Yikri 20:20 - WẼNNAAM SEBRE 2014

²⁰ La a Moyiis yeela nebã yaa: «Ra zoe-y rabeem ye. Bala, Wẽnnaam sẽn wa wã yaa sẽn na n mak yãmba, tɩ yãmb zoe bãmb n da maan yel-wẽnã ye.»

SEBR SÕNGO

²⁰ A Moyiiz leok-b lame: «Bas-y rabeem buud fãa, Wẽnnaam waame n na n bãng bũmb ning sẽn be y sũurẽ; b waa n kẽes-y la rabeem tɩ rabeema zãag-y ne wẽnga.»

Yikri 20:20 Iomraidhean Croise

Sɩngrẽ 20:11

A Abrahaam leokame: «Mam tagsame tɩ zĩ-kãngã nebã ka zoet Wẽnnaam ye, la b tõe n kʋʋ maam m pagã yĩnga.

Sɩngrẽ 22:1

Bõn-kãensã fãa loogr zugẽ, Wẽnnaam maka a Abrahaam n yeele: «Abrahaam!» T'a sak tɩ naaba.

Sɩngrẽ 22:12

La malɛɛkã yeel-a lame yaa: «Ra sɩɩs bi-bɩɩgã ye. Ra maan-a bũmb ye. Bala, mam miime moasã, tɩ fo zoeta Wẽnnaam. Fo sẽn ka zãgs tɩ f ka na n dɩk f bi-riblã sẽn yaa fo bi-yendã n kõ maamã yĩnga.»

A Neemi 5:15

Gʋvɛrneer-dãmb a taabã sẽn deng maam n zĩndã rag n namsda nebã, n modgd-b tɩ b wat ne rɩɩbo, reezẽ rãam, n paas wanzuri wakɩ-koeems pis-naase. Gʋvɛrneerã tʋmtʋmdbã me rag n soo nebã ne pãnga. La mam sẽn zoet Wẽnnaamã yĩnga, mam zɩ n maan bũmb a woto ye.

A. Zoobe 28:28

La bãmb yaool n yeela ninsaal yaa: «Gese, yaa Sẽn-Ka-Saab zoees la yam, la yaa wẽng baosg la bãngre.»

Yikri 14:13

A Moyiis yeela nebã yaa: «Da zoe-y rabeem ye. Yaas-y n ges-y fãagr ning Sẽn-Ka-Saab sẽn na n fãag yãmb dũndã wã. Bala, Ezɩpt neb nins yãmb sẽn ne rũndã wã, yãmb kõn leb n yãnd bãmb abada.

Yelbũna 1:7

Sẽn-Ka-Saab zoees yaa bãngr sɩngre. La yalembã kisa yam la remsgo.

Yelbũna 16:6

Nonglem ne sɩd yẽesda yel-wẽna, la Sẽn-Ka-Saab zoees zãagda ned ne wẽnga.

Yelbũna 3:7

Ra tags tɩ f tara yam tɩ sek ye. Zoe Sẽn-Ka-Saabo, la zãag f meng ne wẽnga.

A Ezayi 41:10

Da zoe rabeem ye, bala, mam bee ne foom. Da maan yɩɩr ye, bala, mam yaa fo Wẽnnaam. Mam kõta foom pãnga, la m na n wa sõnga foom, mam na n tebenda foom ne m nug-rɩtg sẽn tõogdã.

A Ezayi 41:13

Bala, mam yaa Sẽn-Ka-Saab sẽn yaa fo Wẽnnaam, soab ning sẽn gãta fo nug-rɩtg n yet-f yaa: Da zoe rabeem ye. Mam wat n na n sõnga foom.

A Ezayi 8:13

Saasẽ-Pãng-Soabã bal la yãmb tog n ges tɩ b yaa pʋ-peelem soaba. Bãmb bal la yãmb tog n zoe, yaa bãmb la yãmb tog n yɛɛse.

Yaoolem 10:12

La moasã, Israyɛll nebã, bõe la Sẽn-Ka-Saab rat ne yãmba, sã n ka tɩ y zoe Sẽn-Ka-Saab sẽn yaa yãmb Wẽnnaamã n tũ bãmb soayã, la y nong bãmba, n sak Sẽn-Ka-Saab sẽn yaa yãmb Wẽnnaamã ne y sũyã fãa la ne y yamã fãa,

Yaoolem 13:3

tɩ bãndã ne bõn-bãndã paam pidsgu, t'a yeel yãmb tɩ y wa tɩ b tɩ tũ wẽnnaam-dãmb a taab yãmb sẽn ka mi, la y waoog-ba,

Yaoolem 4:10

daar ning yãmb sẽn yals Sẽn-Ka-Saab sẽn yaa yãmb Wẽnnaamã taoor Horɛɛb tãngã sɛɛgã, Sẽn-Ka-Saab yeela maam yaa: «Tigim nebã f nengẽ. Mam dat n togsa bãmb mam koɛɛgã, tɩ b zãms tɩ zoe wakat ning fãa bãmb sẽn be dũniyã zugã, la b rɩk-a n zãms b kom-dibli wã.»

Yaoolem 6:2

Yaa sẽn na n yɩlẽ tɩ yãmb vɩɩmã tɛka, bɩ yãmb ne y kambã la y yagensã zoe Sẽn-Ka-Saab sẽn yaa yãmb Wẽnnaamã n sak bãmb no-tũudsã la b tõodã fãa mam sẽn vigl yãmb yĩngã, tɩ y tõe n paam yõ-woko.

Yaoolem 6:24

Sẽn-Ka-Saab yeela tõnd tɩ d sak tõ-kãensã fãa la d zoe Sẽn-Ka-Saab sẽn yaa tõnd Wẽnnaamã, n tõog n paam sũ-noog daar fãa n kell n vɩɩmd wa tõnd sẽn yaa bũmb ning rũndã wã.»

Yaoolem 8:16

Bãmb dɩlga yãmb we-raoogã pʋgẽ, n kõ yãmb mand y yaab-rãmbã sẽn dag n ka mi. Sẽn na n yɩl n sãam y sũurã, n mak yãmb n ges n yaool n maan-y neere.

Yaoolem 8:2

La y tẽeg Sẽn-Ka-Saab sẽn yaa yãmb Wẽnnaamã sẽn tall yãmb n gilim we-raoogã pʋgẽ yʋʋm pis-naasã, sẽn na n yɩl n nams yãmb la b mak yãmb n bãng bũmb ning sẽn be yãmb sũyẽ wã, y sã n na n saka bãmb tõodã, wall y sã n ka na n sake.

Zozuwe 24:14

A Zozoe paasame n yeel yaa: «Moasã, bɩ y zoe Sẽn-Ka-Saab la y sak bãmb ne burkĩnd la ne pʋ-peelem. Zãag-y y mens ne wẽnnaam-dãmb nins yãmb yaab-rãmbã sẽn dag n pʋʋsd Efrat kʋɩlgã rʋʋndã la Ezɩpt pʋgẽ wã, la y tũ Sẽn-Ka-Saabo.

1 Sãmwɛlle 12:20

A Sãmwɛll yeela nebã yaa: «Da zoe-y rabeem ye. Yaa sɩd tɩ yãmb maana wẽnga, la ra wẽnemd-y n bas-y Sẽn-Ka-Saab ye. Sak-y bãmb ne y sũyã fãa.