Yikri 23:15 - WẼNNAAM SEBRE 2014

¹⁵ Maan bur sẽn ka rã-bɩll tigr rasem a yopoe, n dɩ bur sẽn ka rã-bɩll wa mam sẽn yeel foom wakat ning mam sẽn yãk bõn-bɩʋʋng kiuugã pʋgẽ wã, bala, yaa ki-kãng pʋgẽ la fo yi Ezɩpte. Ned ka tog n wa mam taoor nug-zaal ye.

SEBR SÕNGO

¹⁵ Dasem a yopoe tõre y na n dɩɩ bur sẽn ka ning bɩlle la rẽ na n yɩɩ bõn-bɩʋng kiuug, wa sẽn zoe n wilgã, tɩ yaa bõn-bɩʋng kiuug la yãmb yi Ezipt tẽnga. Ra wa-y mam taoore ne nus-vɩɩd ye.

Yikri 23:15 Iomraidhean Croise

Yikri 12:2

«Ki-kãngã na n yɩɩ pipi kiuug kiisã fãa sʋk yãmb yĩnga. A na n yɩɩ yʋʋmdã pipi kiuug yãmb yĩnga.

Yikri 13:3

Dẽ, a Moyiis yeela nebã yaa: «Tẽeg-y daar ning yãmb sẽn yi Ezɩptã, daar ning yãmb sẽn yi yembd pʋgẽ wã yelle. Bala, yaa ne Sẽn-Ka-Saab nug sẽn tar pãngã la b yiis yãmb beenẽ. Bɩ ned da rɩ bũmb sẽn ning rã-bɩll ye.

Yikri 13:4

Rũndã, yãmb yita bõn-bɩʋʋng kiuugã.

Yikri 22:29

La bɩ f maan woto ne f rũm-bɛdã la f rũm-bãoonegã me. Rũm-dẽeng tog n paa ne a ma rasem a yopoe. La rasem a nii wã daare, bɩ f tall-a n wa kõ maam.

Yikri 34:18

Maan bur sẽn ka rã-bɩll tigrã. Rɩ bur sẽn ka rã-bɩll dasem a yopoe b sẽn yãk bõn-bɩʋʋng kiuugã pʋgẽ wã, wa mam sẽn yeel foomã. Bala, yaa bõn-bɩʋʋng kiuugã pʋgẽ la fo yi Ezɩpt tẽngã.

Yikri 34:20

Rɩk pe-bila, wall bʋʋg n tek bõang fãa sẽn yaa a ma bi-rẽenga. La fo sã n ka rat n tek bõangã, bɩ f wẽ a kãar n wãage. La fo kom-dibli wã fãa sẽn yaa kom-dẽemsã. Bɩ ned da wa mam taoor ne nug-vɩɩd ye.

Maan‑kʋʋre 23:10

«Yeel Israyɛll nebã yaa: ‹Yãmb sã n tɩ kẽ tẽng ning mam sẽn kõ yãmbã pʋgẽ, n na n tigs y bõn-koaadlã, bɩ y yãk y koodã dẽenem biis ka-gĩn n wa kõ maan-kʋʋdã.

A Miise 6:6

Bõe la mam na n tall n kẽng Sẽn-Ka-Saab taoore? M na n talla bõe n tɩ wõgemd Wẽnnaam sẽn be saasẽ wã taoore? Mam na n waa bãmb taoor ne maand sẽn yõogd bugum bɩ? Bɩ m na n waa bãmb taoor ne nag-bi sẽn tar yʋʋmde?

A Mark Sõng 14:12

Bur sẽn ka rã-bɩll tigrã pipi daar sẽn yaa Pakã pe-bilã kʋʋb raare, a Zeezi karen-biisã soka bãmb tɩ b ratame tɩ bãmb kẽng n tɩ segl Pakã tigr rɩɩb yɛ bãmb yĩnga.

A Luk Sõng 2:41

A Zeezi ba-rãmbã dag n kẽngda Zeruzalɛm yʋʋmd fãa, Pakã tigr yĩnga.

A Luk Sõng 22:7

Bur sẽn ka rã-bɩllã raare, daar ning b sẽn da tog n kʋ Pakã pe-bilã taame.

Tʋʋma 12:3

La yẽnda sẽn yã tɩ bõn-kãng taa Zʋɩf-rãmbã yam, a kell n kɩtame tɩ b yõk a Pɩyɛɛre. Rag n yaa bur sẽn ka rã-bɩll tigr daare.

Yaoolem 16:16

Yʋʋmd fãa, yãmb daopã fãa tog n wa yalsa Sẽn-Ka-Saab sẽn yaa yãmb Wẽnnaamã taoor naoor a tãabo, zĩig ning bãmb sẽn na n yãkã pʋga: Yaa bur sẽn ka rãbɩll tigrã wakate, la rasem a yopoepoe naoor a yopoe wã tigr wakate, la zãnã tigr wakate. Ned ka tog n wa Sẽn-Ka-Saab taoor nug-zaal ye.

1 Sãmwɛlle 6:3

Bãmb leokame: «Yãmb sã n na n tɩ lebs Israyɛll Wẽnnaamã kaoolã koglgã, bɩ y ra tɩ lebs-a zaalem ye. Bao-y kũun tɩ yɩ maoong y beegrã yĩnga. Dẽ, yãmb na n paama maagre, la y na n bãnga bũmb ning sẽn kɩt tɩ Wẽnnaam sɩbg yãmbã.»