Yikri 20:17 - WẼNNAAM SEBRE 2014

¹⁷ Ra maan sũ-kiir ne f to zak ye. Ra maan sũ-kiir ne f to pag wall a yem-daoogo, bɩ a yem-poaka, wall a loalga, bɩ a bõanga, wall bũmb ning fãa sẽn yaa fo to rẽnd ye.»

SEBR SÕNGO

¹⁷ Da tʋlg f to yir ye, da tʋlg f to pag ye, da tʋlg a dakõor ye, a zak bi-pugl ye, a naafo, a bõanga, da tʋlg bũmb ba a ye a sẽn so ye.»

Yikri 20:17 Iomraidhean Croise

Sɩngrẽ 14:23

tɩ mam ka na n yãk yãmb bũmb baa fɩ ye, baa fu-pĩim mengã, wall neoodr sẽbdg meng ye. Tɩ yãmb da wa n yeel tɩ yaa yãmb maasem yĩng la maam a Abram lebg arzɛk soab ye.

Sɩngrẽ 3:6

Pagã gesame tɩ tɩɩgã biis yaa sõama tɩ rɩ, la a bee neer tɩ gese, la a yaa tɩɩg sẽn wat ne ratem tɩ rɩ n paam yam vẽnegre. Dẽ, pagã yãka tɩɩgã bil n dɩ, la a kõ a sɩdã sẽn dag n be ne yẽnda wã me t'a rɩ.

Sɩngrẽ 34:23

Bãmb rũmsã ne b paoongã, la b rũm-bãoonegã fãa kõn lebg tõnd dẽnd sɩda? Tõnd we n sak b sẽn datã bal tɩ b zĩnd ne tõndo.»

A. Zoobe 31:1

Mam dag n maana kaool ne m ninã, tɩ m kõn ges pa-kul ne ratem wẽng ye.

A. Zoobe 31:9

Mam yamã sã n kẽe m yak paga, tɩ mam soond a zak noor n gũud-a,

Yɩɩn‑sõamyã 10:3

Bala, nin-wẽng pẽgda a meng a sũur datem yĩnga. A zãmb paoongã yĩnga, a tʋʋsda Sẽn-Ka-Saab n paoogd-ba.

Yɩɩn‑sõamyã 119:36

Wẽnemd-y m sũurã tɩ m sak y no-tũudsã, la y ra wẽnemd m sũurã n tees zãmb arzegs ye.

Yelbũna 4:23

Maan gũusg ne f sũurã tagsg n yɩɩd bũmb fãa, bala, ninsaal vɩɩm yita a sũur pʋgẽ.

Yelbũna 6:29

A yaa woto me ne ned sẽn dood a to paga. Ned ning sẽn na n sɩɩs-a a to pag paamda sɩbgre.

Kowelɛt 4:8

Yaa ned sẽn yaa a yembr n ka tar doagd ye. Yẽnda ka tar bi-ribl wall ba-biig ye. La baoosgo, yẽnda tʋʋmdã ka tar tɛk ye. Yẽnda ninã ka tɩgd arzegs ye. Yaa ãnda yĩng la mam sẽn tʋmd n mongd m meng sũ-noog woto wã? Woto me yaa zaalem la a yaa tʋʋmd sẽn yaa wẽnga.

A Ezayi 33:15

Yaa ned ning sẽn kẽnd-a ne tɩrlem, la a gomd sɩda, n ka baood n maan zãmb n paam paoongo, la a pĩmsd a nus n ka rat n deeg zãmb kũuni, n yẽt a tʋb n ka rat n wʋm tɩ b gomd zɩɩm daagr yelle, la a mumd a nin n ka rat n ges sẽn yaa wẽng ye.

A Ezayi 57:17

Bãmb zoe-bõnã yĩnga, mam sũurã puugame tɩ m sɩbg-ba, la m solga m meng m sũ-puugrã pʋga. La bãmb sẽn yaa kɩɩsdbã yĩnga, b maana wa b sẽn date.

Zeremi 22:17

La foom, fo gesg la f tagsg pʋgẽ, fo sẽn baood yaa f meng nafr bala, f baood n daaga sẽn ka tar-a yell zɩɩm, la f wõr neb n maan-b pãnga.

Zeremi 5:8

Bãmb wẽnda wa wed-nobdse, tɩ b ned kam fãa yãbd n pʋgd a to paga.»

Ezekiyɛl 33:31

Bãmb kʋʋngã wata fo nengẽ, mam nebã zĩi fo taoore, n kelgd fo goamã, la b ka maand wa fo sẽn yetã ye.› Bala, bãmb gomda no-noom goamã, la b sũyã yaool n pida ne yão-beedo.

A Miise 2:2

Bãmb sã n dat ned pʋʋg n deege, b reegd-a lame. La b sã n dat ned roog n deege, b reegd-a lame n sooge. Bãmb maanda ned ne a zak rãmb pãnga, n deegd bũmb nins b sẽn so wã.

Abakuk 2:9

«Toog bee ned ning sẽn zãmbd a taab n baood yõod a roagdb yĩngã zugu. Yẽnda maanda a woto sẽn na n yɩl n kogl a menga, wa liuul sẽn tɩʋ a tʋk zĩ-zãonglgẽ, tɩ bũmb da wa maan-a ye.

A Matiye Sõng 20:15

Dẽ yĩnga, mam ka tar noor tɩ maan m sẽn dat ne m sẽn so wã bɩ? Bɩ fo getame tɩ mam maan-neerã ka sõama?»

A Matiye Sõng 5:28

La mam yeta yãmb tɩ ned ning fãa sẽn get pag ne ratem wẽng zoe n maana yoob ne-a a sũurẽ.

