Yikri 20:24 - WẼNNAAM SEBRE 2014

²⁴ Maan-y tãnd tẽn-kugr mam yĩnga. Yãk-y y rũm-bãoonegã ne y rũm-bɛdã n maan maand sẽn yõogd bugum ne zems-n-taar maoong a zugu. La zĩig ning fãa mam sẽn na n kɩt tɩ nebã tẽeg mam yʋʋrã yellã, mam na n waa yãmb nengẽ n wa ning yãmb zug barka.

SEBR SÕNGO

²⁴ F na n dɩka tãndo n me maan-kugri, la yaa yẽ zug la f na n yãk rũms kẽere, bɛd bɩ bõonese, n kʋ yũ-noog maando n yãk kẽere, bɛd bɩ bõonese, n kʋʋ n dɩ, f zak rãmba laafi yĩnga. Zĩig ning fãa m sẽn na n yãk tɩ yɩ m waoogr zĩiga, m na sig be la m na ning-f barka.

Yikri 20:24 Iomraidhean Croise

Sɩngrẽ 12:2

Mam na n kɩtame tɩ fo lebg buud wʋsg ba, la m na n ning-f-la barka. Mam na n kɩtame tɩ f yʋʋrã yi, la m kɩt tɩ fo yɩ bark sore.

2 Sãmwɛlle 6:12

B tɩ togsa dĩm a Davɩɩd tɩ Sẽn-Ka-Saab ninga a Obɛɛd-Edom yirã rãmba, ne yẽnda sẽn so bũmb ninsã fãa barka, Wẽnnaam kaoolã koglgã yĩnga. Dẽ, a Davɩɩd yikame n kẽng n tɩ tall Wẽnnaam kaoolã koglgã sẽn be a Obɛɛd-Edom zakẽ wã, n wa a Davɩɩd tẽngã pʋgẽ ne sũ-no-kãsenga.

1 Rĩm-dãmbã 8:29

Bɩ y kɩt tɩ y belmã zĩnd ro-kãngã pʋg wĩndg la yʋngo, bala, a yaa zĩig yãmb sẽn dag n yeel tɩ y yʋʋrã na n zĩnda a pʋgẽ! Moasã, bɩ y kelg y tʋmtʋmdã sẽn be ro-kãngã pʋg n pʋʋsd yãmbã.

1 Rĩm-dãmbã 8:43

bɩ y zĩnd y zĩigẽ yĩngr n kelg-ba, la y leok-ba, tɩ buudã fãa sẽn be dũniyã zugã tõe n bãng yãmb yʋʋrã la b zoe yãmb wa Israyɛll nebã sẽn zoet yãmbã. La b tõe n bãng tɩ yãmb yʋʋrã bee ro-kãngã me sẽn me wã pʋga.

1 Rĩm-dãmbã 9:3

Sẽn-Ka-Saab yeela yẽnda yaa: «Mam wʋma fo pʋʋsgã ne f kosgã f sẽn kos maamã. Dẽ, mam na n welga roog ning fo sẽn me n kõ maamã toore, n ning m yʋʋrã a pʋgẽ wakat fãa yĩnga, la mam belmã ne m sũurã na n zĩnda ro-kãngã pʋg wakat fãa.

2 Rĩm-dãmba 5:17

Dẽ, a Naama yeelame: «Sã n yaa tɩ yãmb zãgsame tɩ y ka na n deeg kũunã, mam kot-y lame tɩ y kõ noore, tɩ b wʋk y tẽngã tẽn-gãongã tom sẽn zems bõn-wees a yiib zɩlgre, n kõ y tʋmtʋmdã. Bala, yãmb tʋmtʋmdã ka na n leb n maan maoong sẽn yõogd bugum wall maoong a to n kõ wẽnd a to, sã n ka Sẽn-Ka-Saab bala.

2 Kibayã 12:13

Rĩm a Roboaam dɩɩ naam Zeruzalɛm, la a naamã paama pãnga. Yẽnda sẽn wa n na n deeg naamã t'a tara yʋʋm pis-naas la a yembre, la yẽnda ma wã yʋʋr dag n yaa a Naama, la a rag n yita Amo tẽnga. A Roboaam rɩɩ naamã yʋʋm piig la yopoe Zeruzalɛm pʋgẽ, tẽng ning Sẽn-Ka-Saab sẽn yãk Israyɛll tẽmsã fãa sʋk n na n ning b yʋʋrã b nebã sʋkã.

2 Kibayã 6:6

La yaa Zeruzalɛm la m yãk n na n ning m yʋʋrã a pʋga. La mam yãka a Davɩɩd t'a yɩ Israyɛll sẽn yaa mam nebã naaba.

2 Kibayã 7:16

La moasã mam yãka ro-kãngã, la m welg-a-la toore, tɩ mam yʋʋrã tõe n zĩnd a pʋg wakat fãa yĩnga. Mam nin ne mam sũurã na n zĩnda beenẽ wakat fãa

Esdras 6:12

Bɩ Wẽnnaam ning sẽn be Zeruzalɛmã meng sɩbg rĩm ning fãa, wall soolem ning sẽn na n mak n dat n sãam Wẽnnaam doogã, wall a kɩɩs mam yam-yãkrã. Yaa maam a Daryuus n kõt no-kãngã, bɩ b maan wa mam sẽn yeelã zãnga.»

A Neemi 1:9

La rẽ poore, yãmb sã n lebg n wa mam nengẽ, n deeg mam tõodã, n sak-ba, mam na n leb n tigsa yãmba, baa yãmb sẽn sãeeg n be dũniyã zĩig ning fãa, mam na n talla yãmb n lebg n wa zĩig ning mam sẽn yãk n ning m yʋʋrã.»

Yɩɩn‑sõamyã 101:2

Mam na n gũusame n kẽn ne burkĩndi. Yãmb na n waa mam nengẽ dabʋre? Mam zakã pʋga, m na n kẽna ne pʋ-peelem.

Yɩɩn‑sõamyã 122:2

Zeruzalɛm, tõnd kẽn n taa f tẽngã rignoorẽ!

Yɩɩn‑sõamyã 128:5

Bɩ Sẽn-Ka-Saab kɩt tɩ b barkã yi Sɩyõ n ta foom, la fo na n yãnda Zeruzalɛm naarã f vɩɩmã tõre.

Yɩɩn‑sõamyã 134:3

Bɩ Sẽn-Ka-Saab sẽn yaa yĩngr la tẽng naandã zĩnd Sɩyõ n ning y zug barka!

Yɩɩn‑sõamyã 74:7

Bãmb yõoga yãmb sɛk-zĩigã bugum. Bãmb lub-a-la tẽng n dẽgem zĩig ning yãmb yʋʋrã sẽn be wã.

Yɩɩn‑sõamyã 76:2

Zʋʋda rãmb mii Wẽnnaam, Wẽnnaam yʋʋrã yaa kãseng Israyɛll pʋga.

Yɩɩn‑sõamyã 78:68

Bãmb yãka Zʋʋda buudã, yaa Sɩyõ tãngã bãmb sẽn nongã.

Yikri 10:25

La a Moyiis leokame: «Yãmb meng n na n kõ tõnd rũms tɩ d maan zems-n-taar maoongã, ne maoong sẽn yõogd bugmã n kõ Sẽn-Ka-Saab sẽn yaa tõnd Wẽnnaamã.

Yikri 18:12

Dẽ, a Moyiis rɛɛmb a Zetro maana maoong sẽn yõogd bugum ne maand a taab n kõ Wẽnnaam. A Aarõ ne Israyɛll kãsem-dãmbã fãa wa n lagma a Moyiis rɛɛmbã n dɩ Wẽnnaam taoore.

Yikri 20:25

La yãmb sã n na n maan tẽn-kugr ne kug mam yĩnga, bɩ y ra maan-a ne kug-peesdɩ ye. Bala, yãmb sã n pees bãmb ne yãmb larã, yãmb kɩtdame tɩ bãmb lebg rẽgd mam nifẽ.

Yikri 24:4

La a Moyiis gʋlsa Sẽn-Ka-Saab goamã fãa. La yẽnda yika tõdbeoog n maan tẽn-kugr tãngã pende, ne kug piig la a yiibu Israyɛll buud piig la a yiibã yĩnga.

Yikri 24:5

La yẽnda yãka Israyɛll kom-bɩɩs n tʋm tɩ b tɩ maan maand sẽn yõogd bugum, la b kʋ lols n maan zems-n-taar maand n kõ Sẽn-Ka-Saabo.

Yikri 27:1

«Maan-y tẽn-kugr ne akasiya raado. Maan-y-yã-a t'a woglmã yɩ kãntɩɩg a nu, t'a yalmã me yɩ kãntɩɩg a nu. Maan-a maoko. Maan-a t'a zãntlmã yɩ kãntɩɩg a tãabo.

A Ezayi 64:5

Tõnd fãa lebga neb sẽn yaa rẽgdo, la tõnd sẽn maand d tɩrlem tʋʋmã fãa wẽnda fu-rẽgdo. Tõnd fãa zelga wa vãad sẽn ki, tɩ tõnd kongrã kãagd tõnd wa sebgo.

