Yikri 23:33 - WẼNNAAM SEBRE 2014

³³ Bɩ y ra sak tɩ bãmb zĩnd yãmb soolmã pʋgẽ ye. Sã n ka rẽ, bãmb na n wa kɩtame tɩ yãmb maan yel-wẽnd n beeg maam. Bala, yãmb na n waooga bãmb wẽnnaam-dãmbã, la, yõwã na n yɩɩ bẽdg yãmb yĩnga.

SEBR SÕNGO

³³ Da bas-b fo tẽngẽ ye, ka rẽ b wat n kɩtame tɩ f beeg maam, f wat n tʋlgame n waoog b wẽn-faadã la rẽ yaa b bẽdgo, b sẽn na n bẽd n yõk foo.»

Yikri 23:33 Iomraidhean Croise

1 Rĩm-dãmbã 14:16

A Zeroboaam sẽn beeg n kɩt tɩ Israyɛll nebã lʋɩ kongr pʋgẽ wã yĩnga, Sẽn-Ka-Saab na n basa Israyɛll nebã.»

2 Kibayã 33:9

La Manaase kẽesa Zʋʋda ne Zeruzalɛm nebã weoogo, n kɩt tɩ b maan wẽng n yɩɩd buud nins Sẽn-Ka-Saabã sẽn kɩt tɩ Israyɛll nebã sãamã sẽn dag n maandã.

Yɩɩn‑sõamyã 106:36

Bãmb waooga bu-zẽmsã wẽn-naandsã, tɩ rẽ lebg bẽdg b yĩnga.

Yikri 10:7

La rĩmã tʋmtʋmdbã yeela rĩmã yaa: «Rao-kãngã na n yɩɩ bẽdg tõnd yĩng hal tɩ ta dabʋre? Bas-y nin-bãmbã tɩ b kẽng n tɩ waoog Sẽn-Ka-Saab sẽn yaa bãmb Wẽnnaamã. Yãmb ket n nan ka mi tɩ Ezɩpt tẽngã sãamdame?»

Yikri 23:24

Ra wõgemd bãmb wẽnnaam-dãmbã taoor n waoog-b ye. La f ra maan wa bãmb sẽn maandã ye. Lub bãmb tẽn-kugã b sẽn luglã n wã.

Yikri 34:12

Fo sã n ta zĩig ning fo sẽn dabdã, bɩ f gũus n da wa maan kaool ne tẽngã nebã, tɩ b lebg wa bẽdg yãmb sʋk ye.

Yaoolem 12:30

gũus-y n da lʋɩ-y b bẽdgã pʋgẽ, tɩ y sẽn sãam-bã, bɩ y leb n yik n maand wa bãmb ye. Gũus-y n da wa sok n na n bãng b wẽn-naandsã yelle, n wa sokd y mens n yetẽ: «Bu-bãmbã rag n tũuda b wẽn-naandsã wãn-wãna? Mam me na n maana wa bãmba!»

Yaoolem 20:18

Sẽn na yɩlẽ tɩ b ra wa zãms yãmb tɩ y maan tʋʋm-beed nins bãmb sẽn maand b wẽnnaam-dãmbã yĩng n beegd ne Sẽn-Ka-Saab sẽn yaa yãmb Wẽnnaamã ye.

Yaoolem 7:1

Sẽn-Ka-Saab sẽn yaa yãmb Wẽnnaamã sã n wa tall yãmb n tɩ kẽes tẽng ning yãmb sẽn na n soogã pʋgẽ, bãmb sã n wa rig buud wʋsg nins sẽn be f taoorã sẽn yaa Hɛt-rãmbã ne Girgaaz-rãmbã la Amoor-dãmbã ne Kana-rãmbã la Ferɛɛz-rãmbã ne Hevi-rãmbã la Zebuuz-rãmbã, buud a yopoe wã sẽn yaa wʋsg n tar pãng n yɩɩd yãmbã,

Yaoolem 7:16

Fo na n sãama buud nins fãa Sẽn-Ka-Saab sẽn yaa fo Wẽnnaamã sẽn na n kɩt tɩ f tõogã. Ra zoe b nimbãaneg ye. Ra tũ-b wẽnnaam-dãmbã ye. Bala, na n yɩ bẽdg fo yĩnga.

2 Tɩmote 2:26

tɩ b leb n paam yam-sõngo, la b tõog n yi sʋtãanã kũusa sẽn yõg bãmb tɩ b sak-a wã pʋgẽ.

Zozuwe 10:40

A Zozoe tõogã kɩren-kãng tẽmsã. Yaa tẽms nins sẽn be tãms sʋkã, ne sẽn be-b Negɛɛvã, la sẽn be-b kunkubã sʋkã, ne b rĩm-dãmbã. Bãmb ka bas ned ba a yembr tɩ põs ye, la b sãama bũmb ning fãa sẽn vʋʋsd ne yõore, wa Sẽn-Ka-Saab sẽn yaa Israyɛll Wẽnnaamã sẽn dag n yeelã.

Zozuwe 23:13

bɩ y bãng neere, tɩ Sẽn-Ka-Saab sẽn yaa yãmb Wẽnnaamã ka na n leb n sõng yãmb tɩ y tõog n dig bu-kãensã ye. Bu-kãensã na n kɩtame tɩ yãmb lʋɩ bẽdg pʋg n paam toogo, b na n namsa yãmb wa b sẽn pãbd ned ne kalwaase, la wa gõos sẽn kõs ned nini, hal tɩ yãmb wa menem n bas tẽn-sõng-kãng Sẽn-Ka-Saab sẽn yaa yãmb Wẽnnaamã sẽn kõ yãmbã.

Bʋ-kaoodba 2:2

Bɩ yãmb da wa saag n maan kaool ne tẽn-kãngã nebã ye. La bɩ y wã bãmb tẽn-kugã. La yãmb ka kelg mam koɛɛgã ye. Yaa bõe tɩ yãmb maan woto?

Bʋ-kaoodba 2:3

Dẽ, mam yeelame yaa: Mam ka na n leb n dig y bɛɛbã n kõ-y ye. Bãmb na n bee ne yãmba, tɩ bãmb wẽnnaam-dãmbã lebg bẽdg yãmb yĩnga.»

1 Sãmwɛlle 18:21

A Sayull rag n yeta a sũurẽ woto: «Mam na n dɩka m bi-pugl a Mikall n kõ a Davɩɩd tɩ yɩ bẽdg a yĩnga, tɩ Filistẽ-dãmbã paam-a n kʋ.» La a Sayull leb n yeela a Davɩɩd naoor a yiibẽ soab t'a na n dɩka a biigã n kõ-a t'a lebg a rɛɛmba.