Yikri 19:5 - WẼNNAAM SEBRE 2014

⁵ Moasã, yãmb sã n kelg mam koɛɛgã, la y sak kaool ning mam sẽn maan ne yãmbã, yãmb na n lebga mam mengã paoong buudã fãa sʋka. Bala, dũniyã fãa yaa maam n so.

SEBR SÕNGO

⁵ Marsã, yãmb sã n deeg m noore, y sa n sak m zoodã, m na ges-y wala m kamba, dũni wã pʋgẽ, la dũni wã, maam n so-a zãnga.

Yikri 19:5 Iomraidhean Croise

Sɩngrẽ 17:9

La Wẽnnaam yeela a Abrahaam yaa: «Sã n yaa ne foom, kell n tall mam kaoolã, la bɩ foom ne f yagensã sẽn na n pʋgl foom n wa wã sak kaool ninga mam sẽn viglã, zamaan woo zamaane.

1 Rĩm-dãmbã 8:53

Wẽnnaam Sẽn-Ka-Saabo, yãmb welga Israyɛll nebã toor ne dũniyã neb a taabã, n kɩt tɩ b lebg yãmb pʋɩɩre, wa yãmb sẽn dag n yeel y tʋmtʋmd a Moyiis wakat ning yãmb sẽn yiis tõnd yaab-rãmbã Ezɩpt tẽngã.»

1 Kibayã 17:22

Yãmb kɩtame tɩ Israyɛll nebã lebg yãmb neb wakat fãa yĩnga, tɩ yãmb a Sẽn-Ka-Saab lebg bãmb Wẽnnaam.

A. Zoobe 41:11

Bug-witim n yit a noorẽ wã. Bug-pãars n yit beenẽ n zẽkdẽ.

A. Zoobe 41:3

Ãnda soab n peng maam tɩ m tog n lebs-a? Bũmb nins fãa sẽn be tẽng zugã yaa maam n so.

Yɩɩn‑sõamyã 135:4

Bala, Sẽn-Ka-Saab yãka a Zakoobe, tɩ Israyɛll lebg bãmb dẽnda.

Yɩɩn‑sõamyã 24:1

A Davɩɩd yɩɩlle. Sẽn-Ka-Saab n so dũniyã ne bũmb nins fãa sẽn be a pʋgã, bãmb n so dũniyã ne a nebã fãa.

Yɩɩn‑sõamyã 25:10

Sẽn-Ka-Saab soayã fãa yaa nonglem ne sɩda, neb nins sẽn sakd bãmb kaoolã ne b tʋlsmã yĩnga.

Yikri 15:26

Sẽn-Ka-Saab yeelame: «Yãmb sã n sak Sẽn-Ka-Saab sẽn yaa yãmb Wẽnnaamã koɛɛg neere, yãmb sã n maan sẽn tat bãmb yam, yãmb sã n yok y tʋb n kelg bãmb noyã, la y sã n sak bãmb no-tũudsã fãa, mam kõn lobg yãmb ne bãas nins fãa mam sẽn lobg Ezɩpt nebã ba a yembr ye. Bala, mam yaa Sẽn-Ka-Saab sẽn maagd yãmba.»

Yikri 23:22

Fo sã n sak yẽnda koɛɛgã neere, n sak bũmb nins fãa mam sẽn yeelã, mam na n lebga fo bɛɛbã bɛ, la mam na n namsa neb nins sẽn namsd foomã.

Yikri 24:7

Rẽ, yẽnda rɩka kaoolã sebr n karem tɩ nebã kelge. La nebã yeelame: «Tõnd na n sak n maana bũmb nins fãa Sẽn-Ka-Saab sẽn yeel tõndã.»

Yikri 34:9

La yẽnda yeelame: «M Zu-soaba, yãmb sã n nonga maam, baa nebã sũyã sã n yaa kegemse, mam kotame tɩ y yãag tõndo. La y kõ tõnd sugr d kongrã ne d yel-wẽnã yĩnga. La tõnd na n yɩɩ yãmb dẽnda.»

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

Yikri 8:22

La a Moyiis leokame: «Ka zems tɩ tõnd maan a woto ye. Bala, maand nins tõnd sẽn maand n kõt Sẽn-Ka-Saab sẽn yaa tõnd Wẽnnaamã yaa kisg ne Ezɩpt nebã. Tõnd sã n maan maoong sẽn yaa kisg ne Ezɩpt nebã bãmb nifẽ, b ka na n lob tõnd kug sɩda?

Yikri 9:29

La a Moyiis leoka rĩmã yaa: «Mam sã n wa n yi tẽngã, mam na n zẽka m nus n tees Sẽn-Ka-Saabo, la sa-kelemsã ne sapɩlmã na n yalsame. Woto, fo na bãng tɩ Sẽn-Ka-Saab n so dũniyã.

