Yikri 18:12 - WẼNNAAM SEBRE 2014

¹² Dẽ, a Moyiis rɛɛmb a Zetro maana maoong sẽn yõogd bugum ne maand a taab n kõ Wẽnnaam. A Aarõ ne Israyɛll kãsem-dãmbã fãa wa n lagma a Moyiis rɛɛmbã n dɩ Wẽnnaam taoore.

SEBR SÕNGO

¹² A Zetro, a Moyiiz rɛɛmba, kʋ yũ-noog maoongo la maand a taaba. A Aarõ la a Israyɛl nin-kẽemba waa n naaga ne a Zetro tɩ b rɩ, Soaala-Wẽnd taoore.

Yikri 18:12 Iomraidhean Croise

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 26:25

La a Izak mee tẽn-kugr beenẽ n pʋʋs ne Sẽn-Ka-Saab yʋʋre. La a tilga a fu-roogã beenẽ, la yẽnda tʋmtʋmdbã tuka bulg be.

Sɩngrẽ 26:30

La a Izak maana tigr bãmb yĩnga, tɩ b rɩ, la b yũ.

Sɩngrẽ 31:54

A Zakoob maana maoong tãngã zug n bool a saam-biisã tɩ b wa naag yẽnda n dɩ. Bãmb sẽn dɩ rɩɩbã n sɛ, b gãanda tãngã zug yʋn-kãnga.

Sɩngrẽ 4:4

A Abɛll me yãka yẽnda rũm-bãoonegã kom-dẽems kẽer sẽn tar kaamã n tall n wa kõ Sẽn-Ka-Saabo. La Sẽn-Ka-Saab sũur yɩɩ noog ne a Abɛlle, la ne a kũunã.

Sɩngrẽ 43:25

Woto, bãmb segla b kũunã n gũud t'a Zozɛf sã n wa wĩntoogã bɩ b kõ-a. Bala, bãmb dag n wʋmame tɩ b gomd tɩ bãmb na n dɩɩ beenẽ.

Sɩngrẽ 8:20

A Nowe mee tẽn-kugr Sẽn-Ka-Saab yĩnga. A Nowe yãka rũm-sõama wã buud fãa, la bõn-yɩgdɩ nins fãa sẽn yaa sõama wã, n kʋ n maan maoong sẽn yõogd bugum tẽn-kugrã zug Sẽn-Ka-Saab yĩnga.

2 Sãmwɛlle 9:7

A Davɩɩd yeela yẽnda: «Da zoe rabeem ye. Mam na n maana foom neere, fo ba a Zonatã maasem yĩnga. Mam na n lebsa foom f yaab a Sayull pʋtã fãa, la fo na n naagda maam daar fãa n dɩtẽ.»

2 Kibayã 30:22

A Ezekɩyaas goamã sɩɩsa Leevi neb nins fãa sẽn dag n tar yam-yãk sõng ne Sẽn-Ka-Saabã, la bãmb kell n maana tigrã dasem a yopoe, la b maand laafɩ maand n pʋʋsd Sẽn-Ka-Saab sẽn yaa bãmb ba-rãmbã Wẽnnaam barka.

A. Zoobe 1:5

La tigrã rasem sã n wa n looge, a Zoob boonda a kambã tɩ b wa t'a yɩlg-ba. Yẽnda rag n yikda yibeoog pĩnd n maan maoong sẽn yõogd bugum biig fãa yĩnga. Bala, a Zoob rag n tagsda a woto: «Tõeeme tɩ mam kambã maana yel-wẽnde, n tʋʋs Wẽnnaam b sũyã tagsd pʋgẽ.» A Zoob rag n maanda a woto wakat fãa.

A. Zoobe 42:11

A Zoob ba-bi-raopã ne a ba-bi-pogsã fãa, la neb nins fãa sẽn dag n yaa yẽnda zo-rãmbã waa yẽnda nengẽ n wa naag-a n dɩ a zakã pʋgẽ. Bãmb yãba a Zoobe, la b bels-a, tood nins fãa Sẽn-Ka-Saab sẽn bas tɩ paam yẽnda wã yĩnga. La bãmb ned kam fãa kõ a Zoob ligd ne sãnem nugbĩnga.

A. Zoobe 42:8

Moasã, bao-y lols a yopoe ne pe-raad a yopoe, n kẽng mam tʋmtʋmd a Zoob nengẽ n tɩ maan maoong sẽn yõogd bugum y mensã yĩnga. La mam tʋmtʋmd a Zoob sã n pʋʋs maam yãmb yĩnga, mam sẽn nand-a wã yĩnga, mam na n deega a pʋʋsgã n ka maan yãmb wa sẽn zems y yalemdã ye. Bala, yãmb ka gom mam yell neer wa m tʋmtʋmd a Zoob ye.»

Yikri 18:13

Vẽkembeoogo, a Moyiis zĩndame n na n kao nebã bʋʋdo. Nebã yalsa a Moyiis taoor yibeoog hal tɩ ta zaabre.

