Yikri 19:17 - WẼNNAAM SEBRE 2014

¹⁷ Dẽ, a Moyiis kɩtame tɩ nebã yi b sikã zĩigẽ n seg Wẽnnaam, la bãmb yalsa tãngã pendẽ.

SEBR SÕNGO

¹⁷ A Moyiiz yiisa nebã tɩ b seg Soaala-Wẽnde la b kolga tãnga sɛɛga.

Yikri 19:17 Iomraidhean Croise

Yikri 19:13

Ned ning sẽn sɩɩs-a tãngã, bɩ ned nug ra sɩɩs a soab ye. B tog n lob-a-la kug n kʋ, ka rẽ bɩ b tão-a ne pɛɛm t'a ki. Sã n yaa rũng wall ninsaala, a ka tog n leb n vɩɩmd ye. Baorgã sã n peeb n kaoose, bɩ b kolg tãngã.»

Yikri 19:16

Rasem a tãabã daare, zĩigã yẽegr wakate, sa-kelems ne sa-yãgb n zĩndi, la sawad-taok n sig tãngã zugu. Baorgã peeba ne pãnga, la neb nins fãa sẽn dag n be sikã zĩigẽ wã sɩngame n digd ne rabeem.

Yikri 19:18

Sinayi tãngã zugu, bug-zõos n dag n yiti. Bala, Sẽn-Ka-Saab tũu bugmã n sig be. Bug-zõosã yii tãngã zug wa bugum sẽn yit wʋng pʋgẽ, la tãngã fãa rigimda wʋsgo.

Maan‑kʋʋre 9:5

Bãmb talla bũmb nins fãa a Moyiis sẽn yeelã n wa sɛk roogã noore. La nebã fãa kolgame n yals yĩngr Sẽn-Ka-Saab taoore.

Tʋʋma 7:38

La yaa yẽnda n zĩnd ne Israyɛll nebã weoogẽ wã, n dag n be ne malɛɛkã sẽn gomd ne yẽnda Sinayi tãngã. La a zĩnda ne tõnd yaab-rãmbã n deeg tõog sẽn kõt vɩɩmã n kõ yãmba.

Yaoolem 4:10

daar ning yãmb sẽn yals Sẽn-Ka-Saab sẽn yaa yãmb Wẽnnaamã taoor Horɛɛb tãngã sɛɛgã, Sẽn-Ka-Saab yeela maam yaa: «Tigim nebã f nengẽ. Mam dat n togsa bãmb mam koɛɛgã, tɩ b zãms tɩ zoe wakat ning fãa bãmb sẽn be dũniyã zugã, la b rɩk-a n zãms b kom-dibli wã.»

Yaoolem 4:11

Yãmb kolgame n yals yĩngr tãngã sɛɛga. Bugum n dag n wit tãngã zug n zẽkd n tat sa-gãongã. Rag n yaa lik ne sawad-taok la lik bida.

Yaoolem 5:5

Wakat-kãnga, mam dag n yasa Sẽn-Ka-Saab ne yãmb sʋk n na n togs yãmb bãmb goamã. Bala, rabeem dag n tara yãmb bugmã yĩnga, tɩ y ka rʋ tãngã ye. Bãmb yeelame yaa: