Yikri 20:23 - WẼNNAAM SEBRE 2014

²³ Ra maan-y wẽnnaam-dãmb ne wanzuri wall sãnem yãmb mens yĩnga, n paas maam ye.

SEBR SÕNGO

²³ Ad-y m pa rat tɩ y ges-m wa wẽnd sẽn dõog ne wanzurf bɩ ne sãnem ye. M da yãend b buud y nengẽ ye.

Yikri 20:23 Iomraidhean Croise

2 Rĩm-dãmba 17:33

Woto, bãmb dag n waoogda Sẽn-Ka-Saabo, la b baas n ket n pʋʋsda b mens wẽn-naandsã wa bãmb sẽn yi buud nins sʋk n wa wã sẽn minim n maandẽ wã.

2 Rĩm-dãmba 17:41

Bu-kãens rag n waoogda Sẽn-Ka-Saabo, la b pʋʋsd b wẽn-naandsã me. Bãmb kambã ne b yagensã me ket n maanda woto hal tɩ ta rũndã, wa bãmb ba-rãmbã sẽn dag n maandã.

Yikri 32:31

La a Moyiis lebg n leba Sẽn-Ka-Saab nengẽ n tɩ yeele: «M Zu-soabã, m kãntɩɩga! Nin-kãensã maana yel-wẽn-kãsenga. Bãmb maana sãnem wẽnnaam b mensã yĩnga.

Yikri 34:17

Ra rõog kut bõn-naandg baa a yembre tɩ yɩ fo wẽnnaam ye.

Ezekiyɛl 20:39

Yãmb a Israyɛll buudu, Zu-soab a Sẽn-Ka-Saab yetame: «Bɩ ned kam fãa kell n waoog a wẽn-naandse! La bãng-y tɩ rẽ zugẽ, yãmb na n kelga maam. Yãmb kõn leb n wa ne kũuni, la y waoog y wẽn-naandsã n sãam m yʋ-sõngã ye.

Ezekiyɛl 43:8

Bãmb dag n ningda b rigno-koakã n yegend mam digno-koakã, la b ningd b rignoyã yĩngr da-lugdsã n yegend m doogã yĩngr da-lugdsã. Yaa lalg bal n dag n be maam ne bãmb sʋka. Bãmb dag n maanda a woto n dẽgemd mam yʋʋrã sẽn welg toorã ne yel-beedã b sẽn maanã. Yaa rẽ n kɩte, tɩ mam menes bãmb m sũ-puugrã pʋga.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

A Dãniyɛlle 5:4

Bãmb yũu reezẽ rãamã, la b waoog sãnem ne wanzuri, la zũudu, ne kut la raad ne kug wẽn-naandsã.

Maan‑kʋʋre 19:4

Da waoog-y wẽn-naandse, la y ra yẽneg kut n maan wẽn-naands ye. Bala, mam yaa Sẽn-Ka-Saab sẽn yaa yãmb Wẽnnaam.

Sofoni 1:5

Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Yaoolem 27:15

«Kãab-wẽng bee ne ned ning sẽn peesd-a, wall sẽn dõogd-a bõn-naandg zugu. Sẽn-Ka-Saab ka nong tʋʋm-mit sẽn maand bõn-naandg n soos n solg-a ye. La bɩ nebã fãa yeel tɩ ãmina.

Yaoolem 29:17

Bɩ raoa, wall paga, bɩ roog wall buud tõr ra wa zĩnd yãmb sʋkã, n bʋdg n bas Sẽn-Ka-Saab sẽn yaa yãmb Wẽnnaamã n tũ bu-kãens wẽnnaam-dãmbã, n wa ne zẽnem la sũ-toog yãmb sʋk ye.

Vẽnegre 22:15

Ninsaan-baasã, tɩ-rɩtbã, nin-yoaadbã, nin-kʋʋdbã, wẽnd-naands pʋʋsdbã, la ned ning fãa sẽn nong zĩrẽ la sẽn yagd zĩrẽ paada yɩnga, n ka kẽ tẽngã pʋg ye.

Bʋ-kaoodba 17:3

La a Mika rɩka wanzuri ligd koeems tusr la koabgã n lebs a ma wã. La a ma wã yeelame: «Mam na n welga wanzuri-kãngã toor kõ Sẽn-Ka-Saab yĩnga, n kɩt tɩ b yẽneg n dõog wẽn-naandg m biigã yĩnga. Rẽ wã, m biiga, mam dɩkd-a lame n lebsd foom moasã.»