Yikri 23:2 - WẼNNAAM SEBRE 2014

² Ra lagem neb n maan wẽnga, b sẽn yaa wʋsgã yĩng ye. Ra kɩs kaset kegr bʋʋd wakate, fo sẽn dat n tũ neb wʋsgã yĩng ye.

SEBR SÕNGO

² Da kẽ sẽn baood-b wẽnga, b sõor yaa wʋsg yĩng ye. Da tũ sõor yaa wʋsg rãmba n togs sẽn pa sɩd n paalg ned bʋʋdo, a sẽn yaa a ye wã yĩng ye.

Yikri 23:2 Iomraidhean Croise

Sɩngrẽ 19:4

Wakat ning bãmb sẽn dag n nan ka kẽ gãagã, Sodom tẽngã nebã fãa gilli, sẽn sɩng ne b kom-bɩɩs tɩ tãag b nin-kẽembã wa n gũbga roog ning bãmb sẽn be wã.

Sɩngrẽ 6:12

Wẽnnaam gesame tɩ dũniyã sãama zãnga. Bala, ninsaalbã fãa rag n tʋmda tʋʋm-beed dũniyã zugu.

Sɩngrẽ 7:1

Sẽn-Ka-Saab yeela a Nowe yaa: «Bɩ foom ne f pagã, la f zakã rãmb fãa kẽ koom koglgã pʋga. Bala, mam gesame, tɩ fo zamaanã nebã sʋka, yaa foom f yembr n yaa nin-tɩrg mam taoore.

1 Rĩm-dãmbã 19:10

La a Eli leokame: «Mam tʋma Sẽn-Ka-Saab sẽn yaa Saasẽ-Pãng-Soabã yĩng ne m sũurã fãa, la Israyɛll nebã basa yãmb kaoolã, la b luba y tẽn-kugã, la b kʋ yãmb no-rɛɛsdbã ne sʋʋga. Yaa maam m yembr bal n ket n vɩ, la b baooda maam me n dat n kʋ.»

A. Zoobe 31:34

mam sẽn zoet neb wʋsgã goam yĩng ye. Mam ka zoe buud paoogr n sĩnd n ka yi m zakã pʋgẽ ye.

Yɩɩn‑sõamyã 72:2

Woto, a na n kao y nebã bʋʋd ne tɩrlem, la a kao nimbãan-nebã bʋʋd tɩ zemse.

Yelbũna 1:15

M biiga, ra tũ bãmb ye, zãag f meng ne sor ning nin-bãmbã sẽn tũudã.

Yelbũna 18:5

Ka sõma tɩ b kõ nin-wẽng bʋʋm, n mong nin-tɩrg bʋʋm bʋʋd zĩigẽ ye.

Yelbũna 4:14

Ra maan wa nin-wẽnsã ye, la f ra rɩk tʋʋm-wẽns maandbã sor ye.

Zeremi 37:15

Nanambsã sũy yika ne a Zeremi tɩ b pãb-a n kẽes seb-gʋlsd a Zonatã roogẽ wã. Bala, b rag n deega ro-kãng n maan bi-bees roogo.

Zeremi 37:21

Dẽ, rĩm a Sedesiyaas kõo noor n yeel tɩ b tɩ pag a Zeremi gũudbã zakẽ, n kɩt tɩ b raad bur-gilg a yembr daar fãa bur-wẽedbã nengẽ n wat n kõt-a, hal tɩ burã sẽn be tẽngã pʋgẽ wã fãa wa sɛ. Woto, a Zeremi paa gũudbã zakẽ.

Zeremi 38:9

«M dĩma, la m soaala, bũmb nins fãa nin-bãmbã sẽn maan Wẽnnaam no-rɛɛs a Zeremi wã yaa wẽnga. Bãmb yõk-a lame n tɩ lob bulgã pʋgẽ. La rɩɩb sẽn ka leb n be tẽngã pʋgẽ wã yĩnga, a na n kii kom.»

Ezekiyɛl 9:9

Bãmb leoka maam n yeel yaa: «Israyɛll ne Zʋʋda buudã kongr yaa kãseng tɩ looge. Tẽngã pida ne zɩɩm daagre, la zãmbo, bala, bãmb yetame tɩ Sẽn-Ka-Saab basa tẽngã, la Sẽn-Ka-Saab ka ne baa fɩ ye.