A Salmo yɩɩla 8:12

Mam reezẽ tɩɩs pʋʋg ning mam sẽn tarã bee mam taoore. Wanzuri ligd-koeem tusrã yaa foom a Salmo n so, la ligd-koeems kobessi wã yaa reezẽ tɩɩs gũudb n so.

A Ezayi 1:19

Yãmb sã n sak n kelg maam, yãmb na n dɩɩ tẽngã bõn-sõamyã fãa.

A Ezayi 41:8

La foom a Israyɛll sẽn yaa mam tʋmtʋmdã, foom a Zakoob mam sẽn yãkã, fo yaa mam zoa a Abrahaam yagenga!

A Ezayi 43:1

Moasã, Sẽn-Ka-Saab sẽn yaa soab ning sẽn naan-a foom a Zakoobã, sẽn naan-a foom a Israyɛllã yetame: «Da zoe rabeem ye. Bala, mam fãagda foom. Mam boonda foom ne f yʋʋre, fo yaa maam dẽnda!

A Ezayi 56:4

Bala, Sẽn-Ka-Saab yetame: Zu-soben-dãmb nins sẽn sakd mam vʋʋsg rayã, n yãk yam n maand sẽn noom maamã, la b yalsd kãenkãe mam kaoolã pʋgẽ wã,

Zeremi 10:16

A Zakoob yagensã Wẽnnaam ka woto ye. Bala, bãmb n yaa bũmb fãa naanda, la bãmb yãka Israyɛll buudã n maan b nebã. Bãmb yʋʋr la Saasẽ-Pãng-Soaba.

Zeremi 13:11

Mam dag n dɩka Israyɛll ne Zʋʋda buudã n sẽbg m menga, wa ned sẽn dɩk sẽbdg n sẽbg a sɛɛga, tɩ b tõe n yɩ mam neba, n lebg mam zu-zẽkr ne m pẽgr la m ziiri, la bãmb ka kelg ye. Maam a Sẽn-Ka-Saab n yeele.»

Zeremi 7:23

Ad mam sẽn kõ bãmb noor ninga: «Sak m koɛɛgã tɩ m na n yɩɩ yãmb Wẽnnaam, tɩ yãmb yɩ mam nebã. Sak-y n maan-y bũmb nins fãa mam sẽn yeel bãmb tɩ y maanã tɩ y vɩɩm yɩ noogo.»

Ezekiyɛl 16:8

Mam wa n loogda fo sɛɛgẽ, la m gesa foom n mik tɩ f wakatã taame, yaa nonglmã wakate. Mam tẽega m fuugã noor n lud fo yãndã, n wẽen ne foom, la m maan kaool ne foom. Woto, fo lebga maam n so. Maam a Zu-soab a Sẽn-Ka-Saab n yeele.»

Maan‑kʋʋre 20:24

Mam yeela yãmb tɩ yaa yãmb n na n deeg tẽngã n sooge. Mam mengã n na n kõ yãmb tẽngã tɩ y sooge. Beenẽ yaa tẽng sẽn tar bĩisim ne sɩɩdo. Bala, mam yaa Sẽn-Ka-Saab sẽn yaa yãmb Wẽnnaam sẽn welg yãmb toor buud a taabã sʋka.

A Amoose 3:2

Dũniyã buud fãa sʋka, yaa yãmb bal la mam yãk yã. Yaa rẽ yĩng n kɩte, tɩ mam na n sok yãmb tʋʋm-beed nins fãa yãmb sẽn maanã võore

A Amoose 6:1

Sẽn vɩ-b Sɩyõ tẽngã pʋg ne bãanã na n paama toogo! Sẽn be-b Samaari tãngã zug tɩ b sũur keemẽ wã, ne tẽn-kãsengã nin-kãsems Israyɛll nebã sẽn kẽnd-b rãmb nengẽ wã na n paama toogo!

Malasi 3:17

Maam a Saasẽ-Pãng-Soabã yetame: Bãmb na n yɩɩ mam dẽnda, b na n yɩɩ mam mengã soolem, daar ning mam sẽn segendã yĩnga. Mam na n zoee bãmb nimbãanega, wa ned sẽn zoet a biig sẽn sakd-a nimbãanegã.

1 Korẽnt rãmba 10:26

Bala, tẽngã yaa Zu-soabã n so, la bũmb nins fãa sẽn be a pʋgẽ wã me, yaa bãmb n so.

1 Korẽnt rãmba 10:28

La ned sã n yeel yãmb tɩ: Yõwã yɩɩ maoongo, bɩ y ra rɩ, [soab ning sẽn pĩnd n wilg yãmbã yĩnga,] la sũur yĩng me.

Yaoolem 10:14

Gese, yaa Sẽn-Ka-Saab sẽn yaa yãmb Wẽnnaamã n so saasã ne saasã saase, la dũniyã ne bũmb nins fãa sẽn be a pʋgẽ wã.

