Yikri 18:9 - WẼNNAAM SEBRE 2014

⁹ La a Zetro sũur yɩɩ noog wʋsg ne maan neer ning fãa Sẽn-Ka-Saab sẽn maan Israyɛll nebã, n fãag bãmb Ezɩpt rãmbã nusẽ wã.

SEBR SÕNGO

⁹ A Zetro nooga a sũuri ne Soaala-Wẽnd sẽn maan bũmb ning fãa a Israyɛl yĩnga tɩ b põs Ezipt rãmba.

Yikri 18:9 Iomraidhean Croise

A Ezayi 44:22

Mam yẽesa fo tʋʋm-beedã wa sawato, la m yiis f yel-wẽnã wa wulgu. Lebg n wa mam nengẽ, bala, maam n yaa fo fãagda.

A Ezayi 44:23

Bɩ saasẽ kaas ne sũ-noogo, bala, Sẽn-Ka-Saab tʋmame. Dũniyã zĩ-zulumsi, kils-y-yã! Tãmse, kelm-y sũ-noog kɛlenga! Kãgre, bɩ foom ne f pʋgẽ tɩɩsã me kilsi! Bala, Sẽn-Ka-Saab fãaga a Zakoob buudã, n wilg bãmb ziirã Israyɛll pʋgẽ.

A Ezayi 63:7

Mam na n tẽega Sẽn-Ka-Saab sẽn maan bũmb ning b sõmblmã pʋgã yelle. Mam na n tẽega bãmb tʋʋm-yɛɛsdsã sẽn zems pẽgrã yelle. Mam na n tẽega maan-neer ning fãa Sẽn-Ka-Saab sẽn maan tõnd yĩngã. Mam na n tẽega bãmb sõmblem-kãsengã Israyɛll buudã yĩngã. Mam na n tẽega maan-neer ning Sẽn-Ka-Saab sẽn maan Israyɛll nebã yĩngã, wa sẽn zems b nimbãan-zoeer ne b nonglem-kãsengã yelle.»

A Ezayi 66:10

Yãmb dãmb fãa sẽn nong Zeruzalɛmã, naag-y yẽnda n maan sũ-noogo, kɩdm-y Zeruzalɛm yĩnga. Yãmb dãmb sẽn dag n maand sũ-sãang yẽnda yĩngã, lagm-y yẽnda n maan sũ-noogo,

Rom Dãmba 12:10

Nong-y taab ne ba-biir nonglem. Nand-y taaba, n tagsd taab yelle.

Rom Dãmba 12:15

Maan-y sũ-noog ne neb nins sẽn maand sũ-noogo, la y yãb ne neb nins sẽn yãbda.

1 Korẽnt rãmba 12:26

Yĩngã will a yembr sã n namsdẽ, wil a taabã fãa naaga yẽnda n namsdẽ. La a yembr sã n paam waoogre, b fãa naagda yẽnda n kɩdemdẽ.

1 Sãmwɛlle 15:6

A Sayull yeela Kɛn nebã yaa: «Yi-y n zãag-y ne Amalɛk-rãmbã tɩ m da wa naag-y ne bãmb n sãam ye. Bala, yãmb maana Israyɛll nebã fãa neer wakat ning b sẽn wa n yi Ezɩptã.» La Kɛn nebã yiime n bas Amalɛk nebã.