Yikri 2:3 - WẼNNAAM SEBRE 2014

³ Yẽnda sẽn wa n ka leb n tõe n solg biigã n kaoosã, a baoo peoog sẽn maan ne rudum n bolg-a ne sũud la ne kontaale. Yẽnda rɩka biigã n sagl peoogã pʋgẽ n tɩ ning rudmã sẽn be Nill kʋɩlgã noorã sʋka.

SEBR SÕNGO

³ Biiga solgr waa n lebga toogo. A bao mo-kãdre n wʋg peoogo, n maneg n bol a pʋga ne tãn-sũudu n yaool n dɩk biigã n sagl-a pʋgẽ, n tʋk n tɩ bas kʋɩlg noor, rudum sʋka.

Yikri 2:3 Iomraidhean Croise

Sɩngrẽ 11:3

La bãmb yẽsa ne taab n yeele: «Wa-y tɩ d wẽ tãn-koɛɛma, n wʋme.» Dẽ, tãn-koɛɛma reega kug zĩiga, tɩ tan sũud reeg tãn-maas zĩig meebã yĩnga.

Sɩngrẽ 14:10

Sũud bogd wʋsg n dag n be Sidim longã pʋga, la Sodom dĩmã ne Gomoor dĩma zoeeme n tɩ lʋɩ bog-bãmb pʋse. La neb nins sẽn ket-bã zoeeme n tees tãngã sẽnẽ.

Sɩngrẽ 6:14

Dẽ wã, bɩ f bao tɩɩg raad sẽn tar pãng n maan koom koglg f mengã yĩnga. Fo tog n maana koom koglgã, t'a tar pʋse. La f bao sũud n bol a pʋgã ne a yɩngã.

Yikri 1:22

Dẽ, Faarõ yeela a nebã fãa yaa: «Kom-dibli nins fãa sẽn na n dogã bɩ y lob-b Nill kʋɩlgã pʋgẽ, la y bas kom-pugli wã fãa tɩ b vɩɩmde.»

A Ezayi 18:2

Fo sẽn tʋmd neb tɩ b kẽnd ne koom kogend sẽn maan ne tãnwĩis n pɩʋʋgd ko-kãsengã! Koe-toagsdb sẽn tʋʋle, kẽng-y buud nins neb sẽn yaa nin-wogd n tar da-sãndã nengẽ, kẽng-y neb nins b sẽn yɛɛsd hal b sɩngr wakatã nengẽ, bãmb yaa buud sẽn tar pãng n tõe n sãam fãa, la b tẽngã pɩʋʋma ne kʋɩlse.

A Ezayi 19:6

Ko-soayã koom na n põogame, Ezɩpt tẽng Nill kʋɩlgã ko-soayã koom na n yõbgame n kʋɩ, la tãnwĩisã ne rudmã na n zelgame.

A Ezayi 35:7

Rasempʋɩɩg na n lebga bãoogo, la tẽn-koɛɛng na n lebga ko-budum zĩiga. Zĩig ning sẽn dag n yaa we-baas gãag zĩigã, a na n lebga tãnwĩis ne rudum zĩiga.

A Matiye Sõng 2:13

Bãmb sẽn looge, Zu-soabã malɛɛk puka a meng ne a Zozɛf zãmsd pʋgẽ n yeel-a: Yik n dɩk biigã ne a ma n zoe n kẽng Ezɩpte. Zĩnd be hal tɩ mam leb n wa n gom ne foom. Bala, Erood na n baoo biigã, sẽn na yɩl n kʋ-a.

A Matiye Sõng 2:16

La Erood sẽn mik tɩ yam dãmbã belga yẽnda, a sũurã puuga hal wʋsgo, t'a tʋm neb Betlehɛm ne a tẽn-kɩremsã tɩ b tɩ kʋ kamb nins fãa sẽn zems yʋʋm a yiibu la sẽn ka ta woto me, sẽn zems yẽnda sẽn dag n sok yam dãmbã n bãng ãdgã sẽn puk wakat ningã wã.

Tʋʋma 7:19

Rĩm‑kãng maana sɩlem n zãmb tõnd buudã n maan tõnd yaab-rãmbã pãng n kɩt tɩ b bas b kom-peels tɩ b ki.