Yikri 20:6 - WẼNNAAM SEBRE 2014

⁶ Mam maanda neb nins sẽn nong-b maam n sakd mam tõodã yagensã neere, hal n tãag zamaan tusri.

SEBR SÕNGO

⁶ M nonglma yaool n pʋgda neb ka tɛka sẽn nong-m la sẽn deegd m noya.

Yikri 20:6 Iomraidhean Croise

A Neemi 1:5

Mam pʋʋsame n yeele: «Sẽn-Ka-Saab sẽn yaa saasẽ Wẽnnaam, yãmb yaa Wẽnnaam-kãseng sẽn tar pãnga, yãmb pidsda y kaoolã ne neb nins sẽn sakd yãmb tõodã, la yãmb maanda neb nins sẽn nong yãmbã neere!

Yɩɩn‑sõamyã 103:17

La Sẽn-Ka-Saab nonglmã ne neb nins sẽn zoet bãmbã paada zamaan woo zamaane. Bãmb tɩrlmã yaa b zoɛtbã yagens yĩnga,

Yikri 34:7

La mam maanda sɩd hal tɩ ta zamaan tusri, n kõt neb sugr b beegrã ne b kɩɩsgã la b yel-wẽnã fãa yĩnga. La baoosgo, mam ka na n bas yãmb taal y beegrã yĩng ye. Mam na n kɩtame tɩ ba-rãmbã beegrã sɩbgr zĩnd bãmb kambã zutu, la bãmb yagensã zut hal tɩ ta zamaan a tãabo, la ne a naase.»

Yelbũna 3:1

M biiga, ra yĩm m zãmsgã ye, tall m noyã neer f sũur pʋgẽ.

Zeremi 32:18

Yãmb wilgda y nonglem hal n tãag zamaan tusri, la y sɩbgd kamb b ba-rãmb beegr yĩnga. Yãmb yaa Wẽnnaam-kãsenga, y yaa gãndaoogo. Y yʋʋr yaa Saasẽ-Pãng-Soaba!

A Dãniyɛlle 9:4

Mam pʋʋsa Sẽn-Ka-Saab sẽn yaa mam Wẽnnaamã, n sak n deeg tɩ d kongame n yeele: «Zu-soab a Wẽnnaam, yãmb yaa kãsenga, la yãmb zemsa zoeese. Yãmb gũuda y kaoolã, la y zoeta neb nins sẽn nong yãmb la b sakd yãmb tõodã nimbãanega!

Sõadga 14:18

Yãmb yeelame: «Mam yaa Sẽn-Ka-Saabo, mam yaa sũ-maasem soaba, la maan-neer soaba. Mam kõta yel-wẽn ne kɩɩsg sugri. La mam ka basd yel-wẽnã soab taal ye. Mam sɩbgda yẽnda ne a yagensã hal tɩ ta zamaan a tãabo, wall a naase.

A Zã Sõng 14:15

Yãmb sã n nong maam, y na n saka mam tõodã,

A Zã Sõng 14:21

Ned ning sẽn talld-a mam tõodã n sakd-ba, yaa yẽnda soab n nong maam. Ned ning sẽn nong-a maam, m ba na n nong‑a la mam me na n nong-a lame, la m na n puka m meng ne-a.

Tʋʋma 2:39

Bala, Wẽnnaam kãabgã yaa yãmb ne y kambã yĩnga, la neb nins fãa sẽn be zĩ-zãrgã yĩnga, la neb nins fãa tõnd Wẽnnaam sẽn na n yaool n boolã me yĩnga.»

Yaoolem 4:37

Bãmb sẽn nong yãmb yaab-rãmbã yĩng n kɩt tɩ b loogrã poore, b yãk bãmb yagensã, la bãmb mengã n yiis yãmb Ezɩpt tẽngã ne pãn-kãsenga.

Yaoolem 5:29

Mam dag n nongẽ lame tɩ bãmb yam yɩ woto wakat fãa tɩ b zoe maam n sak mam tõodã fãa, tɩ bãmb ne b kambã paam sũ-noog daar fãa.

Yaoolem 7:9

Bɩ y bãng tɩ Sẽn-Ka-Saab sẽn yaa yãmb Wẽnnaamã n yaa Wẽnnaam menga. Bãmb yaa sɩd Wẽnnaam. Bãmb pidsda b kaoolã, n nong neb nins sẽn nong bãmb la b sakd bãmb tõodã hal tɩ ta zamaan tusri.

Zake 1:12

Ned ning sẽn yas kãenkãe makr pʋgẽ la sũ-noog soaba. Bala, makrã zugẽ, a na n paama vɩɩm sẽn yaa keoor Zu-soabã sẽn kãab neb nins sẽn nong bãmbã.

1 Zã 4:19

Ne tõndo, tõnd tara nonglem, Wẽnnaam sẽn deng n nong tõndã yĩnga.

1 Zã 5:3

Bala, tɩ nong Wẽnnaam yaa tɩ sak bãmb tõodã. La bãmb tõodã ka toog ye.

2 Zã 1:6

La nonglem yaa tɩ kẽn wa sẽn zems Wẽnnaam tõodã. Yaa tõ-kãng pʋgẽ la yãmb tog n kẽne, wa yãmb sẽn zãms hal sɩngrẽ wã.