Yikri 23:23 - WẼNNAAM SEBRE 2014

²³ Mam malɛɛkã na n lʋɩɩ fo taoor n yãag foom tɩ f ta tẽng ning Amoor-dãmbã ne Hɛt-dãmbã la Ferɛɛz-rãmbã ne Kana-rãmbã la Hevi-rãmbã ne Zebuuz-rãmbã sẽn be wã. La mam na n menesa bãmb zãnga.

SEBR SÕNGO

²³ M malɛka m sẽn lʋɩɩs f taoora sã n wa tall-f n taas Amoritse, Ititse, Perizitse, Ivitse, Zebuzitse la Kanaã rãmb tẽnga tɩ f paam n kʋ-b zãnga,

Yikri 23:23 Iomraidhean Croise

Sɩngrẽ 24:7

Sẽn-Ka-Saab sẽn yaa saasẽ Wẽnnaamã sẽn kɩt tɩ mam yi n bas m buudã ne m ba-yirã, bãmb sẽn gom ne maam n wẽen n yeel tɩ bãmb na n kɩtame tɩ mam yagensã soog tẽn-kãngã wã, bãmb mengã na n tʋma b malɛɛk t'a lʋɩ fo taoore, la yaa beenẽ la fo na n bao pag n wa kõ mam biigã.

Sɩngrẽ 34:2

Hevi ned a Hamoor sẽn yaa tẽngã naabã biig a Sɩkɛm yãnda a Dina, la a yõk-a lame n tɩ gãand-a, n sãam-a.

Yikri 18:8

La a Moyiis togsa a rɛɛmbã bũmb nins fãa Sẽn-Ka-Saab sẽn maan Faarõ ne Ezɩpt rãmbã Israyɛll nebã yĩngã, la namsg nins fãa sẽn paam bãmb sorã zugã, la Sẽn-Ka-Saab sẽn fãag bãmb to-to.

Yikri 23:20

Ade, mam tʋmda malɛɛk t'a lʋɩ yãmb taoore, n gũ yãmb kẽndã fãa pʋgẽ, la a tall yãmb n taas zĩig ning mam sẽn seglã.

Yikri 3:17

Mam yeelame tɩ m na n yiisa yãmb namsg ning b sẽn namsd yãmb Ezɩpt tẽngã pʋgẽ wã pʋga, n tall yãmb n kẽng Kana nebã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã tẽngẽ. Yaa tẽng sẽn pid ne bĩisim la sɩɩd wʋsgo.»

Yikri 32:2

La a Aarõ yeela bãmb yaa: «Bɩ y yãgs sãnem tʋb-londã sẽn be yãmb pagbã tʋbẽ wã, la yãmb kom-dibli wã ne y kom-pugli wã tʋbẽ wã n wa kõ maam.»

A Ezayi 5:13

Yaa rẽ n kɩte, tɩ b na n yiis mam nebã n tɩ kẽes yembdo, b sẽn ka tar bãngrã yĩnga. Kom na n kʋʋ bãmb nanambsã, la ko-yũud na n kʋʋ mam nebã sẽn yaa kʋʋngã.

Yaoolem 9:3

Dẽ wã, bãng-y rũndã tɩ Sẽn-Ka-Saab sẽn yaa yãmb Wẽnnaamã meng lʋɩta yãmb taoor wa bugum sẽn dɩta, la yaa bãmb meng n na n sãam-ba. Yaa bãmb n na n kɩt tɩ b paam yãnd yãmb taoore. La yãmb na n diga bãmb n menes-b tao-tao wa Sẽn-Ka-Saab sẽn yeel yãmbã.

Zozuwe 23:9

Sẽn-Ka-Saab kɩtame tɩ yãmb dig buud wʋsg sẽn tar pãnga. La hal tɩ ta rũndã, ned ba a yembr nan ka tõog n yals n teeg a yãoog ne yãmb ye.

Zozuwe 5:13

Daar a yembre, a Zozoe sẽn kolg Zeeriko tẽngã, n zẽk a neng n getẽ, a yãnda rao sẽn yas yẽnda taoore, n zãad zabr sʋʋga. A Zozoe kẽng n kolg-a lame n sok-a yaa: «Fo bee ne tõnd bɩ f bee ne tõnd bɛɛbã?»

Zozuwe 9:1

Rĩm-dãmb nins sẽn be Zʋrdẽ kʋɩlgã rʋʋnd ne sẽn be-b tãmsã sʋkã, la kunkubã sʋkã ne ko-kãsengã noorã hal n tall n tɩ tãag Libã wã, sẽn yaa Hɛt ne Amoor la Kana-rãmbã, ne Ferɛɛz la Hevi ne Zebuus-rãmbã sẽn wʋm tɩ Israyɛll nebã sãama Ayi tẽngã,