Yikri 23:8 - WẼNNAAM SEBRE 2014

⁸ Ra sak n deeg zãmb kũun ye. Bala, zãmb kũun luta yam dãmb nini, la a golemd nin-tɩrs goamã.

SEBR SÕNGO

⁸ Da reeg kũun ye, tɩ kũun pagda nini n kedbd nin-tɩrs bʋʋdo.

Yikri 23:8 Iomraidhean Croise

Yɩɩn‑sõamyã 15:5

Yẽnda ka rɩkd a ligd n peng ned n baood yõod ye. La a ka reegd kũun n zãmb bʋʋm soab ye. Ned ning sẽn maand a woto yasa kãenkãe.

Yɩɩn‑sõamyã 26:10

Bãmb nus tʋmda tʋʋm-beedo, b nug-rɩtg pida ne zãmb kũuni.

Yelbũna 15:27

Ned sã n nong zãmb paoongo, a wata ne zu-beed a meng zak pʋga, la sẽn kis-a zãmb kũun na n vɩɩmdame n kaoose.

Yelbũna 17:23

Nin-wẽng solgdame n deegd kũuni, sẽn na n yɩlẽ tɩ b ra bʋ bʋʋd tɩrg ye.

Yelbũna 17:8

Kũun tara yõod sẽn kõt-bã nifẽ. B sẽn kẽng zĩig ning fãa b paamda tõogre.

Yelbũna 19:4

Arzɛk kɩtdame tɩ ned zo-rãmb lebg wʋsgo, la naong soab zo-rãmb loogdame n bas-a.

Kowelɛt 7:7

Pãn-maaneg kɩtdame tɩ yam soab lebg yalma, la kũun menesda yam.

A Ezayi 1:13

Da-y leb-y n tall-y kũun sẽn ka yõod n wa kõ maam ye. Yãmb wisdã kũun yaa bõn-wẽng mam taoore. Yãmb wẽngã maaneg yĩnga, mam sũur ka noom ne yãmb ki-paalgã tigã, ne y vʋʋsg rayã, la ne y nebã tigindã ye.

A Ezayi 1:23

Fo nanambsã lebga kɩɩsdba, la b lebg wagda tũud-n-taase. Bãmb fãa nongame tɩ b kõt-b kũuni, la b zoet n pʋgd zãmb keoore. Bãmb ka kaood kɩɩb bʋʋd tɩrga, la pʋg-kõap yell gesg ka pak-b ye.

A Ezayi 33:15

Yaa ned ning sẽn kẽnd-a ne tɩrlem, la a gomd sɩda, n ka baood n maan zãmb n paam paoongo, la a pĩmsd a nus n ka rat n deeg zãmb kũuni, n yẽt a tʋb n ka rat n wʋm tɩ b gomd zɩɩm daagr yelle, la a mumd a nin n ka rat n ges sẽn yaa wẽng ye.

A Ezayi 5:22

Toog bee neb nins sẽn yaa gãndaad ne reezẽ rãam yũubã, la neb nins sẽn mi rãam kaolengã zutu.

A Ezayi 5:23

Bãmb deegda kũun n kõt nin-wẽng bʋʋm, la b mongd bʋʋm soab bʋʋm!

Ezekiyɛl 22:12

Neb n sakd n deegd kũun n daagd zɩɩm fo pʋgẽ. Fo pengda ligd n modgdẽ tɩ b lebs-f ne roaglenga. Fo maanda f taab pãng n wẽgd-ba, n yaool n yĩmd mam yelle. Maam a Zu-soab a Sẽn-Ka-Saab n yeele.»

A Ooze 4:18

Bãmb ka yãt n yũ n sɛ, la b leb n lʋɩ yoobã pʋgẽ ye. Bãmb nanambsã nonga paoogre.

A Amoose 5:12

Bala, mam miime tɩ yãmb beegrã looga nugu, la y yel-wẽnã yaa wʋsgo. Yãmb namsda nin-tɩrga, la y reegd kũuni, n mongd naong soab bʋʋm bʋʋd zĩigẽ.

A Miise 7:3

Bãmb sẽn mi yaa wẽng maaneg bala. Naab ka maand neer tɩ b ka reeg bũmb ye, Bʋ-kaoodã ka kaood bʋʋd t'a ka reeg kũun ye, Nin-kãsemsã wilgda b yão-beedã, la b naagd taab n tʋmd b tʋʋm-beedo.

Yaoolem 10:17

Bala, Sẽn-Ka-Saab sẽn yaa yãmb Wẽnnaamã yaa wẽnnaam-dãmbã Wẽnnaam, la zu-sob-n-dãmbã Zu-soaba. Bãmb yaa kãsenga, n tar pãnga. Bãmb zemsa zoeese. Bãmb ka tũusd ned ye, la b ka reegd kũun n maan wẽng ye.

Yaoolem 16:19

Bɩ y ra bʋ bʋʋdã kɛg ye, la y ra tũus neb ye. Bɩ y ra reeg kũun ye. Bala, kũun luta yam dãmb nini, la a golemd nin-tɩrs goamã.

1 Sãmwɛlle 12:3

Ad-m sẽn yase! Leok-y maam Sẽn-Ka-Saab ne rĩm ning bãmb sẽn yãkã taoore, tɩ b yɩ kaset rãmba. Ãnda naaf la m deeg yã? Ãnda bõang la m deeg yã? Ãnda la m maan pãnga? Ãnda la m nams yã? Ãnda kũun la m deeg yã, n mum m nin n kao a soab bʋʋd kegre? Bɩ y togs tɩ m bao n lebs a soaba.»

1 Sãmwɛlle 8:3

A Samwɛll kambã ka rɩk a Sãmwɛll naoor ye. Bãmb dag n nonga kũuni, b rag n deegda kũuni, la b kaood bʋʋdã kɛga.