Yaoolem 11:27

Yãmb sã n sak Sẽn-Ka-Saab sẽn yaa yãmb Wẽnnaamã tõod nins mam sẽn kõt yãmb dũndã wã, a na n yɩɩ bark yãmb yĩnga.

Yaoolem 14:2

Bala, yãmb yaa neb sẽn welg toor Sẽn-Ka-Saab sẽn yaa yãmb Wẽnnaamã yĩnga. Sẽn-Ka-Saab sẽn yaa yãmb Wẽnnaamã yãka yãmb buud nins sẽn be tẽng zugã sʋk n maan b meng nebã.

Yaoolem 14:21

Da rɩ-y rũng sẽn ki a toor ye. Rɩk-y-yã-a n kõ sãamb nins sẽn be yãmb tẽngã pʋgẽ wã tɩ b rɩ, ka rẽ bɩ y koos-a ne sãambã. Bala, yãmb yaa buud sẽn welg toor Sẽn-Ka-Saab sẽn yaa yãmb Wẽnnaamã yĩnga. Da rʋg-y bull a ma bĩisim pʋg ye.

Yaoolem 26:18

La Sẽn-Ka-Saab me maana kaool ne yãmb rũndã, n yeel tɩ yãmb yaa bãmb nebã, wa b sẽn dag n yeel yãmbã, la y sak bãmb tõodã fãa.

Yaoolem 26:19

Dẽ, bãmb na n zẽka yãmb n kõ yãmb waoogre, la b kɩt tɩ y yʋʋr yi, la b kõ yãmb ziir n yɩɩg buud a taabã fãa bãmb sẽn naanã, tɩ yãmb tõe n lebg neb sẽn welg toor Sẽn-Ka-Saab sẽn yaa yãmb Wẽnnaamã yĩnga, wa b sẽn dag n yeel yãmbã.

Yaoolem 28:1

Yãmb sã n sɩd kelg Sẽn-Ka-Saab sẽn yaa yãmb Wẽnnaamã koɛɛgã n gũus y mens n sak tõod nins mam sẽn kõ yãmb rũndã wã, Sẽn-Ka-Saab sẽn yaa yãmb Wẽnnaamã na n zẽka yãmb tɩ y yɩɩg buud a taabã fãa sẽn be dũniyã zugã.

Yaoolem 28:9

Yãmb sã n sak Sẽn-Ka-Saab tõodã la y tũ bãmb sorã, bãmb na n welga yãmb toor b meng yĩng wa b sẽn dag n wẽen n yeel yãmbã.

Yaoolem 4:20

La yãmba, Sẽn-Ka-Saab yiisa yãmb Ezɩpt tẽngã sẽn wẽnd wʋng sẽn yẽnegd kutã pʋga, tɩ y lebg bãmb meng neb wa y sẽn yaa bũmb ning rũndã wã.

Yaoolem 5:2

Sẽn-Ka-Saab sẽn yaa tõnd Wẽnnaamã maana kaool ne tõnd Horɛɛb tãngã zugu.

Yaoolem 7:6

Bala, yãmb yaa buud sẽn welg toor Sẽn-Ka-Saab sẽn yaa yãmb Wẽnnaamã yĩnga. Sẽn-Ka-Saab sẽn yaa yãmb Wẽnnaamã yãka yãmb buud nins sẽn be tẽngã zugã sʋk tɩ y yɩ bãmb nebã.

Yaoolem 9:29

Bãmb yaa yãmb mengã nebã, n yaa yãmb soolem y sẽn yiis Ezɩpt tẽng ne y pãn-kãsenga, la ne yãmb nugã sẽn tẽegã pãnga.

A Titi 2:14

A Zeezi Kiris kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõamyã maanego.

Ebre rãmba 11:8

Yaa ne tẽeb la a Abrahaam sak Wẽnd boolle, n yi n tees tẽng ning Wẽnnaam sẽn na n kõ-a t'a soogã. La a yiime n da ka mi a sẽn dabdẽ ye.

Ebre rãmba 8:9

Ka na n yɩ wa kaool ning mam sẽn dag n maan ne b ba-rãmbã, daar ning bãmb sẽn gãd b nus n tall-b n yiis Ezɩptã ye. Zu-soabã yeelame yaa: Bãmb mensã sẽn ka modg ne mam kaoolã, mam me ka ges b yell ye.

Zozuwe 24:24

Nebã leb n yeela a Zozoe yaa: «Tõnd na n tũu Sẽn-Ka-Saab sẽn yaa tõnd Wẽnnaamã la d sak bãmb sẽn yeelã.»

1 Pɩyɛɛr 2:9

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

1 Sãmwɛlle 15:22

A Sãmwɛll yeelame: «Dẽ yĩnga, maand sẽn yõogd bugum ne maand a taab nooma Sẽn-Ka-Saab sũur n yɩɩd bãmb goamã sakr sɩda? Gese! Sakr yɩɩda maando, la kelgr yɩɩda pe-raad kaam.