Yikri 20:8 - WẼNNAAM SEBRE 2014

⁸ Tẽeg vʋʋsg daarã yelle, n kɩt t'a yɩ daar sẽn welg toore.

SEBR SÕNGO

⁸ Tẽeg vʋʋsg daar noor n deeg-a wa noor sẽn ka tõe n kɩɩs ye.

Yikri 20:8 Iomraidhean Croise

Sɩngrẽ 2:2

La sẽn wa n na n ta rasem a yopoe daarã, rẽ tɩ Wẽnnaam naana bũmbã fãa n sɛ. La rasem a yopoe daarã, Wẽnnaam vʋʋsa ne b tʋʋmã fãa.

Sɩngrẽ 2:3

Woto, Wẽnnaam ninga rasem a yopoe wã daar barka, n welg-a toor b mengã yĩnga. Bala, bãmb vʋʋsa badaar ne tʋʋm nins fãa bãmb sẽn maanã.

A Neemi 13:15

Wakat-kãnga, mam yãnda Zʋʋda neb tɩ b wẽkd b reezẽ tɩɩs biis koom vʋʋsg daare, tɩ neb kẽer wʋkd b koodo, la b zɩlgd b bõens reezẽ rãam, ne b reezẽ tɩɩs biisi, la kankamã, ne zɩɩb buud toor-toore, n dat n tall n kẽng Zeruzalɛm vʋʋsg daarã. La mam zaba bãmb n yeel-b tɩ b ra koos b koosmã vʋʋsg daarã ye.

A Neemi 9:14

Yãmb kɩtame tɩ y tʋmtʋmd a Moyiis wilg bãmb y vʋʋsg daarã sẽn welg toorã. La yãmb kɩtame t'a zãms bãmb tõodã koees a taabã.

Yikri 23:12

Maan f tʋʋmdã rasem a yoobe, la rasem a yopoe wã daare, tog n yɩɩ vʋʋsg daar fo yĩnga, tɩ fo loalga, ne f bõang me vʋʋse, tɩ f yem-poak biig ne f sãan me paam n vʋʋse.»

Yikri 31:12

Sẽn-Ka-Saab yeela a Moyiis yaa:

Yikri 35:1

A Moyiis tigsa Israyɛll nebã fãa n yeel bãmb yaa: «Ad bũmb nins Sẽn-Ka-Saab sẽn yet yãmb tɩ y maane.

A Ezayi 56:2

Bark bee ned ning sẽn maand mam sẽn yeelã zugu, ninsaal ning fãa sẽn yaa sakda, la a sakd vʋʋsg daarã n ka sãamd-a, n gũusd a meng n ka maand tʋʋm-wẽnse.»

A Ezayi 58:13

Yãmb sã n yõk y naoor vʋʋsg daarã, la y sã n ka tʋm y tʋʋmã mam daarã sẽn welg toorã daare, yãmb sã n maan sũ-noog ne vʋʋsg daarã, yãmb sã n dɩk Sẽn-Ka-Saab daarã tɩ yɩ daar sẽn segd ne waoogre, yãmb sã n waoog vʋʋsg daarã n ka maan y sẽn date, n ka tʋm y meng tʋʋmã, la y ka yals n bao gom-wogdo,

Zeremi 17:21

Sẽn-Ka-Saab yetame: «Gũus-y y mense, n da wa tʋk zɩɩb vʋʋsg daarã, wall y tall zɩɩb n tũ Zeruzalɛm dignoyẽ wã n kẽ ye.

Zeremi 17:22

Da yiis-y zɩɩb y rotã pʋs vʋʋsg daarã, la y ra maan tʋʋmd ba a yembr ye. Kɩt-y tɩ vʋʋsg daarã yɩ daar sẽn welg toore, wa m sẽn dag n yeel y yaab-rãmbã.

Zeremi 17:24

La maam a Sẽn-Ka-Saab yetame: ‹Yãmb sã n kelg maam neere, n ka tʋk zɩɩb n tũ tẽn-kãngã rignoyẽ vʋʋsg daarã, yãmb sã n kɩt tɩ vʋʋsg daarã yɩ daar sẽn welg toore, la y sã n ka maan tʋʋmd ba a yembr vʋʋsg daarã,

Ezekiyɛl 20:20

Welg-y mam vʋʋsg rayã toore, tɩ b yɩ bãnd maam ne yãmb sʋka, tɩ nebã tõe n bãng tɩ mam yaa Sẽn-Ka-Saab sẽn yaa yãmb Wẽnnaam.»

Maan‑kʋʋre 19:3

Bɩ yãmb ned kam fãa waoog a ba, la a ma, la a sak mam vʋʋsg rayã. Bala, mam yaa Sẽn-Ka-Saab sẽn yaa yãmb Wẽnnaam.

Maan‑kʋʋre 19:30

Bɩ y sak mam vʋʋsg rayã, la y waoog mam sɛk roogã. Mam yaa Sẽn-Ka-Saabo.

Maan‑kʋʋre 23:3

Yãmb tõe n tʋma rasem a yoobe, la rasem a yopoe wã daar na n welga toor n yɩ vʋʋsg daare, la yãmb ka tog n tʋm ye. Dẽ, yãmb sẽn na n zĩnd zĩig ninga fãa, a na n yɩɩ vʋʋsg daar Sẽn-Ka-Saab yĩnga.

Maan‑kʋʋre 26:2

Bɩ y sak mam vʋʋsg rayã, la y waoog mam sɛk roogã. Mam yaa Sẽn-Ka-Saabo.

Sõadga 15:32

Daar a yembre, Israyɛll nebã sẽn wa n be we-raoogã pʋgã, bãmb sʋkã neb kẽer n tɩ ling rao a yembr t'a wɩɩsd raad vʋʋsgã daarã.

Yaoolem 5:12

Sak-y vʋʋsg daarã tõogo, n kɩt t'a yɩ daar sẽn welg toor wa sẽn zems Sẽn-Ka-Saab sẽn yaa yãmb Wẽnnaamã sẽn yeel yãmbã.