Yikri 22:25 - WẼNNAAM SEBRE 2014

²⁵ Fo sã n deeg ned fu-goabg a sẽn tar fo samd yĩnga, bɩ f lebs-a a fu-goabgã tɩ wĩndg nan ka kẽ ye.

SEBR SÕNGO

²⁵ Ned sã n ka tar bũmb n na n yao tɩ fo reeg a fu-yorgo, tɩ lebs-a a fu-yorgã, zĩig sã n sobge.

Yikri 22:25 Iomraidhean Croise

2 Rĩm-dãmba 4:1

Daar a yembre, no-rɛɛsdbã karen-biig a ye pag wa a Eliize nengẽ n kelem n yeel-a yaa: «Mam sɩdã sẽn yaa Wẽnnaam tʋmtʋmdã kiime, la yãmb miime t'a rag n yaa ned sẽn zoet Wẽnnaam. A rag n tara ned a ye samde, la sam-soabã waame n dat n yõg mam kom-dibli a yiibã n tɩ maan yembse.»

2 Rĩm-dãmba 4:7

Pagã kẽngame n tɩ togs Wẽnnaam daoã bũmb ning sẽn maanã. La Wẽnnaam daoã yeel-a lame t'a kẽng n tɩ koos kaamã n yao a samdã, la a rɩk sẽn kellã tɩ yẽnda ne a kambã rɩtẽ.

A Neemi 5:7

Dẽ, mam yãka yam n na n leng kãsem-dãmbã ne nanambsã. Mam sok-b lame yaa: «Bõe yĩng tɩ yãmb pengd y saam-biisã n baood yõodo?» Rẽ, mam maana tigin-kãseng ne bãmba.

Yɩɩn‑sõamyã 15:5

Yẽnda ka rɩkd a ligd n peng ned n baood yõod ye. La a ka reegd kũun n zãmb bʋʋm soab ye. Ned ning sẽn maand a woto yasa kãenkãe.

Yelbũna 28:8

Ned sã n dɩkd a ligd n pengd n baood yõodo, a baood n bĩngda sẽn zoet-a naong rãmb nimbãanega.

Zeremi 15:10

M ma, toog bee mam zugu, fo sẽn dog maamã yĩnga! Tẽngã neb fãa zabda ne maam, la b fãa kɩɩsda maam! Mam ka tar ned samde, ned me ka tar mam samde. La b fãa yaool n kãabda maam wẽnga.

Ezekiyɛl 18:13

la a pengd neb n baood yõodo, wall roaglenga, bi-kãng na vɩɩmd sɩda? Ayo! A ka na n vɩɩmd ye. A sẽn maan yel-be-kãensã wã yĩnga, b na n kʋ-a lame. Bɩ yẽnda zɩɩm zĩnd a meng zugu.

Ezekiyɛl 18:17

n ka maand naong soab pãnga, la a ka pengd ned n baood yõod wall roaglenga, n kẽnd wa sẽn zems mam noyã ne m no-tũudsã, nin-kãng soab ka na n ki a ba wã kongr yĩng ye. A na n vɩɩmdame.

Ezekiyɛl 18:7

la a ka kɩtd tɩ ned tʋm a tʋʋmd t'a ka yao-a, la a lebsd bũmb ning b sẽn gãneg ne yẽnda n deeg bũmbu, la a ka baood n wẽg neda, la a yãkd a rɩɩb n kõt kom sẽn tar-a soaba, la a kõt sẽn ka tar-a fuug fuugu,

Ezekiyɛl 18:8

la a ka pengd ned n baood yõod wall roaglenga, la a ka maand sẽn ka tɩrga, la a kaood neb a yiib sẽn tar yell ne taab bʋʋd wa sẽn zemse,

Ezekiyɛl 22:12

Neb n sakd n deegd kũun n daagd zɩɩm fo pʋgẽ. Fo pengda ligd n modgdẽ tɩ b lebs-f ne roaglenga. Fo maanda f taab pãng n wẽgd-ba, n yaool n yĩmd mam yelle. Maam a Zu-soab a Sẽn-Ka-Saab n yeele.»

A Amoose 2:8

Naong rãmbã sẽn gãneg fut nins ne bãmbã, B tara rẽ n tʋɩt tẽn-kugã fãa zĩisẽ n gãe, la b be b wẽn-naandgã roogẽ, n yũud reezẽ rãamã b sẽn yaoolg nebã tɩ b yao wã.

A Matiye Sõng 25:27

Sã n yaa a woto, fo rag n tog n tɩ ningẽ‑la mam ligdã bãnkẽ, tɩ m sã n wa lebg n wa, bɩ m deeg-a ne yõodo.

A Luk Sõng 19:23

dẽ, bõe yĩng tɩ fo ka bĩng mam ligdã bãnkẽ tɩ mam sã n lebg n wa bɩ m deeg-a ne yõodo?›

Yaoolem 15:7

Fo saam-biisã sʋk ned sã n yaa naong soab n be yãmb tẽmsã tẽng a yembr sẽn yaa Sẽn-Ka-Saab sẽn yaa yãmb Wẽnnaamã sẽn kõ yãmbã tɩ y soogã pʋga, bɩ f ra keng f sũur n mong f ba-biigã sẽn yaa naong soabã bũmb ye.

Yaoolem 24:13

Wĩndgã sã n kẽ, lebs-a a fu-goabgã t'a pil n gãand la a ning-f barka. La fo na n paama tɩrlem Sẽn-Ka-Saab sẽn yaa fo Wẽnnaamã nifẽ.