Yikri 19:19 - WẼNNAAM SEBRE 2014

¹⁹ Baorgã peebg rãamd rag n paasdame. A Moyiis gomdame tɩ Wẽnnaam leokd yẽnda ne sa-kɛlenga.

SEBR SÕNGO

¹⁹ Tõntõoga bʋʋra ra yãngdame n paasdẽ; a Moyiiz ra gomdame tɩ Soaala-Wẽnd leokd-a ne sa-tãse.

Yikri 19:19 Iomraidhean Croise

A Neemi 9:13

Yãmb yii saasẽ n sig Sinayi tãngã zug n gom ne bãmba. Yãmb kõo bãmb no-tũuds sẽn yaa tɩrse, la y kõ-b zãmsg sẽn yaa sɩda, la tõod sẽn yaa tɩrse, ne minind sẽn zems zãnga.

Yɩɩn‑sõamyã 81:7

Mam sika zɩɩbã n bas b bãgdã, la peoog fãaga b nusẽ n lʋɩ.

Yikri 19:13

Ned ning sẽn sɩɩs-a tãngã, bɩ ned nug ra sɩɩs a soab ye. B tog n lob-a-la kug n kʋ, ka rẽ bɩ b tão-a ne pɛɛm t'a ki. Sã n yaa rũng wall ninsaala, a ka tog n leb n vɩɩmd ye. Baorgã sã n peeb n kaoose, bɩ b kolg tãngã.»

Yikri 19:16

Rasem a tãabã daare, zĩigã yẽegr wakate, sa-kelems ne sa-yãgb n zĩndi, la sawad-taok n sig tãngã zugu. Baorgã peeba ne pãnga, la neb nins fãa sẽn dag n be sikã zĩigẽ wã sɩngame n digd ne rabeem.

Sõadga 12:8

Mam gomda ne yẽnda neng ne nenga. Mam ka solgd m meng n gom ne yẽnda ye. La yaa bõe tɩ yãmb ka zoe rabeem tɩ wɩd mam tʋmtʋmd a Moyiisi?»

Yaoolem 4:36

Bãmb zĩnda saasẽ n kɩt tɩ yãmb wʋm bãmb koɛɛgã, la b zãmsa yãmba. Bãmb kɩtame tɩ y yãnd bãmb bug-kãsengã tẽng zugu, la y wʋm bãmb goam nins sẽn yi bugmã pʋgẽ wã.

Yaoolem 5:22

Gom-kãensã yaa Sẽn-Ka-Saab n gom ne yãmb nebã fãa ne koe-kãseng tãngã zugu, bugum la sawat la lik bida pʋgẽ. Bãmb ka paas gomd ye. Bãmb gʋlsa bãmb kug-wals a yiib zut n kõ maam.

Ebre rãmba 12:19

wall baorgã peebgo, wall goam sẽn yɩ ne pãng wa koɛɛg ning nebã sẽn dag n wʋm n bõos tɩ b ra leb n gom ne bãmb baa gom-bi-yendã ye.

Ebre rãmba 12:21

Bũmb nins sẽn maanã da wata ne rabeem wʋsgo, hal t'a Moyiis yeel tɩ yɛɛsg n tar yẽnda t'a rigda.