Yikri 20:3 - WẼNNAAM SEBRE 2014

³ Ra bao wẽnnaam-dãmb a taaba, sã n ka maam bal ye.

SEBR SÕNGO

³ Da lʋɩɩs wẽnd ba a ye m taoor ye, da waoog wẽnd a to.

Yikri 20:3 Iomraidhean Croise

1 Rĩm-dãmbã 11:4

Rĩm a Salmo sẽn wa n kʋʋle, a pagbã tõog n wẽnemda a yamã t'a tũ wẽn-naandse, la a yamã rag n ka loe ne Sẽn-Ka-Saab sẽn yaa yẽnda Wẽnnaamã zãnga, wa a ba a Davɩɩd yamã sẽn dag n loe ne Sẽn-Ka-Saab to-to wã ye.

Yɩɩn‑sõamyã 29:2

Waoog-y Sẽn-Ka-Saab yʋʋrã sẽn tar ziirã! Wõgemd-y Sẽn-Ka-Saab taoore, bãmb sẽn pukd b sõmblmã pʋga!

Yɩɩn‑sõamyã 73:25

Mam tara ãnda saasẽ? Mam ka maand sũ-noog dũniyã zugu, sã n ka yãmb pʋgẽ ye.

Yɩɩn‑sõamyã 81:10

Bɩ y ra sak tɩ wẽn-zẽng zĩnd yãmb sʋk ye! Ra wõgemd-y wẽn-sãang taoor ye!

Yɩɩn‑sõamyã 81:9

Mam nebã, kelg-y-yã! Mam dat n keooga yãmba, Israyɛll nebã, yãmb sã n dag n tõe n kelgẽ maam!

Yikri 15:11

Sẽn-Ka-Saabo, wẽnnaam-dãmbã sʋka, ãnda n zem yãmba? Ãnda n tar naam ne sõmblem wa yãmba, n sek zoeese, la sẽn zems waoogre, n maand tʋʋm-kãsemse?

Yikri 20:23

Ra maan-y wẽnnaam-dãmb ne wanzuri wall sãnem yãmb mens yĩnga, n paas maam ye.

Yikri 22:19

Ned sã n maan maoong n kõ wẽnnaam-dãmb a taab tɩ ka Sẽn-Ka-Saabo, bɩ b welg a soab n sãam-a.

Yikri 23:24

Ra wõgemd bãmb wẽnnaam-dãmbã taoor n waoog-b ye. La f ra maan wa bãmb sẽn maandã ye. Lub bãmb tẽn-kugã b sẽn luglã n wã.

Yikri 32:8

Bãmb basa sor ning mam sẽn wilg bãmbã tao-tao. Bãmb maana sãnem nag-bila, n wõgemd a taoore, n maan maand a yĩng n yeele: ‹Israyɛll nebã, wẽnnaam-dãmb nins sẽn yiis-b yãmb Ezɩpt tẽngã la woto.› »

Yikri 34:14

Bɩ y ra wõgemd wẽnnaam a to taoor ye. Sẽn-Ka-Saab yaa sũ-kiir soaba, bãmb yaa Wẽnnaam sẽn yaa sũ-kiir soaba.

A Ezayi 26:4

Rɩk-y y teegrã n teeg Sẽn-Ka-Saab wakat fãa. Bala, Sẽn-Ka-Saab bal n yaa pĩig kugr wakat fãa.

A Ezayi 42:8

Mam yaa Sẽn-Ka-Saabo, mam yʋʋr la woto. Mam kõn dɩk m ziirã n kõ ned a to ye, la m kõn dɩk m waoogrã n kõ wẽn-naands ye.

A Ezayi 43:10

Sẽn-Ka-Saab yetame: Yãmb yaa mam kaset dãmba, la yãmb yaa mam tʋmtʋmdb mam sẽn yãke, sẽn na n yɩl tɩ yãmb bãng tɩ y tẽeda maam, n miẽ tɩ yaa maam, la sẽn deng maam, Wẽnnaam a to ka be b sẽn naanẽ, la a to me ka be sẽn na n leb n zĩnd ye.

A Ezayi 44:8

Da-y yɛɛs-y ye, Da-y zoe-y rabeem ye. Mam ka togs yãmb bõn-kãng hal daar zãra, la m wilg yãmb sẽn na n yɩ to-to sɩda? Yãmb yaa mam kaset dãmba. Dẽ yĩnga, Wẽnnaam a to beeme tɩ ka maam sɩda? Pĩig a to ka be ye. Mam ka mi pĩig a to sẽn be ye.

A Ezayi 46:9

Tẽeg-y hal wakat sẽn loogã yelle. Bala, mam yaa Wẽnnaam, la Wẽnnaam a to ka be ye. Mam yaa Wẽnnaam, la mam ka tar mak-n-taag ye.

Zeremi 25:6

Ra tũ-y buud a taab wẽnnaam-dãmb n waoog-ba, la ra wõgemd-y n waoog-y-b ye. Ra sãam-y mam sũur ne y nusã tʋʋm ye. Woto, m ka na n maan-y bũmb ye.

