Yikri 23:24 - WẼNNAAM SEBRE 2014

²⁴ Ra wõgemd bãmb wẽnnaam-dãmbã taoor n waoog-b ye. La f ra maan wa bãmb sẽn maandã ye. Lub bãmb tẽn-kugã b sẽn luglã n wã.

SEBR SÕNGO

²⁴ da saag n wõgemd b wẽn-naandsa taoor ye, da saag n waoog-b, wala tẽnga rãmb sẽn da maand ye, da tũ b sora ye, pãb-ba n wã, n wã b tẽn-kugã.

Yikri 23:24 Iomraidhean Croise

2 Rĩm-dãmba 17:11

Woto, Israyɛll nebã yõoga wisd maoong kʋʋb zĩisẽ wã fãa, wa buud nins Sẽn-Ka-Saab sẽn dag n kɩt tɩ b rigã sẽn dag n maandã. Bãmb maana tʋʋm-wẽns wʋsg hal n kɩt tɩ Sẽn-Ka-Saab sũur puugi.

2 Rĩm-dãmba 17:8

Israyɛll nebã maana wa buud nins Sẽn-Ka-Saab sẽn dag n kɩt tɩ bãmb digã sẽn dag n maandã. Yaa woto la Israyɛll dĩm-dãmbã rag n maanda.

2 Rĩm-dãmba 18:4

Yẽnda menesa maoong kʋʋb zĩisã, la a wã kug-vigindsã, la a kɛ Aseera ra-lugdsã, la a pãb zũud waafã a Moyiis sẽn dag n maanã n wã, bala, Israyɛll nebã rag n ket n yõogda wisd waafã taoore, la b rag n pʋd-a t'a Nehustan.

2 Rĩm-dãmba 3:2

La a Zoram maana sẽn yaa wẽng Sẽn-Ka-Saab nifẽ. Baoosgo, yẽnda wẽngã maaneg ka ta a ba wã ne a ma wã sẽn dag n maanã ye. Bala, yẽnda pãba a ba wã sẽn dag n vigl kugr ning n kõ a Baallã fãa n wã.

2 Kibayã 14:2

Yẽnda sãama bu-zẽms a taabã wẽnnaam-dãmbã tẽn-kuga, maoong kʋʋb zĩisã, la a wã kug-vigindsã, la a kɛ a Aseera ra-lugdsã n lubi.

2 Kibayã 25:14

A Amatsɩya sẽn tɩ zab ne Edom nebã n tõog n lebgdẽ wã, yẽnda talla Seyɩɩr kambã wẽn-naands n wa, la a rɩk-b tɩ b lebg yẽnda wẽnnaam-dãmb n wõgemd bãmb taoor n waoog-b la a yõogd wisd n kõt-ba.

2 Kibayã 33:2

A Manaase maana sẽn yaa wẽng Sẽn-Ka-Saab nifẽ. Bala, yẽnda maana yel-beed wa buud a taab nins Sẽn-Ka-Saabã sẽn dag n kɩt tɩ Israyɛll nebã rigã.

2 Kibayã 33:9

La Manaase kẽesa Zʋʋda ne Zeruzalɛm nebã weoogo, n kɩt tɩ b maan wẽng n yɩɩd buud nins Sẽn-Ka-Saabã sẽn kɩt tɩ Israyɛll nebã sãamã sẽn dag n maandã.

Yɩɩn‑sõamyã 101:3

Mam ka na n ges bũmb sẽn ka yõod ye. Mam na n kisga nin-wẽnsã manesmã. Bãmb kõn tol n soog maam ye.

Yikri 20:3

Ra bao wẽnnaam-dãmb a taaba, sã n ka maam bal ye.

Yikri 20:5

Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Yikri 23:13

«Sak-y bũmb nins fãa mam sẽn yeel yãmbã, la y ra pʋd wẽnnaam-dãmb a taab yʋy ye. Ra sak tɩ ned wʋm tɩ fo gomd b yell ye.»

Yikri 23:32

Ra sak n maan kaool ne bãmba, wall ne bãmb wẽnnaam-dãmbã me ye.

Yikri 23:33

Bɩ y ra sak tɩ bãmb zĩnd yãmb soolmã pʋgẽ ye. Sã n ka rẽ, bãmb na n wa kɩtame tɩ yãmb maan yel-wẽnd n beeg maam. Bala, yãmb na n waooga bãmb wẽnnaam-dãmbã, la, yõwã na n yɩɩ bẽdg yãmb yĩnga.

Yikri 32:20

Dẽ, yẽnda rɩka nag-bil ning b sẽn maanã n yõog bugum n wer-a t'a lebg zom-bãanega, la yẽnda rɩk-a lame n fẽrg koomã pʋgẽ n kɩt tɩ Israyɛll nebã yũ-a.

Ezekiyɛl 16:47

Fo rɩka bãmb manesmã, la sẽn paase, fo maana yel-beed nins bãmb sẽn maanã, tɩ rẽ ka sek foom ye, tɩ fo leb n maan tʋʋm-beed f manesmã fãa pʋg n yɩɩd bãmba.

A Ooze 10:2

Bãmb yaa yam a yiib rãmba. Moasã, bãmb kongrã na n luɩ b zugu. Sẽn-Ka-Saab na n wãa bãmb tẽn-kugã.

Maan‑kʋʋre 18:3

Yãmb ka tog n maan wa Ezɩpt tẽngã nebã sẽn maandã ye, tẽng ning yãmb sẽn dag n beẽ wã ye. La da maan-y wa Kana tẽngã, zĩig ning mam sẽn tar yãmb n dabdã nebã sẽn maandã ye. Da sak-y n tũ-y bãmb noyã ye.

Maan‑kʋʋre 26:1

Ra maan-y wẽn-naands ye. Ra maan-y bõn-naands n kõ y mense, wall y vigl kug bɩ raad y tẽngã pʋga, n wõgemd n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam.

Sõadga 25:2

La Moaab kom-pugli wã kɩtame tɩ Israyɛll nebã kʋ maand n kõ bãmb wẽn-naandsã. Dẽ, Israyɛll nebã naaga Moaab kom-pugli wã n wãb b maandã nemdo, la b pʋʋs b wẽn-naandsã.

Sõadga 33:52

bɩ y rig tẽngã neb fãa, la y sãam b wẽn-naands nins bãmb sẽn pees ne kuga, wall sẽn kud ne kutã, la y sãam b tẽn-kugã.

Yaoolem 12:3

Bɩ y siig b tẽn-kugã la y wã b kug-vigindsã la y yõog Aseera ra-lugdsã bugum. Menes-y b bõn-naands nins b sẽn pees n maan b wẽnnaam-dãmbã tɩ b yʋʋr menem zĩ-kãense.

Yaoolem 7:5

Ad yãmb sẽn na n maan bãmb bũmb ninga: Yãmb na n wã b tẽn-kugã la y kɛ b ra-lugdsã, la y yõog b bõn-naandsã b sẽn peesã bugum.