Yikri 19:16 - WẼNNAAM SEBRE 2014

¹⁶ Rasem a tãabã daare, zĩigã yẽegr wakate, sa-kelems ne sa-yãgb n zĩndi, la sawad-taok n sig tãngã zugu. Baorgã peeba ne pãnga, la neb nins fãa sẽn dag n be sikã zĩigẽ wã sɩngame n digd ne rabeem.

SEBR SÕNGO

¹⁶ Da-yɩten-daar yibeoogo, b yãee sawad sableg tãnga zugu. B yãee saag sẽn yãge la b wʋma a sẽn tãse. B wʋma bʋʋr sẽn sãt wʋsgo, tõntõog peebgo, tɩ ned kam fãa sɩng rigbu.

Yikri 19:16 Iomraidhean Croise

2 Sãmwɛlle 22:10

Sẽn-Ka-Saab zõnega sa-gãongã n tab n sigi, bãmb taba sawad-taok n sigi.

2 Kibayã 5:14

Sawadgã ra pida Sẽn-Ka-Saab roogã tɩ maan-kʋʋdba ra ka leb n tõe n leb n dɩk b tʋʋmã ye. Bala, Sẽn-Ka-Saab ziirã ra pida roogã.

A. Zoobe 38:25

Ãnda soab n tuk sor n kõ ko-wĩiga, la a tuk sor n kõ sa-yãgb ne sa-tãse,

Yɩɩn‑sõamyã 50:3

Tõnd Wẽnnaamã watame, la bãmb ka na n sĩnd ye. Bugum dengda bãmb taoor n dɩtẽ, tɩ sob-kãseng gũbg bãmba.

Yɩɩn‑sõamyã 77:18

Sawatã kiiga ko-bɛda, Yĩngr sa-tãsã guglmame, N-yẽe! Yãmb pɛɛmã pɩʋʋmda zĩig fãa.

Yɩɩn‑sõamyã 81:8

Fo kelma f yel-pakrã pʋga, la mam yolsa foom. Mam tũnuga sa-tãs n leok foom. Meriba koomã noore, mam maka foom n gese.

Yɩɩn‑sõamyã 97:4

Bãmb sa-yãgbã kõta dũniyã vẽenem, tẽngã yãnda sa-yãgbã n digimdi.

Yikri 19:11

Bɩ b segl b mens rasem a tãabẽ soabã yĩnga. Bala, rasem a tãabã daare, Sẽn-Ka-Saab na n siga Sinayi tãngã zug nebã fãa nifẽ.

Yikri 19:15

La yẽnda yeela nebã yaa: «Bɩ y segl y mens rasem a tãab daarã yĩnga, la y ra kolg y pagbã ye.»

Yikri 19:17

Dẽ, a Moyiis kɩtame tɩ nebã yi b sikã zĩigẽ n seg Wẽnnaam, la bãmb yalsa tãngã pendẽ.

Yikri 19:9

Dẽ, Sẽn-Ka-Saab yeela a Moyiis yaa: «Ade, mam na n waa fo nengẽ sawad-taok pʋgẽ, tɩ nebã tõe n wʋm mam sẽn wat n gomd ne foomã, n tẽ foom wakat sẽn ka sɛt yĩnga.» La a Moyiis rɩka nebã goamã n taas Sẽn-Ka-Saabo.

Yikri 20:18

Nebã fãa wʋma sa-kelemsã la b yãnd sa-yãgbã, la b wʋm baorgã peebg rãamde, la b yãnd tãngã sẽn nukd bug-zõosã. Nebã sẽn yãnd bõn-kãnga, rabeem yõka bãmb tɩ b rigda, la bãmb yalsa yɩɩga.

Yikri 20:21

Nebã yalsa yɩɩga. La a Moyiis kolga sawad-taokã, zĩig ning Wẽnnaam sẽn be wã.

Yikri 40:34

A Moyiis sẽn maan woto n sɛ, sawaodg waa n luda sɛk roogã, la Sẽn-Ka-Saab ziirã pida sɛk zĩigã.

Yikri 9:23

Dẽ, a Moyiis zẽka a dasaarã n tees yĩngri. Sẽn-Ka-Saab kɩtame tɩ sa-tãs zĩndi, n kɩt tɩ sapɩlem ni, tɩ bugum sig tẽn-gãongã zugu. Sẽn-Ka-Saab kɩtame tɩ sapɩlem ni ne pãng Ezɩpt tẽngã zugu.

Zeremi 5:22

Maam a Sẽn-Ka-Saab sokdame yaa: «Bõe yĩng tɩ y ka zoet-ma, la y ka rigd ne rabeem m taoore? Ka maam n ning bĩisrã ko-kãsengã noor t'a yɩ a toadg wakat fãa la? Baa ko-wĩisã sã n lengdẽ, b ka tar pãng ne-a ye. La baa b sã n guglumdẽ, b ka tõe n gãndg-a ye.

A Nahum 1:3

Sẽn-Ka-Saab yaa sũ-mar soaba. Bãmb pãngã yaa kãsenga. Bãmb ka basd koangd n ka sɩbg-a ye. Bãmb sã n kẽnda, sob-kãseng n yikdi.

A Matiye Sõng 24:31

Bãmb na n tʋma b malegs ne baor‑kẽeng koe-kãsenga, tɩ b tigs bãmb nin-tũusdsã sẽn be dũniyã kɩrems a naasã, hal yaang la nin‑taoore.

Yaoolem 5:5

Wakat-kãnga, mam dag n yasa Sẽn-Ka-Saab ne yãmb sʋk n na n togs yãmb bãmb goamã. Bala, rabeem dag n tara yãmb bugmã yĩnga, tɩ y ka rʋ tãngã ye. Bãmb yeelame yaa:

Ebre rãmba 12:21

Bũmb nins sẽn maanã da wata ne rabeem wʋsgo, hal t'a Moyiis yeel tɩ yɛɛsg n tar yẽnda t'a rigda.

Vẽnegre 1:10

Zu-soabã daare, Sɩɩg-sõng pida maam, la mam wʋma koe-kãseng sẽn wẽnd baorg koɛɛg m poorẽ.

Vẽnegre 11:19

B paka Wẽnnaam doogã sẽn be arzãnã, la b yãnda Wẽnnaam kãabg koglgã b roogã pʋga. Sa-yãgbo, la koeese, la sa-kelemse, la tẽn-digimdg ne sapɩlem wʋsg zĩndame.

Vẽnegre 4:1

Dẽ poore, mam gesame, la haya! Mam yãnda kʋɩleng sẽn pak arzãn pʋga. La pipi koɛɛg ning sẽn wẽnd baorg mam sẽn da wʋm t'a gomd ne maamã yeela maam yaa: Rʋ yĩngr ka, la mam na n kɩtame tɩ fo yã bũmb nins sẽn yaa tɩlɛ tɩ wa zĩndã.

Vẽnegre 4:5

Sa-yãgbo, la kelemse, la sa-kelems n yit geerẽ wã. Fɩtl-dãmb a yopoe n be geerã taoor n wit ne pãnga. Bãmb yaa Wẽnnaam sɩɩs a yopoe wã.

Vẽnegre 8:5

Malɛɛkã rɩka wisd laagã n pids-a ne tẽn-kugrã zug bugmã n lob-a tẽngã zugu. Sa-kelemse, la kelemse, la sa-yãgbo, ne tẽn-digimdg zĩndame.