Yikri 18:20 - WẼNNAAM SEBRE 2014

²⁰ Bilg bãmb Wẽnnaam no-tũudsã ne b tõodã, la f wilg bãmb sor ning bãmb sẽn tog n tũ, ne bũmb nins bãmb sẽn tog n maanã.

SEBR SÕNGO

²⁰ Zãms-b Soaala-Wẽnd noya, wilg-b sor ning b sẽn na n dɩke, wilg-b b sẽn na n maan to-to.

Yikri 18:20 Iomraidhean Croise

Yɩɩn‑sõamyã 143:8

Kɩt-y tɩ m wʋm yãmb nonglem koɛɛgã yibeoog fãa! Bala, mam dɩka m teegrã n teeg yãmba. Kɩt-y tɩ m bãng sor ning m sẽn tog n dɩke. Bala, mam geta yãmba.

Yɩɩn‑sõamyã 32:8

Sẽn-Ka-Saab yeelame: «Mam na n zãmsa foom, la m wilg foom sor ning f sẽn tog n tũ. Mam na n sagla foom, la mam nin na n bee fo zugu.

Yikri 18:16

Ned sã n tar yell ne a to, b wata mam nengẽ tɩ mam kao bʋʋdã, la m wilg Wẽnnaam no-tũudsã ne b tõodã.»

A Ezayi 30:21

Yãmb sã n dabd goabg bɩ rɩtgo, yãmb tʋbr na n wʋma koe-kãngã y poorẽ sẽn yete: «ad sorã, tu-y-yã-a.»

Zeremi 42:3

Bɩ Sẽn-Ka-Saab sẽn yaa fo Wẽnnaamã wilg tõnd d sẽn tog n kẽngẽ, la d sẽn tog n maan bũmb ninga!»

Zeremi 6:16

Ade, Sẽn-Ka-Saab yetame: «Yaas-y soayã zut n gese, Sok n bãng kʋdem-wẽndẽ soayã sẽn beẽ. Sok-y n bãng-y so-sõngã sẽn beẽ. Tũ-y so-kãng tɩ y na n vɩɩmda bãane.» La nebã yeelame: «Tõnd ka na n tũ so-kãng ye.»

Ezekiyɛl 3:17

«Ninsaala, mam kɩtame tɩ fo lebg gũud Israyɛll buudã yĩnga. Kelg gomd ning sẽn na n yi mam noorẽ wã, n keoog-b n kõ-ma.

A Miise 4:2

Buud wʋsg na n dabda beenẽ la b yetẽ: «Wa-y tɩ d rʋ Sẽn-Ka-Saab tãngã zugu, a Zakoob Wẽnnaamã roogẽ! Bãmb na n wilga tõnd b soayã, la tõnd na n tũu bãmb so-bugsã. Bala, bãmb tõogã na n yii Sɩyõ, la Sẽn-Ka-Saab gomdã na n yii Zeruzalɛm wa.

A Matiye Sõng 28:20

la y zãms bãmb tɩ b sak bũmb nins fãa mam sẽn yeel yãmb tɩ y maanã. La gese, mam bee ne yãmb wakat fãa, hal tɩ ta wakat sɛɛbo.»

A Mark Sõng 13:34

A na n yɩɩ wa rao sẽn togd sore, n bas a yir ne a tʋmtʋmdba, n wilg ned kam fãa a tʋʋmde la a yeel zag-no-gũudã t'a gũ.

Yaoolem 1:18

Woto, mam wilga yãmb wakat-kãnga, y sẽn tog n maan bũmb ninsã fãa.

Yaoolem 4:1

Moasã, Israyɛll nebã, bɩ y kelg minindã ne tõod nins mam sẽn zãmsd yãmbã, la y sak bãmb n tõog n vɩɩmde, la y kẽ tẽng ning Sẽn-Ka-Saab sẽn yaa yaab-rãmbã Wẽnnaamã sẽn kõ yãmb tɩ y soogã pʋgẽ.

Yaoolem 4:5

Ges-y-yã, mam zãmsa yãmb no-tũudsã ne noyã wa Sẽn-Ka-Saab sẽn yaa mam Wẽnnaamã sẽn kõ maam noor to-to wã, yaa sẽn na n yɩlẽ tɩ y tõe n sak bãmb tẽng ning yãmb sẽn na n tɩ kẽ n soogã pʋgẽ.

Yaoolem 5:1

A Moyiis boola Israyɛll nebã fãa n yeel-b yaa: «Israyɛll nebã, kelg-y no-tũudsã ne noy nins mam sẽn togsd yãmb dũndã wã, la y zãms bãmb n gũus la y maan wa b sẽn yeelã.

Yaoolem 5:27

Kolg n kelg bũmb nins fãa Sẽn-Ka-Saab sẽn yaa tõnd Wẽnnaamã sẽn na n yeel foomã, la fo na yaool n wa wilg tõnd bũmb nins Sẽn-Ka-Saab sẽn yaa tõnd Wẽnnaamã sẽn gom ne foomã tɩ d kelge, la d sake.

Yaoolem 7:11

Dẽ yĩnga, bɩ y gũus neer n sak tõodã la minindã ne no-tũuds nins mam sẽn kõ yãmb dũndã wã.

1Tesalonik Rãmba 4:1

Yaoolem bũmbu, m ba-biisi, yaa tɩ yãmb zãmsa tõnd nengẽ n bãng y sẽn tog n kẽn to-to n ta Wẽnnaam yam, la y pʋs n maanda a woto. Moasã, tõnd kota yãmba, n bõosd yãmb ne Zu-soab a Zeezi yʋʋr tɩ y maan neer n yɩɩd a woto.

1 Sãmwɛlle 12:23

Mam kõn tol n bas n ka pʋʋs Sẽn-Ka-Saab yãmb yĩnga, n wa beeg bãmb ye. Mam na n zãmsa yãmb sor sẽn yaa sõama, la tɩrga.