Yikri 19:6 - WẼNNAAM SEBRE 2014

⁶ La sã n yaa ne yãmba, yãmb soolmã na n yɩɩ maan-kʋʋdb soolem, la buud sẽn welg toor mam yĩnga. Togs Israyɛll nebã a woto.› »

SEBR SÕNGO

⁶ M na ges-y wa maan-kʋʋdb buudu, wala buud sẽn welg toor mam yĩnga. Yaa woto la f na n togs Israyɛl kamba.»

Yikri 19:6 Iomraidhean Croise

1 Rĩm-dãmbã 3:8

Rẽ wã, yãmb tʋmtʋmdã bee yãmb nebã y sẽn yãkã sʋka. La b yaa wʋsgo, tɩ ned ka tõe n bãng b sõore, wall a sõd-b n sɛ ye.

1 Rĩm-dãmbã 8:53

Wẽnnaam Sẽn-Ka-Saabo, yãmb welga Israyɛll nebã toor ne dũniyã neb a taabã, n kɩt tɩ b lebg yãmb pʋɩɩre, wa yãmb sẽn dag n yeel y tʋmtʋmd a Moyiis wakat ning yãmb sẽn yiis tõnd yaab-rãmbã Ezɩpt tẽngã.»

1 Kibayã 17:22

Yãmb kɩtame tɩ Israyɛll nebã lebg yãmb neb wakat fãa yĩnga, tɩ yãmb a Sẽn-Ka-Saab lebg bãmb Wẽnnaam.

Yɩɩn‑sõamyã 114:2

Zʋʋda lebga Sẽn-Ka-Saab zĩ-sõngo, tɩ Israyɛll lebg bãmb soolem.

Yikri 15:26

Sẽn-Ka-Saab yeelame: «Yãmb sã n sak Sẽn-Ka-Saab sẽn yaa yãmb Wẽnnaamã koɛɛg neere, yãmb sã n maan sẽn tat bãmb yam, yãmb sã n yok y tʋb n kelg bãmb noyã, la y sã n sak bãmb no-tũudsã fãa, mam kõn lobg yãmb ne bãas nins fãa mam sẽn lobg Ezɩpt nebã ba a yembr ye. Bala, mam yaa Sẽn-Ka-Saab sẽn maagd yãmba.»

Yikri 28:36

Maan rĩ-tɛɛg ne sãnem halaale, la f gʋls a zugã ne kɩtga tɩ yɩ wa bãnde. A gʋlsmã na n yɩɩ woto: Welga toor Sẽn-Ka-Saab yĩnga.

A Ezayi 43:4

Fo sẽn tar yõod mam nifẽ wã yĩnga, b sẽn waoog foomã, la mam sẽn nong-fã yĩnga, mam dɩka neb n kɩs fo zĩigẽ, n dɩk buud n yao fo vɩɩmã yĩnga.

A Ezayi 61:6

La yãmba, b na n boola yãmb tɩ ‹Sẽn-Ka-Saab maan-kʋʋdba›, tɩ ‹tõnd Wẽnnaamã tʋmtʋmdba.› Yãmb na n dɩɩ buud a taabã arzegse, la yãmb na n yeelga bãmb ziirã.

A Ezayi 62:12

B na n boola bãmb tɩ ‹bu-sõngo›, la ‹Sẽn-Ka-Saab sẽn fãag-b rãmbã.› La foom a Zeruzalɛm, b na n boola foom tɩ ‹b sẽn bao a soaba, la tẽng ning b sẽn ka base.› »

A Ezayi 66:21

Sẽn-Ka-Saab yetame: «Mam na n yãka maan-kʋʋdb ne Leevi neb bãmb sʋka.»

Zeremi 13:11

Mam dag n dɩka Israyɛll ne Zʋʋda buudã n sẽbg m menga, wa ned sẽn dɩk sẽbdg n sẽbg a sɛɛga, tɩ b tõe n yɩ mam neba, n lebg mam zu-zẽkr ne m pẽgr la m ziiri, la bãmb ka kelg ye. Maam a Sẽn-Ka-Saab n yeele.»

Zeremi 2:3

Israyɛll nebã, yãmb dag n yaa neb sẽn welg toor Sẽn-Ka-Saab yĩng wa bɩle dẽenem biisi. Ned ning fãa sẽn sɩɩs-a yãmb rogenda taal a meng zugu, la toog na n paama a soaba. Maam a Sẽn-Ka-Saab n yeele.› »

Zeremi 7:23

Ad mam sẽn kõ bãmb noor ninga: «Sak m koɛɛgã tɩ m na n yɩɩ yãmb Wẽnnaam, tɩ yãmb yɩ mam nebã. Sak-y n maan-y bũmb nins fãa mam sẽn yeel bãmb tɩ y maanã tɩ y vɩɩm yɩ noogo.»

Maan‑kʋʋre 19:2

«Gom ne Israyɛll nin-buiidã n yeel-b yaa: Yɩ-y pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba.

Maan‑kʋʋre 20:24

Mam yeela yãmb tɩ yaa yãmb n na n deeg tẽngã n sooge. Mam mengã n na n kõ yãmb tẽngã tɩ y sooge. Beenẽ yaa tẽng sẽn tar bĩisim ne sɩɩdo. Bala, mam yaa Sẽn-Ka-Saab sẽn yaa yãmb Wẽnnaam sẽn welg yãmb toor buud a taabã sʋka.

