Yikri 20:25 - WẼNNAAM SEBRE 2014

²⁵ La yãmb sã n na n maan tẽn-kugr ne kug mam yĩnga, bɩ y ra maan-a ne kug-peesdɩ ye. Bala, yãmb sã n pees bãmb ne yãmb larã, yãmb kɩtdame tɩ bãmb lebg rẽgd mam nifẽ.

SEBR SÕNGO

²⁵ Sã n ya kug la f rɩkd n na n me maan-kugrã, da pees-b ye tɩ fo sã n pees b ne kutu, peesga yãkda b barka.

Yikri 20:25 Iomraidhean Croise

1 Rĩm-dãmbã 6:7

B mee roogã ne kug b sẽn dag n zoe n peese. Woto, roogã meeb wakate, b ka tol n dɩk zãar n wẽ bũmbu, wall b tall lar bɩ kut buud n kɛ wall b pesg bũmb ye.

Yikri 20:24

Maan-y tãnd tẽn-kugr mam yĩnga. Yãk-y y rũm-bãoonegã ne y rũm-bɛdã n maan maand sẽn yõogd bugum ne zems-n-taar maoong a zugu. La zĩig ning fãa mam sẽn na n kɩt tɩ nebã tẽeg mam yʋʋrã yellã, mam na n waa yãmb nengẽ n wa ning yãmb zug barka.

Yikri 24:4

La a Moyiis gʋlsa Sẽn-Ka-Saab goamã fãa. La yẽnda yika tõdbeoog n maan tẽn-kugr tãngã pende, ne kug piig la a yiibu Israyɛll buud piig la a yiibã yĩnga.

Ezekiyɛl 40:42

Taabl-dãmb a naas me n dag n be, b sẽn pees ne kuga, maand sẽn yõogd bugmã maaneg yĩnga. B woglmã ne b yalmã yaa kãntɩɩg a yembr la pʋɩ-sʋk-sʋka, tɩ b zãntlmã yaa kãntɩɩg a yembre. Yaa bãmb zut la b rag n tog n dogl teed nins sẽn tar n kʋʋd maand sẽn yõogd bugmã ne maand a taabã.

Zozuwe 8:31

Yẽnda mee tẽn-kugrã wa sẽn zems Sẽn-Ka-Saab tʋmtʋmd a Moyiis sẽn dag n yeel Israyɛll nebã tɩ be a Moyiis tõodã sebr pʋgẽ wã: Yaa tẽn-kugr sẽn maan ne kug-mum kut sẽn nan ka tol n sɩɩs-b ye. La b maana maand sẽn yõogd bugum zãng tẽn-kugrã zug Sẽn-Ka-Saab yĩnga, la b maan zems-n-taar maand beenẽ.