Yikri 20:4 - WẼNNAAM SEBRE 2014

⁴ Ra maan bõn-naandg sẽn wẽnd bũmb sẽn be saasẽ, wall sẽn be tẽngã zugu, wall sẽn be koom pʋsẽ dũniyã tẽngr ye.

SEBR SÕNGO

⁴ Da mams bũmb ba a ye wẽneg n waoog-a ye: a ra yɩ yĩngri, saag zug bũmb ye, a ra yɩ tẽng zug ka bũmb ye, a ra yɩ koomẽ, mogra pʋgẽ bũmb ye.

Yikri 20:4 Iomraidhean Croise

1 Rĩm-dãmbã 12:28

A Zeroboaam kõo a meng yam n maan sãnem nag-bi a yiibu, n yeel Israyɛll nebã yaa: «Israyɛll nebã, yãmb sẽn kẽnd Zeruzalɛmã yaa wʋsgo. Moasã, wẽn-naands nins sẽn yiis yãmb Ezɩpt yembdã pʋgẽ wã la woto.»

2 Rĩm-dãmba 17:12

Bãmb waooga wẽn-naandse, tɩ Sẽn-Ka-Saab yaool n dag n yeel bãmb tɩ b ra sak n maan bũmb a woto ye.

2 Kibayã 33:7

A Manaase ninga wẽn-naandg Wẽnnaam doogã pʋga, a mengã sẽn dag n kɩt tɩ b naane. La Wẽnnaam yaool n dag n goma ne a Davɩɩd ne a biig a Salmo n yeele: «Yaa ro-kãngã pʋga, ne Zeruzalɛm tẽnga pʋga, la mam yãk Israyɛll buudã fãa sʋka, n na n kɩt tɩ m yʋʋrã zĩnd be wakat sẽn kõn sa yĩnga.»

Yɩɩn‑sõamyã 78:58

Bãmb maana maoong kʋʋb zĩis n kɩt tɩ Wẽnnaam sũurã puugi, la b maan bõn-naands n nek wẽnnaam sũ-kiirã.

Yɩɩn‑sõamyã 97:7

Wẽn-naands pʋʋsdbã fãa na n dɩɩ yãnde, yaa neb nins sẽn pẽgd b mens zĩrẽ wẽnnaam-dãmbã yĩngã. Wẽnnaam-dãmbã fãa wõgemdeda Zu-soabã taoore.

Yikri 20:23

Ra maan-y wẽnnaam-dãmb ne wanzuri wall sãnem yãmb mens yĩnga, n paas maam ye.

Yikri 32:1

Nebã sẽn yãnd t'a Moyiis kaoosda tãngã zug n ka sigdã, bãmb tigma taab a Aarõ nengẽ n yeel yẽnda yaa: «Maan wẽnnaam n kõ tõnd t'a lʋɩ tõnd taoor n tɛ tõndo. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.»

Yikri 32:23

Nebã yeela maam yaa: ‹Maan wẽnnaam n kõ tõnd t'a lʋɩ tõnd taoor n tɛ-do. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.›

Yikri 32:4

La yẽnda reega sãnemã bãmb nugẽ, n ning-a boaag pʋg n dõog sãnem nag-bila. La nebã yeelame: «Israyɛll nebã, wẽnnaam-dãmb nins sẽn yiis-b yãmb Ezɩpt tẽngã la woto.»

Yikri 32:8

Bãmb basa sor ning mam sẽn wilg bãmbã tao-tao. Bãmb maana sãnem nag-bila, n wõgemd a taoore, n maan maand a yĩng n yeele: ‹Israyɛll nebã, wẽnnaam-dãmb nins sẽn yiis-b yãmb Ezɩpt tẽngã la woto.› »

Yikri 34:17

Ra rõog kut bõn-naandg baa a yembre tɩ yɩ fo wẽnnaam ye.

A Ezayi 42:17

Neb nins sẽn dɩk b teegr n teeg bõn-naandsã, ne neb nins sẽn get wẽn-naandsã b sẽn naan ne kutã n yetẽ tɩ bãmb n yaa b wẽnnaam-dãmbã na n targame n paam yãnde.»

A Ezayi 42:8

Mam yaa Sẽn-Ka-Saabo, mam yʋʋr la woto. Mam kõn dɩk m ziirã n kõ ned a to ye, la m kõn dɩk m waoogrã n kõ wẽn-naands ye.

A Ezayi 45:16

Sẽn peesd-b wẽn-naandsã rɩɩ yãnde, bãmb fãa paama paoogre. Bãmb fãa loogda ne yãnde.

