Yikri 23:7 - WẼNNAAM SEBRE 2014

⁷ Zãag f meng ne zĩrẽ goamã. Ra kʋ ned sẽn yaa bʋʋm soab la nin-tɩrg ye. Bala, mam ka na kõ nin-wẽng bʋʋm ye.

SEBR SÕNGO

⁷ Zirẽ-beed sã n be sʋka, bɩ f ra lʋɩɩs f toog ye. Da sõng tɩ b b kʋ nin-tɩrga la ned sẽn ka beeg ye. Ad-y m ka tõe n kõ yel-maand bʋʋm ye.

Yikri 23:7 Iomraidhean Croise

Sɩngrẽ 18:23

Dẽ, a Abrahaam kolgame n sok yaa: «Dẽ yĩnga, yãmb na n naaga nin-tɩrsã ne nin-wẽnsã n sãam bɩ?

A. Zoobe 22:23

Fo sã n lebg n leb Pãng-Soabã nengẽ, b na n leb n lebsa foom f zĩigẽ, la fo na n kɩtame tɩ wẽnem zãag ne fo fu-roogã.

Yɩɩn‑sõamyã 119:29

Zãag-y maam ne zĩrẽ sore, la y zoe m nimbãaneg n sõng-m tɩ m sak yãmb tõogã.

Yɩɩn‑sõamyã 94:21

Bãmb tigimda taab n dat n sãam nin-tɩrg vɩɩm, la b raag neb sẽn ka tar yell zɩɩm.

Yikri 20:13

Ra kʋ ned ye.

Yikri 20:16

Da kɩs kaset sẽn yaa zirẽ n dõd f to ye.

Yikri 23:1

«Da rɩk zĩrẽ koɛɛg n saag ye. Ra naag ne nin-wẽng n kɩs zĩrẽ kaset ye.

Yikri 34:7

La mam maanda sɩd hal tɩ ta zamaan tusri, n kõt neb sugr b beegrã ne b kɩɩsgã la b yel-wẽnã fãa yĩnga. La baoosgo, mam ka na n bas yãmb taal y beegrã yĩng ye. Mam na n kɩtame tɩ ba-rãmbã beegrã sɩbgr zĩnd bãmb kambã zutu, la bãmb yagensã zut hal tɩ ta zamaan a tãabo, la ne a naase.»

Yelbũna 11:21

Nin-wẽng ka tõe n ka paam sɩbgr ye, la nin-tɩrsã yagens na n paama fãagre.

Yelbũna 17:15

Ned sẽn kõt nin-wẽng bʋʋm, ne ned sẽn mongd nin-tɩrg bʋʋm yaa yel-beed Sẽn-Ka-Saab nifẽ.

A Ezayi 33:15

Yaa ned ning sẽn kẽnd-a ne tɩrlem, la a gomd sɩda, n ka baood n maan zãmb n paam paoongo, la a pĩmsd a nus n ka rat n deeg zãmb kũuni, n yẽt a tʋb n ka rat n wʋm tɩ b gomd zɩɩm daagr yelle, la a mumd a nin n ka rat n ges sẽn yaa wẽng ye.

A Ezayi 5:20

Toog bee neb nins sẽn boond wẽng tɩ sõama la b boond sõama tɩ wẽngã zutu. Bãmb geelgda lik wa vẽenem, la b geelgd vẽenem wa lika. Bãmb geelgda toog wa noogo, la b geelgd noog wa toogo!

Maan‑kʋʋre 19:11

Bɩ y ra zu ye. Bɩ yãmb ned ba a yembr da rõd a tẽng-n-bi-taaga, la ra-y zãmb-y-yã-a ye.

Maan‑kʋʋre 19:16

Bɩ y ra kãneg taab ye. Ra rõd f to tɩ b kʋ-a ye. Mam yaa Sẽn-Ka-Saabo.

A Nahum 1:3

Sẽn-Ka-Saab yaa sũ-mar soaba. Bãmb pãngã yaa kãsenga. Bãmb ka basd koangd n ka sɩbg-a ye. Bãmb sã n kẽnda, sob-kãseng n yikdi.

A Luk Sõng 3:14

Sodaas me soka a Zã tɩ la bãmb yẽ tog n maana bõe? Yẽnda leoka bãmb n yeele: Da maan-y ned pãng ye, la y da rõd neb zaalem ye, la y maan sũ-noog ne y yaoodã.

Rom Dãmba 1:18

Sɩdã, Wẽnnaam sũ-puugrã yita yĩngr n sigd ninsaalbã zutu, bãmb wẽn-kɩɩsgã la b tʋʋm-wẽnsã sẽn gɩdgd sɩdã t'a ka tõe n maan a tʋʋmdã yĩnga.

Efɛɛz Rãmba 4:25

Woto yĩnga, bas-y zĩrẽ yagbo, la bɩ yãmb ned kam fãa togs a to sɩda. Bala, tõnd yaa yĩng a yembr wil ne taaba.

Yaoolem 25:1

Neb a yiib sã n wa tar yell ne taab n kẽng bʋʋd zĩigẽ, bɩ bʋ-kaoodã kao bʋʋdã n kõ bʋʋm soabã bʋʋm la a mong sẽn ka tar-a bʋʋmã bʋʋm.

Yaoolem 27:25

Kãab-wẽng bee ne ned ning sẽn deegd kũun n kʋʋd bʋʋm soaba. La bɩ nebã fãa yeel tɩ ãmina.

1Tesalonik Rãmba 5:22

la y yõk y mens ne wẽng buudã fãa.