Yikri 22:20 - WẼNNAAM SEBRE 2014

²⁰ Ra wẽg sãana, la f ra nams-a ye. Bala, yãmb me rag n yaa sãamb Ezɩpt tẽnga.

SEBR SÕNGO

²⁰ Da yaal sãana la f ra yɩ nin-toaag ne-a ye tɩ fo me yɩɩ sãan Ezipt tẽnga.

Yikri 22:20 Iomraidhean Croise

1 Rĩm-dãmbã 18:40

A Eli yeelame tɩ b yõg Baall no-rɛɛsdbã, la b ra bas tɩ b ned ba a yembr põs ye. Dẽ, b yõg-b lame, la a Eli tall-b lame n sig tãngã n kẽng n tɩ kood Kizõ ko-soogã noore.

2 Rĩm-dãmba 10:25

A Zehu sẽn maan maoong sẽn yõogd bugmã n sɛ, a yeela gũudbã ne b wed-kɩɩm-nanambsã yaa: «Kẽ-y-yã! Kʋ-y-b zãnga, la y ra bas ned ba a yembr tɩ põs ye.» Woto, tãb-biisã ne b nanambsã kʋʋ Baall pʋʋsdbã zãng ne zabr sʋʋga. B kʋ-b lame n lobe, la b sãag n kẽ tẽng ning Baall pʋʋsg roogã sẽn beẽ wã.

2 Kibayã 15:13

La ned sẽn yaa bi-bɩɩg bɩ kãsmã, bɩ paga wall raoa, sã n ka bao Sẽn-Ka-Saab sẽn yaa Israyɛll Wẽnnaamã, bɩ b kʋ-a a soaba.

Yikri 23:9

Ra nams sãan ye. Bala, yãmb mens mii sãand vɩɩm yelle. Bala, yãmb yɩɩ sãamb Ezɩpt tẽnga.»

Yikri 32:8

Bãmb basa sor ning mam sẽn wilg bãmbã tao-tao. Bãmb maana sãnem nag-bila, n wõgemd a taoore, n maan maand a yĩng n yeele: ‹Israyɛll nebã, wẽnnaam-dãmb nins sẽn yiis-b yãmb Ezɩpt tẽngã la woto.› »

Yikri 34:15

Ra maan kaool ne tẽngã neb ye. Bãmb sẽn maand yoob ne b wẽnnaam-dãmbã yĩnga, bɩ b ra wa bool foom tɩ f naag-b n dɩ bãmb wẽn-naandsã maand nemd ye.

Ezekiyɛl 20:7

Mam yeela bãmb yaa: Bɩ yãmb ned kam fãa lob yel-yood nins a sẽn get tɩ noom-a wã! Da rẽgm-y y mens ne Ezɩpt wẽn-naandsã ye! Mam yaa Zu-soab a Sẽn-Ka-Saab sẽn yaa yãmb Wẽnnaam.

Maan‑kʋʋre 17:7

Israyɛll nebã ka tog n leb n maan b maoongã tẽn-kugã sẽn yaa boeesã zutu, bõn-kãng yaa wa yoobo. Yõwã na n yɩɩ no-tũudg sẽn ka sɛta, bãmb ne b yagensã yĩnga.

Maan‑kʋʋre 19:33

Sãan sã n wa n be ne yãmb y tẽngã pʋga, bɩ y ra wẽg-a ye.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

Sõadga 21:3

Dẽ, Sẽn-Ka-Saab leoka Israyɛll nebã pʋʋsgo, n kɩt tɩ bãmb tõog Kana nebã. Israyɛll nebã kʋʋ Kana nebã, la b sãam b tẽngã zãnga, la b pʋda zĩ-kãng yʋʋr tɩ Hoorma, sẽn dat n togs tɩ ‹Raboogo.›

Yaoolem 10:18

Bãmb zabd n sõngda kɩɩbs ne pʋg-kõapa. Bãmb nonga sãamb n kõt-b rɩɩb ne futu.

Yaoolem 18:20

La no-rɛɛs sã n wuk a meng n yeel gomd ne mam yʋʋr tɩ mam ka yeel-a t'a gome, bɩ a sã n gom ne wẽnnaam-dãmb a taab yʋʋre, bɩ b kʋ no-rɛɛs-kãnga.»

Yaoolem 23:8

Ra ges-y Edom nebã wa yel-beed ye. Bãmb yaa yãmb saam-biisi. Ra ges-y Ezɩpt nebã wa yel-beed ye. Yãmb dag n yaa sãamb bãmb tẽngẽ.

Yaoolem 24:17

Da bʋ-y sãan bɩ kɩɩb bʋʋd kegre, la ra reeg-y pʋg-kõor fuug n gãneg n yaool n kõ-a bũmb ye.