Maan‑kʋʋre 17:9

n ka reng n tall-a n wa sɛk roogã noor tɩ yɩ Sẽn-Ka-Saab rẽnda, b na n yiisa nin-kãngã soab a buudã sʋka.› »

Malasi 1:11

Bala, sẽn sɩng yaang n tãag nin-taoore, mam yʋʋrã yaa kãseng buud toor-toorã fãa sʋka. B yita zĩig zãng n wat n yõogd wisd mam yʋʋrã yĩnga, la b wat ne kũun sẽn yaa yɩlemde. Bala, mam yʋʋrã yaa kãseng buud toor-toorã fãa sʋka. Maam a Saasẽ-Pãng-Soabã n yeele.

A Matiye Sõng 18:20

Bala, zĩig ning neb a yiib bɩ a tãab sẽn tigim taab ne mam yʋʋre, mam bee bãmb sʋka.

A Matiye Sõng 28:20

la y zãms bãmb tɩ b sak bũmb nins fãa mam sẽn yeel yãmb tɩ y maanã. La gese, mam bee ne yãmb wakat fãa, hal tɩ ta wakat sɛɛbo.»

Yaoolem 12:11

yaa zĩig ning Sẽn-Ka-Saab sẽn yaa yãmb Wẽnnaamã sẽn na n yãk n ning b yʋʋrã la y na n tall bũmb nins mam sẽn yeel yãmbã n wa: Yãmb maand nins sẽn yõogd bugmã ne y maand a taabã, la y piig pʋɩyã ne y kũunã, la bũmb nins fãa yãmb sẽn pʋlem Sẽn-Ka-Saabã.

Yaoolem 12:21

Zĩig ning Sẽn-Ka-Saab sẽn yaa yãmb Wẽnnaamã sẽn yãk n ning b yʋʋrã sã n zãr ne yãmba, yãmb tõe n yãka y rũm-bɛdã ne y rũm-bãoonegã Sẽn-Ka-Saab sẽn kõ yãmbã n kʋ wa mam sẽn yeel yãmbã. La yãmb tõe n dɩ-a-la y tẽmsã pʋsẽ wa y sẽn data.

Yaoolem 12:5

Yaa zĩig ning Sẽn-Ka-Saab sẽn yaa yãmb Wẽnnaamã sẽn na n yãk yãmb buudã sʋk n ning b yʋʋrã la y na n kẽng n tɩ waoog-ba. Yaa beenẽ bal la yãmb na n kẽnge.

Yaoolem 14:23

Rɩ-y yãmb bõn-koaadlã piig pʋɩɩre, la y reezẽ rãamã ne y kaamã piig pʋɩɩre, la y rũm-dẽemsã Sẽn-Ka-Saab taoore, zĩig ning b sẽn na n yãk n ning b yʋʋrã, tɩ yãmb tõe n zãms tɩ zoe Sẽn-Ka-Saab sẽn yaa yãmb Wẽnnaamã daar fãa.

Yaoolem 16:11

Maan-y sũ-noog Sẽn-Ka-Saab sẽn yaa yãmb Wẽnnaamã yĩnga, bɩ yãmb ne y kom-dibli wã la y kom-pugli wã ne y yem-daadã, la y yem-pogsã ne a Leevi buudã neb nins sẽn be yãmb tẽmsã pʋsẽ wã, la sãambã ne kɩɩbsã la pʋg-kõap nins sẽn be yãmb sʋkã, maan sũ-noog Sẽn-Ka-Saab sẽn yaa yãmb Wẽnnaamã taoore, zĩig ning bãmb sẽn na n yãk n ning b yʋʋrã.

Yaoolem 26:2

bɩ y yãk kood nins fãa yãmb sẽn paam tẽn-kãng pʋgẽ wã, tẽng ning Sẽn-Ka-Saab sẽn yaa yãmb Wẽnnaamã sẽn kõ yãmbã dẽenem biisi, n ning peoog pʋgẽ, n tall n kẽng zĩig ning Sẽn-Ka-Saab sẽn yaa yãmb Wẽnnaamã sẽn yãk n ning b yʋʋrã.

Yaoolem 7:13

Bãmb na n nonga yãmba, b na n ning-y-la barka, n kɩt tɩ y lebg wʋsgo. Bãmb na n kɩtame tɩ y kambã paam barka, la b kɩt tɩ y tẽngã bõn-koaadl ne ki wã, la y reezẽ rãamã ne y kaamã, la y rũm-bɛdã ne y rũm-bãoonegã kamb zĩnd bark tẽng ning bãmb sẽn dag n wẽen n yeel y yaab-rãmbã tɩ b na n kõo bãmbã pʋgẽ.

1 Tɩmote 2:8

Dẽ, mam datame tɩ nebã zẽk nus sẽn yaa yɩlma, n pʋʋs Wẽnnaam zĩig fãa, tɩ sũ-kiiri la no-koɛɛm kaẽ ye.