Yikri 18:22 - WẼNNAAM SEBRE 2014

²² Bɩ nanamb-kãens kaood nebã bʋʋd wakat fãa. Sã n yaa yel-kãsemse, bɩ b tall n wa fo nengẽ, la bɩ b mens kao yel-bãoonegã bʋʋdo. Sak tɩ b sõng foom n boog f zɩɩbã.

SEBR SÕNGO

²² Bãmb na n zĩnda neba sʋka wakat fãa, n kao bʋʋdo; b na n taasa foom koe-bɛdã; sã n ya koe-bõonesã, bãmb na welg rẽnd b toore. B na naag foom n zɩ zɩɩbã t'a tiig n lebg faasga.

Yikri 18:22 Iomraidhean Croise

Esdras 7:25

La mam yeta foom a Ɛsdraas tɩ f tall yam ning fo Wẽnnaamã tõod bãngr sẽn be fo nugẽ wã, n yãk bʋ-kaoodba, ne tõodã bãngdba, tɩ b tõe n ges neb nins fãa sẽn be kʋɩlgã rʋʋnde, n mi yãmb Wẽnnaam tõodã bʋʋd kaoob yellã. La f kɩt tɩ sẽn ka mi-b tõodã bãng-ba.

Yikri 18:18

Foom ne neb nins fãa sẽn be ne foomã na n gɩmbame. Bala, tʋʋmdã yɩɩda fo pãnga. Foom f yembr ka tõe n maan yõwã ye.

Yikri 18:23

Fo sã n maan bõn-kãngã, la Wẽnnaam sã n yeel foom tɩ f maan woto wall woto, fo na n tõoga tʋʋmdã, la nin-bãmbã fãa me na n tõog n ta b zĩigẽ wã ne bãane.»

Yikri 18:26

Nanamb-kãens rag n kaooda nebã bʋʋd wakat fãa. Bãmb dag n tallda yel-kãsemsã n wat a Moyiis nengẽ, la bãmb mensã rag n kaooda yel-bãoonegã bʋʋdo.

Maan‑kʋʋre 24:11

Israyɛll bi-pugl-kãng biigã tʋʋsa Sẽn-Ka-Saab n paoog b yʋʋrã. La b tall-a lame n kẽng a Moyiis nengẽ. Bi-kãng ma wã yʋʋr boondame t'a Selomiti, n yaa a Dibri bi-pugla, n yaa Dan buudã neda.

Sõadga 11:17

Mam na n siga beenẽ n gom ne foom. La mam na n yãka Sɩɩg ning fo sẽn tarã bilfu, n kõ bãmba, tɩ b tõe n sõng foom n zã nebã. Dẽ, fo ka na n leb n yɩ f yembr ye.

Sõadga 15:33

Dẽ, bãmb talla nin-kãng n kẽng a Moyiis ne a Aarõ, la Israyɛll nebã fãa taoore.

Sõadga 27:2

Bãmb kẽnga a Moyiis ne maan-kʋʋd a Eleyazaare, ne Israyɛll buudã kãsem-dãmbã nengẽ, la nebã fãa taoor sɛk roogã noor n tɩ yeel yaa:

Sõadga 36:1

A Manaase biig a Makɩɩr biig a Galaad roogã taoor-dãmbã sẽn yaa a Zozɛf yagensã, waa a Moyiis ne Israyɛll kãsem-dãmbã nengẽ n yeel-b yaa:

Rom Dãmba 13:6

Yaa bõn-kãng yĩng me la yãmb yaood yaoodã. Bala, neb nins sẽn zãad nebã bee Wẽnnaam tʋʋmd pʋgẽ, bõn-kãng maaneg yĩnga.