Ezekiyɛl 20:7

Mam yeela bãmb yaa: Bɩ yãmb ned kam fãa lob yel-yood nins a sẽn get tɩ noom-a wã! Da rẽgm-y y mens ne Ezɩpt wẽn-naandsã ye! Mam yaa Zu-soab a Sẽn-Ka-Saab sẽn yaa yãmb Wẽnnaam.

Ezekiyɛl 8:10

Mam kẽeme n gese, la mam yãnda bõn-yɩgdɩ ne rũms buud fãa sẽn yaa yel-yoodo, ne Israyɛll buudã wẽn-naands fãa b sẽn kar lalgã zug n gilgi.

Ezekiyɛl 8:3

Yẽnda tẽega bũmb sẽn wẽnd ninsaal nug n gãd mam zoobdã. Dẽ, sɩɩgã zẽka maam yĩngri, n tall maam Wẽnnaam vẽnegr pʋsẽ n kẽng Zeruzalɛm n tɩ sik maam tẽngã noor ning sẽn be nug-rɩtgã, zĩig ning sũ-kiir wẽn-naandgã sẽn be, n nekd Wẽnnaam sũ-kiirã.

Maan‑kʋʋre 19:4

Da waoog-y wẽn-naandse, la y ra yẽneg kut n maan wẽn-naands ye. Bala, mam yaa Sẽn-Ka-Saab sẽn yaa yãmb Wẽnnaam.

Maan‑kʋʋre 26:1

Ra maan-y wẽn-naands ye. Ra maan-y bõn-naands n kõ y mense, wall y vigl kug bɩ raad y tẽngã pʋga, n wõgemd n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam.

Sõadga 12:8

Mam gomda ne yẽnda neng ne nenga. Mam ka solgd m meng n gom ne yẽnda ye. La yaa bõe tɩ yãmb ka zoe rabeem tɩ wɩd mam tʋmtʋmd a Moyiisi?»

Tʋʋma 17:29

Rẽ wã yĩnga, tõnd sẽn yaa Wẽnnaam kambã, d ka tog n tags tɩ Wẽnnaam wẽnda sãnem, wala wanzuri, wala kugr sẽn peese wa sẽn zems ninsaalb minim la b tagsg ye.

Rom Dãmba 1:23

Bãmb teka Wẽnnaam sẽn ka kiidã ziir ne bõn-naands sẽn mamsd ninsaal sẽn kiidã, la liuuli, la nao a naase, la bõn-vuudsi.

Yaoolem 16:22

Ra vigl-y kug-viginds n pʋʋs ye. Bala, Sẽn-Ka-Saab sẽn yaa yãmb Wẽnnaamã kisa bõn-kãense.

Yaoolem 27:15

«Kãab-wẽng bee ne ned ning sẽn peesd-a, wall sẽn dõogd-a bõn-naandg zugu. Sẽn-Ka-Saab ka nong tʋʋm-mit sẽn maand bõn-naandg n soos n solg-a ye. La bɩ nebã fãa yeel tɩ ãmina.

Yaoolem 5:8

Ra maan bõn-naandg ba a yembre, sẽn yaa bũmb sẽn be saasẽ wẽnego, wall sẽn be tẽngã zugu, wall sẽn be koom pʋsẽ dũniyã tẽngr ye.

Vẽnegre 16:2

Pipi soabã kẽngame n tɩ kiig sẽn be yẽnda laagẽ wã dũniyã zugu. La nod-kɛgeng sẽn yaa toaag yõka neb nins sẽn dag n tar rũngã gʋlsem bãnde la b wõgemded bõn-naandgã taoorã.

Vẽnegre 9:20

La neb a taabã sẽn kell tɩ to-kãensã ka kʋ wã ka tek yam n kos sugr tʋʋm nins b nusã sẽn tʋmã yĩng ye. Bãmb ka bas zĩn-dãmb ne wẽn-naands sẽn maan ne sãnem la wanzuri, la zũudu, la kuga, la raadã waoogr ye. Wẽn-naandsã ka tõe n yãnd wall b wʋme, wall b kẽn ye.

Bʋ-kaoodba 17:3

La a Mika rɩka wanzuri ligd koeems tusr la koabgã n lebs a ma wã. La a ma wã yeelame: «Mam na n welga wanzuri-kãngã toor kõ Sẽn-Ka-Saab yĩnga, n kɩt tɩ b yẽneg n dõog wẽn-naandg m biigã yĩnga. Rẽ wã, m biiga, mam dɩkd-a lame n lebsd foom moasã.»