Yikri 2:11 - WẼNNAAM SEBRE 2014

¹¹ Wakat-kãnga, a Moyiis sẽn wa n lebg bi-kãsenga, a yiime n kẽng n na n tɩ ges a saam-biisã, la a yãnda tʋʋm-wɛglã b sẽn tʋmdã. Yẽnda yãnda Ezɩpt ned a yembr sẽn pãbd Ebre ned sẽn yaa yẽnda saam-biiga.

SEBR SÕNGO

¹¹ Sẽn waa n beẽ, n beẽ, a Moyiiz yiime na n kaaga a saam-biisã. A yãee tʋʋm tood niyns b sẽn da tʋmna; a yãee Ezipt dao a ye sẽn pãbd a saam-biiga.

Yikri 2:11 Iomraidhean Croise

Yikri 1:11

Dẽ, b yãka yembd tʋʋm taoor dãmba, sẽn na n yɩlẽ tɩ b modg Israyɛll nebã n kɩt tɩ b tʋm tʋʋm-wɛgla. Yɩɩ woto tɩ b me teed bĩngr tẽmse, Faarõ yĩnga: Yaa Pitom ne Ramsɛɛse.

Yikri 3:7

Sẽn-Ka-Saab yeelame yaa: «Sɩdã, mam yãnda m nebã sẽn be Ezɩptã namsgã. Mam wʋma bãmb kelemsã, tʋʋm-soaadbã sẽn namsd bãmb tɩ b kelemdẽ wã. N-yẽe! Mam mii toog ning sẽn tar bãmbã.

Yikri 5:14

Faarõ tʋʋm-soaadbã tol n pãba neb nins bãmb sẽn dag n yãk Israyɛll nebã sʋk tɩ b yaa seb-gʋndbã, n sok bãmb tɩ yaa bõe tɩ bãmb ka sak n wẽ tãn-koɛɛmã zaamẽ ne rũndã tɩ b sõorã ta wa b sẽn dag n mi n maand raasenkamã?

Yikri 5:4

La Ezɩpt rĩmã yeela bãmb yaa: «Moyiis ne a Aarõ, yaa bõe tɩ yãmb dat n kɩt tɩ nebã bas b tʋʋmã? Kẽng-y n tɩ maan-y y tʋʋm-wɛglã!»

Yikri 5:5

Faarõ yeelame: «Tẽngã nin-kãensã sẽn lebg wʋsg moasã wã la yãmb dat n kɩt tɩ bãmb bas b tʋʋm-wɛglã?»

Yikri 5:9

Paas-y nin-bãmbã tʋʋmã, tɩ b ra leb n paam vɩʋʋg n kelg zĩrẽ goam ye!»

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

A Ezayi 58:6

Ad no-loeer ning buud sẽn tat mam yam: Logs-y wẽng maaneg loetsã, yiis-y yembsã b yembdã pʋga, kõ-y neb nins b sẽn namsdã lohorem, la y kao b sẽn balg b rãmbã fãa balgrã.

A Matiye Sõng 11:28

Bɩ y wa mam nengẽ yãmb‑dãmb fãa sẽn yɛ, la sẽn tʋk zɩɩb sẽn yaa zɩsgo, la mam na n kõo yãmb vʋʋsgo.

A Luk Sõng 4:18

«Zu-soabã Sɩɩg bee mam zugu, bala, b kõ maam pãng tɩ m togs koe-noogã naong rãmb sʋka. Bãmb tʋma maam tɩ m tɩ moon yembsã yolsg koɛɛga, la m moon n togs zoensã, tɩ b na n leb n paama b nini, la m kɩt tɩ neb nins b sẽn namsdã loog ne lohorem,