Yikri 23:16 - WẼNNAAM SEBRE 2014

¹⁶ Maan f tʋʋmdã dẽenem biisã fo sẽn bʋd f pʋʋgẽ wã tigri. La f maan tigsg tigr sɩpaolgo, wakat ning fo sẽn wʋk f bõn-koaadlã biis n wa yirã.

SEBR SÕNGO

¹⁶ Ad kibs a to: f kood rɩkre, f tʋʋmda pipi biis f pʋʋg sẽn wom n kõ-f rɩkre. Ad kibs a to: zĩig sẽn wat n kolg likri tɩ f kẽesd f sẽn tʋm n paam fãa.

Yikri 23:16 Iomraidhean Croise

Esdras 3:4

Israyɛll nebã maana zãn tigri, wa sẽn gʋls tõogã sebr pʋgã. La bãmb maana maoong sẽn yõogd bugum daar fãa wa sẽn zems sõor ning tõogã sẽn yeelã.

Yikri 22:28

Ra kaoos n yãk f bõn-koaadl dẽenem biisi, wall fo reezẽ rãam sẽn na n deng n yi reezẽ wẽkr koglg pʋgẽ wã ye. La bɩ f rɩk f bi-rẽeng n kõ maam.

Yikri 22:29

La bɩ f maan woto ne f rũm-bɛdã la f rũm-bãoonegã me. Rũm-dẽeng tog n paa ne a ma rasem a yopoe. La rasem a nii wã daare, bɩ f tall-a n wa kõ maam.

Yikri 34:22

Yʋʋmdã vẽkre, bɩ f maan dasem a yopoe-poe tigrã sẽn yaa bõn-koaadlã dẽenem biis kẽebgã, n paas tigsgã tigrã.

Yelbũna 3:9

Waoog Sẽn-Ka-Saab ne f paoongo, la f koodã dẽenem biisi.

Sõadga 29:1

Kiuug a yopoe soabã pipi daarã, bɩ y tigim taab n waoog maam a Sẽn-Ka-Saabo. Yãmb ka tog n tʋm tʋʋmd badaar ye, bala yaa kɩdeng daare.

A Zã Sõng 7:2

Rẽ tɩ zãnã tigrã, sẽn yaa Zʋɩf-rãmbã tigr dag n kolgame.

A Zã Sõng 7:37

Tigrã yaoolem daare, daar ning sẽn yaa-a kãseng n yɩɩdã, a Zeezi yalsa yĩngr n zẽk b koɛɛg n yeele: Bɩ Ko-yũud sẽn tar ned ning wa mam nengẽ n yũ.

Tʋʋma 2:1

Pãntekotã daar sẽn ta, bãmb fãa rag n tigma taab zĩig a yembre.

Yaoolem 26:2

bɩ y yãk kood nins fãa yãmb sẽn paam tẽn-kãng pʋgẽ wã, tẽng ning Sẽn-Ka-Saab sẽn yaa yãmb Wẽnnaamã sẽn kõ yãmbã dẽenem biisi, n ning peoog pʋgẽ, n tall n kẽng zĩig ning Sẽn-Ka-Saab sẽn yaa yãmb Wẽnnaamã sẽn yãk n ning b yʋʋrã.