Yikri 23:25 - WẼNNAAM SEBRE 2014

²⁵ Bɩ y sak Sẽn-Ka-Saab sẽn yaa yãmb Wẽnnaamã. La bãmb na n ninga yãmb dɩɩbã ne y ko-yũudmã barka. La mam na n yiisa bãas yãmb sʋka.

SEBR SÕNGO

²⁵ Yaa f Soaala la f Wẽndã la f na n waoog wa sẽn segde. Sã n yɩ woto, f sẽn dɩt la f sẽn yũud na paam barka la m na zãag-f ne bãaga.

Yikri 23:25 Iomraidhean Croise

Yɩɩn‑sõamyã 103:3

Bãmb n kõt maam sugr m beegrã fãa yĩnga, bãmb n maagd mam bãasã fãa.

Yikri 15:26

Sẽn-Ka-Saab yeelame: «Yãmb sã n sak Sẽn-Ka-Saab sẽn yaa yãmb Wẽnnaamã koɛɛg neere, yãmb sã n maan sẽn tat bãmb yam, yãmb sã n yok y tʋb n kelg bãmb noyã, la y sã n sak bãmb no-tũudsã fãa, mam kõn lobg yãmb ne bãas nins fãa mam sẽn lobg Ezɩpt nebã ba a yembr ye. Bala, mam yaa Sẽn-Ka-Saab sẽn maagd yãmba.»

A Ezayi 33:16

Nin-kãngã soab na n zĩnda zĩ-zãonglsẽ. Pĩis sẽn tar pãng na n yɩɩ yẽnda pãng zĩiga. B na n kõo yẽnda rɩɩbo, la koom kõn paoog-a ye.»

A Ezayi 33:24

La tẽngã ned kõn yeel t'a ka keem ye! Neb nins sẽn be tẽn-kãng pʋgã na n paama b kongrã sugri.

Zeremi 8:2

n dʋʋg wĩndgã ne kiuugã la yĩngr ãdsã bãmb sẽn dag n nong la b waoogdẽ la b pʋgd la b baoodẽ la b wõgemded b taoor n waoogd-bã vẽenemẽ. B ka na n naag-b taaba, la b ka na n mum-b me ye. B na n lebga birg tẽn-gãongã yĩnga.

A Dãniyɛlle 1:15

La rasem piigã zugẽ, b mikame t'a Dãniyɛll dãmb nobame tɩ b nensã pɩnda, la b yaa neeba, n yɩɩd kom-bɩɩs a taabã sẽn dag n dɩt rĩmã rɩ-noodã.

Maan‑kʋʋre 11:44

Bala, mam yaa Sẽn-Ka-Saab sẽn yaa yãmb Wẽnnaam. Yãmb tog n manega y mens n yɩ pʋ-peelem dãmba. Bala, mam yaa pʋ-peelem soaba. Dẽ wã, ra sak-y n bas-y tɩ rũm-bãoonegã sẽn saagd tẽn-gãongã zugã rẽgem yãmb ye.

Maan‑kʋʋre 26:3

Yãmb sã n sak mam noyã, la y sak mam tõodã n maan wa b sẽn yeelã,

Malasi 3:10

Ade, Saasẽ-Pãng-Soabã yetame: «Tall-y piig pʋɩɩrã fãa n wa laogã bĩngr doogẽ, tɩ rɩɩb tõe n zĩnd m doogẽ wã. M kotame tɩ y mak maam a woto, la mam na n paka yĩngr kʋɩlemsã y yĩnga, n kɩt tɩ barkã sig yãmb zugu, hal tɩ seke!

A Matiye Sõng 4:10

A Zeezi yeela yẽnda: Kẽng n looge, Sʋtãanã! Bala, a gʋlsame tɩ f waoog Zu-soabã fo Wẽnnaam la f sak bãmb b yen bal tãa.

