmb no-tũudsã keoogda mam sẽn yaa yãmb tʋmtʋmdã. Ned ning sẽn sakd bãmb paamda yõod wʋsgo.

Yikri 19:3

A Moyiis rʋʋ tãngã n kẽng Wẽnnaam nengẽ. La Sẽn-Ka-Saab zĩnda tãngã zug n bool a Moyiis n yeele: «Ad bũmb ning fo sẽn na n togs a Zakoob buudã. Ad fo sẽn na n wilg Israyɛll yagensã bũmb ninga:

Yikri 24:15

Dẽ, a Moyiis rʋʋ tãngã zugu. La sawaodg luda tãngã.

Yikri 24:18

La a Moyiis kẽe sawaodgã pʋgẽ n dʋ tãngã zugu. La a Moyiis paa tãngã zug rasem pis-naase, la yʋnd pis-naase.

Yikri 24:2

Bɩ a Moyiis bal kolg Sẽn-Ka-Saabo. La bɩ neb a taabã ra kolg ye, la bɩ b ra tũ yẽnda n dʋ tãngã ye.»

Yikri 31:18

Bãmb sẽn gom ne a Moyiis Sinayi tãngã zug n sɛ, b kõo yẽnda kaset kug-walse, bãmb kõ-a-la kaset kug-wals a yiibu, Wẽnnaam mengã sẽn gʋls ne b nug-bila.

Yikri 32:1

Nebã sẽn yãnd t'a Moyiis kaoosda tãngã zug n ka sigdã, bãmb tigma taab a Aarõ nengẽ n yeel yẽnda yaa: «Maan wẽnnaam n kõ tõnd t'a lʋɩ tõnd taoor n tɛ tõndo. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.»

Yikri 34:1

Sẽn-Ka-Saab yeela a Moyiis yaa: «Pees kug-wals a yiib sẽn zems wa pĩnd-dãmbã. Mam na n gʋlsa m goam nins sẽn dag n be dẽenem kug-wals nins fo sẽn wã wã zutã b zugu.

Zeremi 31:33

La ad kaool ning mam sẽn na n maan ne Israyɛll nebã sẽn na n yɩ to-to da-kãens loogr poore: Ka na n leb n yɩ kug-wals zut la mam na n gʋls m tõodã ye. Mam na n ning-b-la bãmb pʋ-tẽerẽ, mam na n gʋls-b-la b sũyã pʋse. Mam na n yɩɩ bãmb Wẽnnaam, la bãmb na n yɩɩ mam nebã. Maam a Sẽn-Ka-Saab n yeele.

A Matiye Sõng 5:19

Dẽ yĩnga, tõ-kãensã sʋka, ned sã n kɩɩs tõog a yembr sẽn yaa-a bilf n yɩɩda, la a zãms nebã tɩ b maan a woto, b na n boola yẽnda tɩ yao-zʋʋg arzãn soolmẽ. La b na n boola ned ning sẽn sakd-bã, la sẽn zãmsd nebã tɩ b sak-bã tɩ nin-kãseng arzãn soolmẽ.

2 Korẽnt rãmba 3:3

Yaa vẽeneg tɩ yãmb yaa Kiris sebre, tõnd sẽn gʋls n tʋme. Ka sẽn gʋls ne gʋls-koom ye, la yaa sẽn gʋls ne Wẽnnaam sẽn vɩ wã sɩɩga. Ka sẽn gʋls kug-wals zut ye, la yaa sẽn gʋls yãmb sũyã pʋse.

2 Korẽnt rãmba 3:7

La sã n yaa tɩ tõog ning sẽn wat-a ne kũumã, b sẽn gʋls-a kug-wals zutã, a sã n da tar ziir hal tɩ Israyɛll kambã rag n ka tõe n ges a Moyiis nengã, yẽ nengã sẽn yãgd ne ziirã yĩnga, tɩ yaool n yaa ziir sẽn na n wa n loogã,

Yaoolem 4:14

Wakat-kãnga, Sẽn-Ka-Saab yeela maam tɩ m zãms yãmb no-tũudsã ne noyã tɩ y sak-b tẽng ning yãmb sẽn na n tɩ kẽ n soogã pʋgẽ.

Yaoolem 5:22

Gom-kãensã yaa Sẽn-Ka-Saab n gom ne yãmb nebã fãa ne koe-kãseng tãngã zugu, bugum la sawat la lik bida pʋgẽ. Bãmb ka paas gomd ye. Bãmb gʋlsa bãmb kug-wals a yiib zut n kõ maam.

Yaoolem 5:31

La foom, bɩ f yaas ka ne maam tɩ m wilg-f tõodã fãa, la no-tũudsã, ne noy nins fo sẽn na n zãms bãmb tɩ b sak-b tẽng ning mam sẽn kõ-b tɩ b soogã pʋgẽ wã.

Ebre rãmba 9:4

Tɩdar yõogr zĩig sẽn yaa sãnem ne kaoolã koglg sẽn lud zãng ne sãnem, tɩ sãnem tʋkã mandã sẽn be a pʋgẽ wã, n paas a Aarõ rasaar ning sẽn da ning-a puudã, la kaoolã kug-wals be a pʋgẽ wã bee be.