Zeremi 35:15

Mam tʋma m tʋmtʋmdbã sẽn yaa m no-rɛɛsdbã fãa yãmb nengẽ, tɩ b wa yeel yãmba, tɩ m kotame tɩ yãmb ned kam fãa wẽnemd n bas a manesem-wẽngã, la a maan sẽn zemse. B yeela yãmb tɩ y bas bu-zẽmsã wẽnnaam-dãmb waoogre, tɩ yãmb tõe n pa tẽng ning mam sẽn kõ yãmb ne y yaab-rãmbã pʋgẽ. La yãmb ka sak n kelg maam ye.

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

A Dãniyɛlle 3:18

N-na! Baa tõnd Wẽnnaamã sã n ka fãag tõndo, tõnd ka na n wõgemd n waoog yãmb wẽnnaam-dãmbã ne y sãnem bõn-naandgã y sẽn luglã ye!»

A Ooze 13:4

Mam yaa Sẽn-Ka-Saab n yaa yãmb Wẽnnaam. Hal sẽn sɩng Ezɩpte, Yãmb ka mi Wẽnnaam a to, sã n ka maam ye. La fãagd a to ka be sã n ka maam ye

A Matiye Sõng 4:10

A Zeezi yeela yẽnda: Kẽng n looge, Sʋtãanã! Bala, a gʋlsame tɩ f waoog Zu-soabã fo Wẽnnaam la f sak bãmb b yen bal tãa.

1 Korẽnt rãmba 8:4

Sã n yaa ne maandã b sẽn kʋ wẽn-naandsã nemd wãbr yelle, tõnd miime tɩ wẽn-naandg ka be dũni ye, la tɩ Wẽnnaam a yembr bal n be.

1 Korẽnt rãmba 8:6

Ne tõndo, Wẽnnaam a yembr bal n be, n yaa ba. Bũmb fãa yita bãmb nengẽ, tõnd yaa bãmb dẽnda. La zu-soab a yembr tãa n be, a Zeezi Kirisi, soab ning maasem yĩng bũmb fãa sẽn be, la tõnd sẽn be.

Efɛɛz Rãmba 5:5

Bala, bãng-y neer tɩ nin-yoaad baa a yembre, rẽgd soab baa a yembre, rat-wʋsg soab baa a yembre, sẽn dat n togs tɩ wẽn-naands pʋʋsd ka na n paam pʋɩɩr Kiris ne Wẽnnaam soolmẽ wã ye.

Yaoolem 5:7

Ra bao wẽnnaam-dãmb a taab ye, sã n ka maam bala.

Yaoolem 6:14

Ra tũ-y wẽnnaam-dãmb a taab sẽn be buud a taabã sẽn gũbg yãmbã wẽnnaam-dãmbã sʋk ye.

Yaoolem 6:5

Bɩ y nong Sẽn-Ka-Saab sẽn yaa yãmb Wẽnnaamã ne y sũur fãa, la ne y yalẽ fãa la ne y pãngã fãa.

Filip rãmba 3:19

Bãmb baoosg na n yɩɩ sãoongo, bãmb pʋsã n yaa b wẽnnaam, bãmb maanda sũ-noog ne bũmb ning sẽn yaa yãnd b yĩngã. B ka tagsd bũmb tɩ sã n ka dũniyã yɛl bal ye.

Kolos Rãmba 2:18

Da sak-y tɩ ned sẽn maand wa a yaa sik-m-meng soaba la sẽn pʋʋsd malegs belg yãmb wa a sẽn date, n kɩt tɩ y kong y zoeesa keoor ye. Ned a woto buud teegda yãab buud toay-toaya, t'a ninsaalem tagsdã kɩt t'a pid ne wuk-m-meng zaalem

Vẽnegre 19:10

La mam wõgemda yẽnda taoor n na n waoog-a, la a yeela maam yaa: Da saag n maan a woto ye! Mam yaa fo tʋmd-n-taaga, la fo ba-biis nins sẽn tar a Zeezi kasetã tʋmd-n-taaga. Waoog Wẽnnaam! Wẽnnaam no-rɛɛsdbã goam yita a Zeezi kasetã pʋga.

Vẽnegre 22:9

La a yeela maam yaa: Ra saag n maan a woto ye! Mam yaa fo tʋmd-n-taaga, la Wẽnnaam no-rɛɛsdbã sẽn yaa fo ba-biisã tʋmd-n-taaga, la neb nins sẽn sakd seb-kãngã goamã tʋmd-n-taaga. Waoog Wẽnnaam!

Bʋ-kaoodba 6:10

Mam yeela yãmb tɩ mam yaa Sẽn-Ka-Saabo, n yaa yãmb Wẽnnaam. La m yeel-y tɩ y ra waoog Amoor-dãmba sẽn be tẽng ning yãmb sẽn be wã wẽnnaam-dãmbã ye. La yãmb ka kelg mam goamã ye.»