Yikri 2:16 - WẼNNAAM SEBRE 2014

¹⁶ Madiyã tẽng maan-kʋʋdã rag n tara kom-pugli a yopoe. La bãmb waame n na n toog koom n ning kogendẽ wã n yũnug b ba wã rũmsi.

SEBR SÕNGO

¹⁶ Madiã maan-kʋʋda yaool da tara kom-pugli a yopoe. Bãmb n wa bulgẽ wã, n na n yõng koom, n pids gaolg, n yũnug b ba piisi.

Yikri 2:16 Iomraidhean Croise

Sɩngrẽ 14:18

A Melkisedɛk sẽn yaa Salɛm dĩma kɩtame tɩ b wa ne buri la reezẽ rãam. A Melkisedɛk yaa Saasẽ-Pãng-Soab a Wẽnnaam maan-kʋʋda.

Sɩngrẽ 24:11

Yẽnda pẽnega tẽngã n kɩt tɩ yʋgma wã gãand bulg sɛɛgẽ. La rag n yaa zaabre, wakat ning pagbã sẽn yit n kẽnd n toogd koomã.

Sɩngrẽ 24:13

Ade, mam na n yalsa ko-nifã sɛɛga, la tẽngã pʋg-sadb na n yiime n wa toog koom ka.

Sɩngrẽ 29:2

La yẽnda yãnda bulg sẽn be pʋʋg pʋga, tɩ rũm-kʋʋng sul a tãab sẽn yaa rũm-bãooneg gũm bulgã sɛɛga. Bala, rag n yaa bulgẽ be la b wat n yũnugd rũmsã. La mikame tɩ kugr ninga b sẽn tar n pagd bulgã noorã yaa bedr wʋsgo.

Sɩngrẽ 41:45

Rĩm a Faarõ pʋda a Zozɛf yʋʋr t'a Safnat-Paneya, la a rɩk bi-pugl a Asnat n kõ a Zozɛf t'a maan a paga. A Asnat yaa maan-kʋʋd a Poti-Feera sẽn be Onã wã bi-pugla. Dẽ, a Zozɛf yiime n na n gilg n ges Ezɩpt soolmã.

Yikri 18:1

A Moyiis rɛɛmb a Zetro sẽn yaa Madiyã maan-kʋʋdã wʋma bũmb nins fãa Wẽnnaam sẽn maan n kõ a Moyiis ne Israyɛll dãmbã sẽn yaa bãmb nebã. Yẽnda wʋma Sẽn-Ka-Saab sẽn yiis Israyɛll nebã Ezɩpt tẽngã.

Yikri 18:12

Dẽ, a Moyiis rɛɛmb a Zetro maana maoong sẽn yõogd bugum ne maand a taab n kõ Wẽnnaam. A Aarõ ne Israyɛll kãsem-dãmbã fãa wa n lagma a Moyiis rɛɛmbã n dɩ Wẽnnaam taoore.

Yikri 3:1

A Moyiis rag n kɩɩmda a rɛɛmb a Zetro sẽn yaa Madiyã maan-kʋʋdã rũmsi. Yẽnda talla rũmsã n kẽng we-raoogã wã n ta Horɛɛbe, Wẽnnaam tãngẽ wã.

1 Sãmwɛlle 9:11

Bãmb sẽn wa n kẽed tẽngã pʋgẽ, b yãnda kom-pugli sẽn yi tẽngã n dabd n na n tɩ toog koom. La b sok-b lame yaa: «Yaa ka la yãtã sẽn be wã bɩ?»