Yikri 2:16

Madiyã tẽng maan-kʋʋdã rag n tara kom-pugli a yopoe. La bãmb waame n na n toog koom n ning kogendẽ wã n yũnug b ba wã rũmsi.

Yikri 2:20

A Rehuwɛll soka a kom-pugli wã yaa: «Nin-kãng bee yɛɛnẽ? Yaa bõe tɩ yãmb bas raoã beenẽ? Kẽng-y n tɩ bool-y-yã-a t'a wa rɩ.»

Yikri 20:24

Maan-y tãnd tẽn-kugr mam yĩnga. Yãk-y y rũm-bãoonegã ne y rũm-bɛdã n maan maand sẽn yõogd bugum ne zems-n-taar maoong a zugu. La zĩig ning fãa mam sẽn na n kɩt tɩ nebã tẽeg mam yʋʋrã yellã, mam na n waa yãmb nengẽ n wa ning yãmb zug barka.

Yikri 24:11

La bãmb ka tẽeg b nug n sãam Israyɛll kãsem-dãmbã ye. La bãmb yãnda Wẽnnaam. La bãmb dɩɩme la b yũ.

Yikri 24:5

La yẽnda yãka Israyɛll kom-bɩɩs n tʋm tɩ b tɩ maan maand sẽn yõogd bugum, la b kʋ lols n maan zems-n-taar maand n kõ Sẽn-Ka-Saabo.

Yikri 3:1

A Moyiis rag n kɩɩmda a rɛɛmb a Zetro sẽn yaa Madiyã maan-kʋʋdã rũmsi. Yẽnda talla rũmsã n kẽng we-raoogã wã n ta Horɛɛbe, Wẽnnaam tãngẽ wã.

Yikri 33:7

La a Moyiis rɩka fu-roog n yi kɛɛng n tɩ tilg n zãag ne sik zĩigã bilfu. La yẽnda pʋda a yʋʋr tɩ sɛk roogo. La neb nins fãa sẽn dag n baood Sẽn-Ka-Saabã yii sik zĩigẽ wã n kẽng sɛk roogã sẽn dag n be kɛɛngã.

A Dãniyɛlle 10:3

La hal tɩ rasem pisi la yembrã wa pidi, mam ka tol n dɩ rɩ-noogo, la m ka leems neongo, wall m fʋrg reezẽ rãam, la m ka maneg m meng ye.

Sõadga 10:29

A Moyiis yeela a rɛɛmb a Rehuyɛll sẽn yit Madiyã wã biig a Obaab yaa: «Tõnd dabda tẽng ning Sẽn-Ka-Saab sẽn dag n kãab n yeel tɩ b na n kõ-d lame wã pʋgẽ. Dẽ wã, wa tũ tõndo, tɩ d na n kɩtame tɩ f naag tõnd n paam maan-neer ning Sẽn-Ka-Saab sẽn dag n kãab Israyɛll nebã.»

A Luk Sõng 14:1

Daar a yembre, a Zeezi kẽe Fariizẽ-dãmbã naab a yembr zakẽ n na n dɩ, la Fariizẽ-dãmbã dag n gũusda bãmba.

A Luk Sõng 14:15

Neb nins sẽn dag n zĩ n dɩtẽ wã sẽn wʋm a Zeezi gom kãensã, b ned a yembr yeelame yaa: Bark bee ned ning sẽn na n naag-a n dɩ Wẽnnaam soolmẽ wã zugu!

1 Korẽnt rãmba 10:18

Ges-y neb nins sẽn yaa Israyɛll neb ne yĩng yellã: Neb nins sẽn wãbd dũms nins b sẽn tall n maan maandã nemdã, b ka tar lagem-n-taar ne tẽn-kugrã sɩda?

1 Korẽnt rãmba 10:21

Ka tõe n yũud Zu-soabã bõn-yũudlã, la y yũud zĩn-dãmbã me rẽnd ye. Yãmb ka tõe n naag n dɩt Zu-soabã dɩɩbo, la y leb n naag n dɩt zĩn-dãmb dɩɩb ye.

1 Korẽnt rãmba 10:31

Yãmb sã n dɩtẽ, wall y yũuda, wall bũmb ning fãa y sẽn maanda, maan-y fãa Wẽnnaam waoogr yĩnga.

Yaoolem 12:7

Yaa Sẽn-Ka-Saab sẽn yaa yãmb Wẽnnaamã taoor beenẽ, la y na n dɩ, tɩ yãmb ne y zagsã rãmb maan sũ-noog ne bũmb ning fãa yãmb sẽn tarã, tʋʋm nins fãa Sẽn-Ka-Saab sẽn yaa yãmb Wẽnnaamã sẽn na n ning-y bark b pʋsẽ wã.

Yaoolem 27:7

La yãmb na n maana zems-n-taar maand me beenẽ, la y zĩnd beenẽ n dɩ la y maan sũ-noog Sẽn-Ka-Saab sẽn yaa yãmb Wẽnaamã taoore.