Yaoolem 10:12

La moasã, Israyɛll nebã, bõe la Sẽn-Ka-Saab rat ne yãmba, sã n ka tɩ y zoe Sẽn-Ka-Saab sẽn yaa yãmb Wẽnnaamã n tũ bãmb soayã, la y nong bãmba, n sak Sẽn-Ka-Saab sẽn yaa yãmb Wẽnnaamã ne y sũyã fãa la ne y yamã fãa,

Yaoolem 10:20

Zoe-y Sẽn-Ka-Saab sẽn yaa yãmb Wẽnnaamã la y sak bãmb n gãd bãmba, la y wẽen ne bãmb yʋʋre.

Yaoolem 13:4

bɩ y ra kelg no-rɛɛs-kãng wall nin-kãng soab goamã ye. Bala, yaa Sẽn-Ka-Saab sẽn yaa yãmb Wẽnnaamã n makd yãmb n dat n bãng yãmb sã n tũuda bãmb ne y sũyã fãa la ne y yamã fãa.

Yaoolem 6:13

Zoe-y Sẽn-Ka-Saab sẽn yaa yãmb Wẽnnaamã n sak bãmb bala, la y wẽen ne bãmb yʋʋre.

Yaoolem 7:13

Bãmb na n nonga yãmba, b na n ning-y-la barka, n kɩt tɩ y lebg wʋsgo. Bãmb na n kɩtame tɩ y kambã paam barka, la b kɩt tɩ y tẽngã bõn-koaadl ne ki wã, la y reezẽ rãamã ne y kaamã, la y rũm-bɛdã ne y rũm-bãoonegã kamb zĩnd bark tẽng ning bãmb sẽn dag n wẽen n yeel y yaab-rãmbã tɩ b na n kõo bãmbã pʋgẽ.

Yaoolem 7:15

Sẽn-Ka-Saab sẽn yaa yãmb Wẽnnaamã na n zãag-y-la ne bãas buud fãa. Bãmb ka na n kɩt tɩ Ezɩpt bã-wẽns nins yãmb sẽn mi wã yõk yãmb ye. Bãmb na n kɩtame tɩ b yõk neb nins sẽn kis-b yãmbã.

Zozuwe 22:5

La bũmb sẽn be bala, modg-y n sak-y noy ninsi, la tõod nins fãa Sẽn-Ka-Saab tʋmtʋmd a Moyiis sẽn dag n wilg yãmbã. B yeelame yaa: Nong-y Sẽn-Ka-Saab sẽn yaa yãmb Wẽnnaamã, la y tũ bãmb soayã neere, n sak bãmb tõodã, la y mobg bãmba, la y tʋm bãmb yĩng ne y sũyã fãa, ne y yamã fãa.»

Zozuwe 24:21

Nebã yeela a Zozoe yaa: «Ayo! Tõnd ka na n tũ wẽnnaam-dãmb a taab ye. Tõnd na n tũu Sẽn-Ka-Saabo.»

Zozuwe 24:24

Nebã leb n yeela a Zozoe yaa: «Tõnd na n tũu Sẽn-Ka-Saab sẽn yaa tõnd Wẽnnaamã la d sak bãmb sẽn yeelã.»

1 Sãmwɛlle 12:20

A Sãmwɛll yeela nebã yaa: «Da zoe-y rabeem ye. Yaa sɩd tɩ yãmb maana wẽnga, la ra wẽnemd-y n bas-y Sẽn-Ka-Saab ye. Sak-y bãmb ne y sũyã fãa.

1 Sãmwɛlle 12:24

La bũmb sẽn be bala, bɩ y zoe Sẽn-Ka-Saabo, la y tũ bãmb ne sɩda, la ne y sũyã fãa. Ges-y bõn-kãsems nins bãmb sẽn maan yãmb sʋkã.

1 Sãmwɛlle 7:3

La a Sãmwɛll yeela Israyɛll buudã fãa yaa: «Sã n mikame tɩ yaa ne y sũyã fãa la y rat n lebg n tũ Sẽn-Ka-Saabo, bɩ y yiis bu-zẽmsã wẽnnaam-dãmbã, ne Astarte wẽn-naandsã yãmb sʋka. La y wẽnemd y sũyã n kõ Sẽn-Ka-Saabo, la y tũ bãmb b yembr bala. Woto, bãmb na n fãaga yãmb Filistẽ-dãmbã nusẽ.»