Yikri 23:29 - WẼNNAAM SEBRE 2014

²⁹ La mam ka na n dig bãmb fãa tɩ b zoe yʋʋmd-yɛng pʋgẽ ye, tɩ tẽngã ra wa lebg we-raoogo, tɩ we-rũms lebg wʋsgo, tɩ wa lebg toog ne yãmb ye.

SEBR SÕNGO

²⁹ Ka na n yɩ yʋʋm-yɛng pʋgẽ bal la m na n dɩg bãmb f taoor ye, tɩ tẽnga ka tog n tiig n lebg we-raoogo, bõn-nindi tẽnga, tɩ yɩ naana ne foom ye.

Yikri 23:29 Iomraidhean Croise

Yikri 23:30

La mam na n diga bãmb bilf-bilf hal tɩ wakat ta tɩ yãmb nebã wa rog n lebg wʋsgo, tɩ yãmb pãngã sek tɩ soog soolmã.

Yikri 34:24

Bala, mam na n diga buud wʋsg tɩ b zoe fo taoore, la mam na n yalga fo soolmã. Fo sã n kẽng Sẽn-Ka-Saab sẽn yaa fo Wẽnnaamã nengẽ naoor a tãab yʋʋmd fãa pʋgẽ, ned ka be sẽn na n bao tɩ soog fo tẽngã ye.

Yaoolem 7:22

Sẽn-Ka-Saab sẽn yaa yãmb Wẽnnaamã na n diga bu-kãens yãmb taoor bilf-bilfu. Yãmb ka na n tõog n sãam bãmb fãa wakat a yembr ye. Sã n ka rẽ, we-rũmsã na n lebga wʋsg n yɩɩd yãmba.

Zozuwe 15:63

Zʋʋda kambã ka tõog n dees Zebuus-rãmbã sẽn be Zeruzalɛmã tẽms ye. Dẽ, Zebuus-rãmbã kell n paa Zeruzalɛm ne Zʋʋda nebã hal tɩ ta rũndã.

Zozuwe 16:10

Bãmb ka tõog n dig Kana nebã sẽn dag n be Gezɛɛrã n deeg tẽngã ye. Dẽ, Kana nebã kell n paa Efrayiim nebã sʋk hal tɩ ta rũndã. La Efrayiim nebã modga bãmb tɩ b tʋmd b tʋʋm-wɛgl wa yembs n kõt-ba.