Yikri 22:30 - WẼNNAAM SEBRE 2014

³⁰ Yãmb na n yɩɩ neb sẽn welg toor mam yĩnga. Woto, bɩ y ra wãb rũng we-rũms sẽn kʋ nemd ye. Rɩk-y-yã-a n lob baase.

SEBR SÕNGO

³⁰ M datame tɩ y yɩ nin-sõma. Y kõn wãb nemd, we-rũng sẽn yõk ye, rɩk-y nemd kãnga n kõ baase.

Yikri 22:30 Iomraidhean Croise

Sɩngrẽ 17:12

Zamaan woo zamaan fãa, yãmb bi-ribl sã n wa tar rasem a nii, bɩ y kẽes-a bãongo. La a tog n yɩɩ woto me ne kom-dibli nins fãa sẽn dog fo zakã pʋgã, la ne yembs nins fo sẽn da ne ligd tɩ b yaa sãamb n ka yãmb buudã nebã.

Yikri 13:12

bɩ y welg biig fãa sẽn yaa a ma bi-rẽenga, la ne yãmb rũmsã kom-dẽems nins fãa sẽn yaa raadã n kõ Sẽn-Ka-Saabo. Raadã fãa yaa Sẽn-Ka-Saab n so.

Ezekiyɛl 4:14

La mam yeelame: «Kayto! Sẽn-Ka-Saabo, hal mam yãadem wakat n tãag rũndã, mam zɩ n dẽgem m meng ye. Mam zɩ n wãb rũng sẽn ki a toore, bɩ we-rũng sẽn zendem n base, wall nem-dẽgd buud ba a yembr nan ka kẽ mam noorẽ ye.»

Maan‑kʋʋre 11:44

Bala, mam yaa Sẽn-Ka-Saab sẽn yaa yãmb Wẽnnaam. Yãmb tog n manega y mens n yɩ pʋ-peelem dãmba. Bala, mam yaa pʋ-peelem soaba. Dẽ wã, ra sak-y n bas-y tɩ rũm-bãoonegã sẽn saagd tẽn-gãongã zugã rẽgem yãmb ye.

Maan‑kʋʋre 11:45

Bala, mam yaa Sẽn-Ka-Saabo, la yaa maam n yiis yãmb Ezɩpt tẽnga pʋga, n na n kell n yɩ yãmb Wẽnnaam. Rẽ wã, bɩ y yɩ pʋ-peelem dãmba. Bala, mam yaa pʋ-peelem soaba.

Maan‑kʋʋre 12:3

La rasem a nii wã daare, bɩ b kẽes biigã bãongo.

Maan‑kʋʋre 17:15

Ned ning fãa sẽn na n dɩ-a rũng sẽn ki a toore, wall rũng a to sẽn kʋ, sã n yaa tẽng-n-neda, wall sãana, bɩ a soab pegs a futu, la a so koom, la yẽnda na n yɩɩ rẽgd hal tɩ ta zaabre, n yaool n lebg yɩlemde.

Maan‑kʋʋre 22:27

«Naafo, bɩ pesgo, wall bʋʋg sã n doge, b kambã tog n paa ne b ma wã rasem a yopoe. La rasem a nii wã tɛk n tar n dabdã, a tõe n yɩɩ maoong sẽn yõogd bugum Sẽn-Ka-Saab waoogr yĩnga.

Maan‑kʋʋre 22:8

Maan-kʋʋd ka tog n dɩ rũng sẽn ki a toore, wall rũng a to sẽn kʋ n dẽgem a meng ye. Mam yaa Sẽn-Ka-Saabo.

Maan‑kʋʋre 7:23

«Yeel Israyɛll nebã yaa: ‹Yãmb ka tog n dɩ naaf kaam, peosg kaam ne bʋʋg kaam ye.

Maan‑kʋʋre 7:24

Rũng sã ki a toore, wall sã n yaa we-rũng n wãb-a t'a ki, yãmb tõe n dɩka a kaamã n maan bũmb a to, la y ka tog n dɩ-a ye.

Maan‑kʋʋre 7:26

Yãmb sẽn be zĩig ning fãa, y ka tog n dɩ zɩɩm ye. Sã n yaa liuula wall yaa rũng a to zɩɩm.

Yaoolem 14:21

Da rɩ-y rũng sẽn ki a toor ye. Rɩk-y-yã-a n kõ sãamb nins sẽn be yãmb tẽngã pʋgẽ wã tɩ b rɩ, ka rẽ bɩ y koos-a ne sãambã. Bala, yãmb yaa buud sẽn welg toor Sẽn-Ka-Saab sẽn yaa yãmb Wẽnnaamã yĩnga. Da rʋg-y bull a ma bĩisim pʋg ye.

Yaoolem 15:19

Bɩ f rɩk f rũm-bɛdã ne f rũm-bãoonegã kom-dẽems nins sẽn yaa raadã fãa n kõ Sẽn-Ka-Saab sẽn yaa yãmb Wẽnnaamã. Da rɩk f niig kom-dẽems n maan nag-koods ye. La f ra wõrs f piis kom-dẽems kõbd ye.