Maan‑kʋʋre 19:15

Da kao bʋʋd kegr ye. Ra mong naong soab bʋʋm a naongã yĩnga, la f ra kõ nin-kãseng bʋʋm a sẽn yaa nin-kãsengã yĩng ye. Bɩ y kao ba-biig bʋʋd tɩrga.

A Aaze 1:4

«Rẽ yĩnga, zemsame tɩ yãmb be ro-neeb pʋsẽ, tɩ mam doogã yaool n lʋɩ zãnga?»

A Mark Sõng 15:15

A Pilat sẽn dat n noog nebã sũur yĩnga, a yiisa a Barabaas n base. La yẽnda sẽn kɩt tɩ b pãb a Zeezi ne kalwaase, yẽ rɩka bãmb n kõ nebã tɩ b ka-b da-pɩk zugu.

A Luk Sõng 23:51

A rag n ka lagem ne bʋ-kaoodb a taabã n yãk yamã la a maan b sẽn maan bũmb ningã ye. A rag n yaa Arimate sẽn yaa Zʋɩf-rãmbã tẽng neda. La a rag n gũuda Wẽnnaam soolmã waoongo.

Tʋʋma 24:27

La yʋʋm a yiib sẽn looge, a Porkiuus Festuus reega a Feligs zĩig n yaa Gʋvɛrneere. La a Feligs sẽn dat n maan sẽn noom Zʋɩf-rãmbã, a ka kõ a Poll lohorem ye.

Tʋʋma 25:9

Dẽ, a Festuus sẽn dat n maan sẽn noom Zʋɩf-rãmbã, yẽ soka a Poll yaa: Fo rat n kẽnga Zeruzalɛm tɩ b tɩ bʋ f bʋʋd mam taoor yel-kãngã poorẽ bɩ?

Rom Dãmba 1:32

La baa ne b sẽn mi Wẽnnaam yelsem sẽn yet tɩ neb nins sẽn maand bõn-kãensã zemsa ne kũumã, b maand-b lame. La ka rẽ bal ye, b yetame me tɩ neb nins sẽn maand bõn-kãensã maanda neere.

Yaoolem 1:17

Yãmb sã n na n bʋ bʋʋdã, bɩ y ra maan welgr nebã ne taab sʋk ye. Kelg-y nin-talsã ne nin-bɛdã. Ra-y zoe-y ned ba a yembr nif ye. Bala, yaa Wẽnnaam n so bʋʋdo. La yellã sã n yaa toog ne yãmb tɩ y ka tõe n bʋ a bʋʋdo, bɩ y tall-a n wa mam nengẽ tɩ m kelg-a.»

Yaoolem 16:19

Bɩ y ra bʋ bʋʋdã kɛg ye, la y ra tũus neb ye. Bɩ y ra reeg kũun ye. Bala, kũun luta yam dãmb nini, la a golemd nin-tɩrs goamã.

Yaoolem 24:17

Da bʋ-y sãan bɩ kɩɩb bʋʋd kegre, la ra reeg-y pʋg-kõor fuug n gãneg n yaool n kõ-a bũmb ye.

Zozuwe 24:15

Yãmb sã n ka rat n tũ Sẽn-Ka-Saabo, bɩ y bao y sẽn na n tũ a soab rũndã: Sã n yaa wẽnnaam-dãmb nins yãmb yaab-rãmbã sẽn dag n tũud Efrat kʋɩlgã rʋʋndã la y rat n tũ, bɩ y tũ. Sã n leb n yaa Amoor-dãmbã sẽn be yãmb sʋkã wẽnnaam-dãmb la y rat n tũ, bɩ y tũ. La maam ne m zakã rãmb yẽ, tõnd na n tũu Sẽn-Ka-Saabo.»

1 Sãmwɛlle 15:24

Dẽ, a Sayull yeela a Sãmwɛll yaa: «Mam beegame, bala, mam kɩɩsa Sẽn-Ka-Saab noore, la m kɩɩs yãmb goamã. Mam zoee nebã n sak n maan b sẽn datã.

1 Sãmwɛlle 15:9

La a Sayull ne nebã basa a Agaag n ka kʋ ye. La b basa rũm-bãoonegã ne rũm-bɛd nins fãa sẽn yaa sõama n yɩɩdã. Bãmb ka sak n sãam rũm-kãens ye. La yaa rũms nins fãa sẽn yaa wag n ka tar yõodã bal la b kʋ zãnga.