Maan‑kʋʋre 20:26

Yãmb tog n yɩɩ pʋ-peelem dãmb mam yĩnga, bala, maam a Sẽn-Ka-Saab yaa pʋ-peelem soaba. Mam welga yãmb toor buud a taabã sʋka, tɩ yãmb tõe n yɩ mam dẽnda.

Maan‑kʋʋre 21:23

La bũmb sẽn be yaa tɩ yẽnda ka tog n kolg fu-lillidgã, wall a kolg tẽn-kugrã ye. Yẽnda sẽn tar zang a yĩngẽ wã yĩnga. Bɩ yẽnda ra maan n paoog mam zĩ-sõngã ye. Bala, mam yaa Sẽn-Ka-Saab sẽn welg bãmb toore.»

A Amoose 3:2

Dũniyã buud fãa sʋka, yaa yãmb bal la mam yãk yã. Yaa rẽ yĩng n kɩte, tɩ mam na n sok yãmb tʋʋm-beed nins fãa yãmb sẽn maanã võore

A Aaze 2:5

Yãmb sẽn wa n yit Ezɩpt tẽngã, mam kõo yãmb m gomdã ne m sɩɩgã sẽn be yãmb sʋkã. Da zoe-y rabeem ye!»

Sõadga 16:3

Dẽ, bãmb tɩ tigma taab n zab ne a Moyiis la a Aarõ n yeele: «Tõnd yamã yii ne yãmb manesmã! Bala, nebã fãa welga toor Sẽn-Ka-Saab yĩnga, la Sẽn-Ka-Saab bee bãmb sʋka. La bõe yĩng tɩ yãmb zẽkd y mens wa yãmb yɩɩda neb a taabã?»

Rom Dãmba 12:1

Woto yĩnga, m ba-biisi, mam sagenda yãmb ne Wẽnnaam nimbãan-zoeerã tɩ y kõ y yĩnsã tɩ yɩ maan-vɩɩs sẽn welg toore, la sẽn tat Wẽnnaam yam. Yãmb sã n maan a woto, na n yɩɩ kaoreng sẽn zemse.

1 Korẽnt rãmba 3:17

Ned sã n sãam Wẽnnaam doogã, Wẽnnaam na n sãama a soaba. Bala, Wẽnnaam doogã welga toore, la yaa yãmb la ro-kãngã.

Yaoolem 14:21

Da rɩ-y rũng sẽn ki a toor ye. Rɩk-y-yã-a n kõ sãamb nins sẽn be yãmb tẽngã pʋgẽ wã tɩ b rɩ, ka rẽ bɩ y koos-a ne sãambã. Bala, yãmb yaa buud sẽn welg toor Sẽn-Ka-Saab sẽn yaa yãmb Wẽnnaamã yĩnga. Da rʋg-y bull a ma bĩisim pʋg ye.

Yaoolem 26:19

Dẽ, bãmb na n zẽka yãmb n kõ yãmb waoogre, la b kɩt tɩ y yʋʋr yi, la b kõ yãmb ziir n yɩɩg buud a taabã fãa bãmb sẽn naanã, tɩ yãmb tõe n lebg neb sẽn welg toor Sẽn-Ka-Saab sẽn yaa yãmb Wẽnnaamã yĩnga, wa b sẽn dag n yeel yãmbã.

Yaoolem 28:9

Yãmb sã n sak Sẽn-Ka-Saab tõodã la y tũ bãmb sorã, bãmb na n welga yãmb toor b meng yĩng wa b sẽn dag n wẽen n yeel yãmbã.

Yaoolem 7:6

Bala, yãmb yaa buud sẽn welg toor Sẽn-Ka-Saab sẽn yaa yãmb Wẽnnaamã yĩnga. Sẽn-Ka-Saab sẽn yaa yãmb Wẽnnaamã yãka yãmb buud nins sẽn be tẽngã zugã sʋk tɩ y yɩ bãmb nebã.

1Tesalonik Rãmba 5:27

Mam bõosda yãmb ne Zu-soabã yʋʋr tɩ y karem seb-kãngã tɩ ba-biisã fãa wʋme.

1 Pɩyɛɛr 2:5

La yãmb mens sẽn wẽnd kug-vɩɩsã, me-y y mens tɩ yɩ Sɩɩg-sõng roogo, la maan-kʋʋdb sẽn yaa sõama, n kõt Wẽnnaam maoong sẽn yaa Sɩɩg-sõng rẽnda, sẽn tat Wẽnnaam yam a Zeezi Kiris maasem yĩnga.

1 Pɩyɛɛr 2:9

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

Vẽnegre 1:6

n yiis d yel-wẽnã, n maan tõnd tɩ d lebg soolem maan-kʋʋdb bãmb ba a Wẽnnaam yĩngã, bãmb n tog ne ziiri la pãng zamaan woo zamaane! Ãmina!

Vẽnegre 20:6

Neb nins sẽn naag n paam dẽenem vʋʋgrã tara bark la sõmblem. Kũum a yiib soabã ka tar b tʋʋmd ye. Bãmb na n yɩɩ Wẽnnaam ne Kirisã maan-kʋʋdba, la b na n dɩɩ naam ne Kirisã yʋʋm tusri.

Vẽnegre 5:10

Yãmb kɩtame tɩ bãmb lebg soolem la maan-kʋʋdb tõnd Wẽnnaamã yĩnga, la bãmb na n dɩɩ naam dũni zugu.