A Luk Sõng 12:15

Dẽ, a Zeezi yeela nebã yaa: Gũus-y y mens ne rat wʋsgã. Bala, hal baa naar pʋgẽ, ninsaal vɩɩmã ka tũud ne bũmb nins a sẽn tarã ye.

A Luk Sõng 16:14

Fariizẽ-dãmbã sẽn da nong ligdã rag n kelgda bõn-kãensã fãa la b rag n yaanda a Zeezi.

Tʋʋma 20:33

Mam ka maan sũ-kiir ne ned ligdi, wall a sãnem, wall a fut ye.

Tʋʋma 5:4

Fo sẽn dag n nan ka koos pʋʋgã, a ka foom n so la? La fo sẽn koos-a wã ligdã ka fo rẽnd sɩda? La yɩɩ a wãn tɩ fo tags f sũurẽ tɩ maan bõn-kãnga? Fo ka yag zĩrẽ wã ne ninsaalb ye, la yaa ne Wẽnnaam la f yag yã.

Rom Dãmba 13:9

Sɩd me, d tõe n gila tõod nins sẽn yet tɩ: Da yo ye, da kʋ ye, da zu ye, [da kɩs kaset zĩrẽ ye], da ges f to bũmb n dat ye, la tõod a taabã yeelame tɩ: Nong f to wa f menga.

Rom Dãmba 7:7

Dẽ, tõnd na n yeelame tɩ bõe? Tõogã yaa yel-wẽnd la? Yaa vẽeneg tɩ ayo. La mam ka bãng yel-wẽn sẽn ya bũmb ninga, sã n ka tõogã maasem yĩng ye. Tõogã sã n dag n ka yeelẽ tɩ: «Da maan sũ-kiir ye», mam dag n kõn bãng sũ-kiir sẽn yaa a soab ye.

1 Korẽnt rãmba 6:10

wẽng maandbã, raopã wall pagb sẽ gãe taabã, wagda wã, yão-beed dãmba, sẽn yũud-b rãam n tuumdẽ wã, nin-tʋʋdbã, fãadbã, baa a yembr kõn paam Wẽnnaam soolma wa a rogem-pʋɩɩr ye.

Efɛɛz Rãmba 5:3

Dẽ wã, a wa nin-sõamyã sẽn tog n yɩ to-to wã, da saag-y tɩ b pʋd yoobo, la rẽgd buud baa a yembre, la rat-wʋsg yell yãmb sʋk ye.

Efɛɛz Rãmba 5:5

Bala, bãng-y neer tɩ nin-yoaad baa a yembre, rẽgd soab baa a yembre, rat-wʋsg soab baa a yembre, sẽn dat n togs tɩ wẽn-naands pʋʋsd ka na n paam pʋɩɩr Kiris ne Wẽnnaam soolmẽ wã ye.

Yaoolem 5:21

Ra maan sũ-kiir ne f to pag ye. Ra tʋlg f to zaka, wall a pʋʋgo, bɩ a yem-daoogo, wall a yem-poaka, bɩ a loalga, wall a bõanga, bɩ bũmb ning fãa sẽn yaa fo to rẽnd ye.»

Yaoolem 7:25

Yãmb na n yõoga bãmb wẽn-naandsã bugum. Ra zoe-y bõn n wʋk wanzuri wã ne sãnemã sẽn be wẽn-naandsã zutã, tɩ wa lebg bẽdg ne yãmb ye. Bala, bõn-kãens yaa yel-beed ne Sẽn-Ka-Saab sẽn yaa yãmb Wẽnnaamã.

Filip rãmba 3:19

Bãmb baoosg na n yɩɩ sãoongo, bãmb pʋsã n yaa b wẽnnaam, bãmb maanda sũ-noog ne bũmb ning sẽn yaa yãnd b yĩngã. B ka tagsd bũmb tɩ sã n ka dũniyã yɛl bal ye.

Kolos Rãmba 3:5

Dẽ wã yĩnga, kɩt-y tɩ y dũni ka yalẽ wã ki. Yaa yoobo, tʋʋm-rẽgdo, wẽng maaneg ratem, datem wẽnse, la rat-wʋsgo, sẽn yaa wa wẽn-naands pʋʋsgo.

Ebre rãmba 13:5

Bɩ y mao tɩ da yɩ ligdã nonglem n kɩtd tɩ yãmb maand y sẽn maandã ye. Maan-y sũ-noog ne bũmb nins y sẽn tar moasã wã, bala Wẽnnaam meng yeelame yaa: Mam ka na n bas foom f yembr ye, la m ka na n loog n bas foom ye.

Zozuwe 7:21

Mam gesa te-zɛɛdmã pʋga, n yãnd Mezopotami kobr sẽn yaa neer wʋsgo, n paas ne wanzuri ligd kobs-yi, ne sãnem-giulg sẽn kolg kɩlo a yembre. B bõnã yõka maam wʋsgo, la m dɩk-b lame. B bee bok pʋga, mam fu-roogẽ wã, tɩ wanzuri wã be tẽngre.»

1 Sãmwɛlle 12:3

Ad-m sẽn yase! Leok-y maam Sẽn-Ka-Saab ne rĩm ning bãmb sẽn yãkã taoore, tɩ b yɩ kaset rãmba. Ãnda naaf la m deeg yã? Ãnda bõang la m deeg yã? Ãnda la m maan pãnga? Ãnda la m nams yã? Ãnda kũun la m deeg yã, n mum m nin n kao a soab bʋʋd kegre? Bɩ y togs tɩ m bao n lebs a soaba.»

1 Sãmwɛlle 15:19

La yaa bõe tɩ fo ka sak Sẽn-Ka-Saab noore? Yaa bõe tɩ f zoe n bir paoongã, n maan sẽn yaa wẽng n beeg Sẽn-Ka-Saabo?»