Yikri 19:11 - WẼNNAAM SEBRE 2014

¹¹ Bɩ b segl b mens rasem a tãabẽ soabã yĩnga. Bala, rasem a tãabã daare, Sẽn-Ka-Saab na n siga Sinayi tãngã zug nebã fãa nifẽ.

SEBR SÕNGO

¹¹ Yeel-b tɩ b gũ-m da-yɩta tɩ da-yɩta m na n siga tãnga zugu la b fãa nif na n yãend-m lame.

Yikri 19:11 Iomraidhean Croise

Sɩngrẽ 11:5

Sẽn-Ka-Saab sigame n na n ges tẽngã ne gãosgã ninsaalbã kamb sẽn dag n metã.

A Neemi 9:13

Yãmb yii saasẽ n sig Sinayi tãngã zug n gom ne bãmba. Yãmb kõo bãmb no-tũuds sẽn yaa tɩrse, la y kõ-b zãmsg sẽn yaa sɩda, la tõod sẽn yaa tɩrse, ne minind sẽn zems zãnga.

Yɩɩn‑sõamyã 144:5

Sẽn-Ka-Saabo, kɩll-y saasã n sigi! Sɩɩs-y tãmsã tɩ bug-zõos yi b pʋsẽ!

Yɩɩn‑sõamyã 18:9

Bug-zõos rag n yita bãmb yõyẽ wã n zẽkdẽ, bug-witim n dag n yit bãmb noorẽ, bug-saal me n dag n yit be.

Yikri 19:16

Rasem a tãabã daare, zĩigã yẽegr wakate, sa-kelems ne sa-yãgb n zĩndi, la sawad-taok n sig tãngã zugu. Baorgã peeba ne pãnga, la neb nins fãa sẽn dag n be sikã zĩigẽ wã sɩngame n digd ne rabeem.

Yikri 19:18

Sinayi tãngã zugu, bug-zõos n dag n yiti. Bala, Sẽn-Ka-Saab tũu bugmã n sig be. Bug-zõosã yii tãngã zug wa bugum sẽn yit wʋng pʋgẽ, la tãngã fãa rigimda wʋsgo.

Yikri 19:20

Sẽn-Ka-Saab siga Sinayi tãngã zugu. Sẽn-Ka-Saab boola a Moyiis t'a wa tãngã zugu. La a Moyiis rʋʋ tãngã.

Yikri 24:16

La Sẽn-Ka-Saab ziir zĩnda Sinayi tãngã zugu. La sawaodgã luda Sinayi tãngã rasem a yoobe. La rasem a yopoe wã raare, Sẽn-Ka-Saab zĩnda sawaodgã pʋgẽ n bool a Moyiisi.

Yikri 24:17

Israyɛll nebã yãnda Sẽn-Ka-Saab ziirã sẽn wẽnd bug-kãseng sẽn dɩt tãngã zugu.

Yikri 3:8

Mam sigame n na n fãag bãmb Ezɩpt nebã nusẽ, la m yiis bãmb soolem-kãng pʋgẽ n tall bãmb n kẽng tẽn-sõng sẽn yaa bedr pʋgẽ. Yaa tẽng sẽn pid ne bĩisim la sɩɩd wʋsgo. Yaa tẽng ning Kana-rãmbã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã sẽn be wã.

Yikri 34:2

Segl f meng n dʋ Sinayi tãngã zug beoog zĩ-yẽegr wakate, n yals beenẽ mam taoore.

Yikri 34:5

La Sẽn-Ka-Saab siga sawaodgã pʋgẽ n yals beenẽ ne yẽnda. Yẽnda pʋʋsa ne Sẽn-Ka-Saab yʋʋre.

Sõadga 11:17

Mam na n siga beenẽ n gom ne foom. La mam na n yãka Sɩɩg ning fo sẽn tarã bilfu, n kõ bãmba, tɩ b tõe n sõng foom n zã nebã. Dẽ, fo ka na n leb n yɩ f yembr ye.

A Zã Sõng 3:13

Ned baa a yembr ka rʋ saasẽ ye, sã n ka sẽn yi-a arzãn n wa wã: ‹yaa Ninsaal Bi-riblã.›

A Zã Sõng 6:38

Bala, mam sẽn yi arzãn n sigã, ka tɩ maan m sẽn dat ye, la yaa tɩ maan sẽn tʋm-a maamã raabo.

Yaoolem 33:2

A Moyiis yeelame: Sẽn-Ka-Saab yii Sinayi n wa. Bãmb waa Seyɩɩr wa sõ-pukri, n yãg Paarã tãngã zugu. Bãmb waa b nebã sʋk ne malɛgs tus-kẽemã. Bãmb tʋm-b-la b tõogã bugum ne b nug-rɩtgo.

Yaoolem 4:10

daar ning yãmb sẽn yals Sẽn-Ka-Saab sẽn yaa yãmb Wẽnnaamã taoor Horɛɛb tãngã sɛɛgã, Sẽn-Ka-Saab yeela maam yaa: «Tigim nebã f nengẽ. Mam dat n togsa bãmb mam koɛɛgã, tɩ b zãms tɩ zoe wakat ning fãa bãmb sẽn be dũniyã zugã, la b rɩk-a n zãms b kom-dibli wã.»

Zozuwe 3:5

Dẽ, a Zozoe yeela nebã yaa: «Yɩlg-y y mense, bala beoogo, Sẽn-Ka-Saab na n maana bõn-yɛɛsds yãmb sʋka.»