Yikri 20:11 - WẼNNAAM SEBRE 2014

¹¹ Bala, yaa rasem a yoobã pʋgẽ, la Sẽn-Ka-Saab naan yĩngr la tẽngã, la ko-kãsengã ne bũmb nins fãa sẽn be b pʋsã. La rasem a yopoe wã daare, bãmb vʋʋsame. Yaa rẽ n kɩt tɩ Sẽn-Ka-Saab ning vʋʋsg daarã bark n kɩt t'a yɩ daar sẽn welg toore.

SEBR SÕNGO

¹¹ Yɩɩ dasem a yoob pʋgẽ la Wẽnnaam naan yĩngr la tẽnga, la mogre la bũmb niyns fãa sẽn be b pʋgẽ. B vʋʋsa daar a yopoe soaba, yaa rẽ yĩng la Wẽnnaam ning ra-kãng barka, n welg-a toore t'a ya vʋʋsg daare.

Yikri 20:11 Iomraidhean Croise

Sɩngrẽ 1:28

Wẽnnaam ning-b-la bark n yeel-ba: «Rog-y kamb n fɩɩg n pid dũniyã, la y soog-a. Soog-y zĩmã sẽn be ko-kãsengẽ wã, ne bõn-yɩgdɩ wã sẽn yɩgd yĩngrã, la y soog rũmsã sẽn vuud tẽn-gãongã zugã.»

Sɩngrẽ 1:31

Wẽnnaam yãndame tɩ bũmb nins fãa bãmb sẽn naanã sɩd yaa sõama hal wʋsgo. Zaabr la yibeoog zĩndame. Rẽndã yɩɩ rasem a yoob daarã.

Yikri 31:17

Vʋʋsg raarã na n yɩɩ bãnd maam ne Israyɛll nebã sʋk wakat sẽn ka sɛt yĩnga. Bala, Sẽn-Ka-Saab naana yĩngr la tẽngã rasem a yoob pʋgẽ, la rasem a yopoe wã daare, bãmb basa b tʋʋmã n vʋʋse.»

Yikri 8:22

La a Moyiis leokame: «Ka zems tɩ tõnd maan a woto ye. Bala, maand nins tõnd sẽn maand n kõt Sẽn-Ka-Saab sẽn yaa tõnd Wẽnnaamã yaa kisg ne Ezɩpt nebã. Tõnd sã n maan maoong sẽn yaa kisg ne Ezɩpt nebã bãmb nifẽ, b ka na n lob tõnd kug sɩda?

Yikri 9:29

La a Moyiis leoka rĩmã yaa: «Mam sã n wa n yi tẽngã, mam na n zẽka m nus n tees Sẽn-Ka-Saabo, la sa-kelemsã ne sapɩlmã na n yalsame. Woto, fo na bãng tɩ Sẽn-Ka-Saab n so dũniyã.

A Ezayi 42:10

Yɩɩl-y yɩɩn-paalg Sẽn-Ka-Saab yĩnga, yɩɩl-y n pẽg-y bãmb dũni ween-vɩɩsã fãa pʋga. Bɩ sẽn kẽnd-b ko-kãsengã zugã, la yãmb dãmb sẽn be tẽms koom sẽn gũbg pʋgẽ wã ne y nebã, pẽg-y Sẽn-Ka-Saabo!

A Ezayi 48:13

Mam meng nug n vigl dũniyã, la mam nug-rɩtg n yɛdg saagã. Mam sã n bool-ba, b naagda taab n wa mam taoore.

Tʋʋma 14:15

Daopa, yaa bõe tɩ y maand a woto? Tõnd me yaa ninsaalb wa yãmb bala. Tõnd moonda yãmb koe-noog n yet-y tɩ y bas wẽn-naan-kãens sẽn ka tar yõodã la y wẽnemd n sak Wẽnnaam ning sẽn vɩ wã la sẽn naan yĩngr la tẽngã, la ko-kãsengã ne bũmb nins fãa sẽn be a pʋgẽ wã.

Tʋʋma 20:7

Dimaas daar zaabre, tõnd dag n tigmame n na n dɩ tẽegr buri. A Poll sẽn da tog n loog vẽkembeoogã, yẽnda moona koɛɛgã ne karen-biisã n gom n kaoos halɩ n ta yʋn-sʋka.

Tʋʋma 4:24

Tẽedbã sẽn wʋm yõwã, b lagma taab n pʋʋs Wẽnnaam n yeel yaa: Zu-soaba, yãmb n naan yĩngr la tẽnga, la ko-kãsengã, la bũmb nins fãa sẽn be b pʋsẽ wã,

Yaoolem 5:15

Tẽeg-y tɩ yãmb me rag n yaa yembs Ezɩpt tẽnga. La Sẽn-Ka-Saab sẽn yaa yãmb Wẽnnaamã zẽka b nug sẽn tar pãngã n yiis yãmb beenẽ. Yaa rẽ n kɩt tɩ Sẽn-Ka-Saab sẽn yaa yãmb Wẽnnaamã yetẽ tɩ yãmb maan vʋʋsg daare.

Ebre rãmba 4:4

Bala, zĩig a yembre, Wẽnnaam goma yopoe daarã yell n yeele: La Wẽnnaam basa b tʋʋmã fãa yopoe daarã n vʋʋse.

Vẽnegre 10:6

la a wẽena ne soab ning sẽn vɩ-a zamaan woo zamaanã, sẽn naan-a yĩngr ne bũmb nins sẽn be beenẽ wã, la dũniyã ne bũmb nins sẽn be beenẽ wã, la ko-kãsengã ne bũmb nins sẽn be a pʋgẽ wã, n wẽen n yeel tɩ wakatã ka na n leb n kaoos yɛs ye.