Yikri 18:11 - WẼNNAAM SEBRE 2014

¹¹ Moasã, mam miime tɩ Sẽn-Ka-Saab yaa kãseng n yɩɩd wẽnnaam-dãmbã fãa, bala, bãmb fãaga b nebã Ezɩpt nebã nusẽ, wakat ning Ezɩpt nebã sẽn dag n maand bãmb pãngã.»

SEBR SÕNGO

¹¹ Marsã m miime tɩ Israyɛl Wẽnnaam n yɩɩd Ezipt wẽn-naandsã ne pãnga, ba wẽn-naandsa sũra sẽn waa n puug zãng ne a Israyɛl.»

Yikri 18:11 Iomraidhean Croise

1 Rĩm-dãmbã 17:24

Pʋg-kõorã yeela a Eli yaa: «Moasã, mam bãngame tɩ yãmb yaa Wẽnnaam ned meng-menga, la Sẽn-Ka-Saab goamã yãmb sẽn togsdã yaa sɩda.»

2 Rĩm-dãmba 5:15

A Naama ne a nebã fãa tũu taab n lebg n leb Wẽnnaam daoã nengẽ. La bãmb sẽn ta, a Naama yalsa Wẽnnaam dao a Eliize taoor n yeel-a yaa: «Moasã, mam bãngame tɩ dũniyã gill fãa pʋga, Wẽnnaam ka be zĩig a to tɩ sã n ka Israyɛll ye. Dẽ, mam kotame tɩ y sak n deeg kũun ning mam sẽn na n kõ yãmbã!»

1 Kibayã 16:25

Bala, Sẽn-Ka-Saab yaa kãsenga, la b zemsa ne pẽgr buud fãa, bãmb seka zoees n yɩɩd wẽnnaam-dãmbã fãa.

2 Kibayã 2:5

Sɩdã, ned ka tõe n me roog n kõ bãmb ye. Bala, saasã ne a yalmã ka tõe n deeg bãmb ye. Dẽ, mam yaa ãnda n tõe n me roog bãmb yĩnga? Mam sẽn dat bal yaa tɩ m me zĩig sẽn na yõogd tɩdar bãmb taoore.

A Neemi 9:10

Yãmb maana bãna, la bõn-yɛɛsds n sɩbg Ezɩpt rĩm a Faarõ, la y sɩbg neb nins sẽn dag n be ne yẽnda wã, ne a tẽngã nebã fãa. Bala, yãmb dag n miime tɩ b wukda b mens n namsd tõnd yaab-rãmbã, la yãmb kɩtame tɩ y yʋʋrã yi, wa a sẽn ket n yaa to-to rũndã wã.

A Neemi 9:16

La bãmba ne tõnd yaab-rãmbã wuka b mense, n kɩɩs yãmba, la b ka sak yãmb tõodã ye.

A Neemi 9:29

Yãmb keooga bãmb n yeel-b tɩ b sak yãmb tõodã. La bãmb tɩtaamã yĩnga, b ka kelg yãmb noyã ye. Bãmb kɩɩsa yãmb no-tũudsã. Yaool n yaa no-tũuds nins sẽn kõt neb nins sẽn sakd-bã vɩɩm. Bãmb yĩgsa b bãgdo, n nak b kãare, n ka sak n kelg yãmb ye.

Yɩɩn‑sõamyã 119:21

Yãmb lengda wuk-m-mens rãmbã, kãab-wẽng sẽn be b rãmb zutã, neb nins sẽn bʋdg n bas yãmb noyã.

Yɩɩn‑sõamyã 135:5

Mam mii hakɩɩk tɩ Sẽn-Ka-Saab yaa kãsenga, tɩ tõnd Zu-soabã yɩɩda wẽnnaam-dãmbã fãa.

Yɩɩn‑sõamyã 31:23

La maam, m yãgbã pʋga, mam yeelame: Yãmb diga maam n zãag ne y menga. La baoosgo, mam sẽn kelem n bool yãmb tɩ y sõng-ma, yãmb wʋma mam kosgã.

Yɩɩn‑sõamyã 95:3

Bala, Sẽn-Ka-Saab yaa Wẽnnaam-kãsenga, b yaa rĩm-kãseng n yɩɩd wẽnnaam-dãmbã fãa.

Yɩɩn‑sõamyã 97:9

Bala, yãmb a Sẽn-Ka-Saab n yaa Sẽn-Ka-To, la y soo dũniyã gill fãa, la yãmb n yɩɩd wẽnnaam-dãmbã fãa.

Yikri 1:10

Dẽ wã, wa-y tɩ d maan yam ne-ba, tɩ b ra wa fɩɩg n lebg wʋsg ye. Bala, zabr sã n yiki, b na n naaga tõnd bɛɛbã n zab ne tõndo, la b zoe n yi tẽngã.»

Yikri 1:16

Rĩmã yeela bãmb yaa: «Yãmb sã n wa rogsd Ebre nebã pagbã, yãmb sã n ges b rogmã zĩigẽ n mik tɩ bi-pɛɛlgã yaa bi-ribla, bɩ y kʋ-a, la a sã n yaa bi-pugla, bɩ y bas-a t'a vɩɩmde.»

Yikri 1:22

Dẽ, Faarõ yeela a nebã fãa yaa: «Kom-dibli nins fãa sẽn na n dogã bɩ y lob-b Nill kʋɩlgã pʋgẽ, la y bas kom-pugli wã fãa tɩ b vɩɩmde.»

Yikri 10:3

Dẽ, a Moyiis ne a Aarõ kẽnga Faarõ nengẽ n tɩ yeel-a tɩ Sẽn-Ka-Saab sẽn yaa Ebre nebã Wẽnnaamã sokdame yaa: «Fo na n zãgsame tɩ f ka na n sik f meng mam taoor hal tɩ ta dabʋre? Bas mam nebã tɩ b kẽng n tɩ waoog maam.

Yikri 12:12

Badaar yʋngo, mam na n pɩʋʋga Ezɩpt tẽngã, la m na n kʋʋ Ezɩpt kom-dẽemsã fãa kɛpɩ, sẽn sɩng ne ninsaalbã tɩ ta rũmsã, la mam na n sɩbga Ezɩpt wẽnnaam-dãmbã fãa. Mam yaa Sẽn-Ka-Saabo.

Yikri 14:18

La mam sã n paam waoogr Faarõ ne a saar-dãmbã la a wed-rʋʋdbã fãa yĩnga, Ezɩpt rãmbã na bãng tɩ mam yaa Sẽn-Ka-Saabo.»

Yikri 14:8

La Sẽn-Ka-Saab kɩtame tɩ Faarõ sẽn yaa Ezɩpt rĩmã sũur keng t'a yik n babs Israyɛll nebã. La Israyɛll nebã yaool n dag n yii ne lohorem.

Yikri 15:11

Sẽn-Ka-Saabo, wẽnnaam-dãmbã sʋka, ãnda n zem yãmba? Ãnda n tar naam ne sõmblem wa yãmba, n sek zoeese, la sẽn zems waoogre, n maand tʋʋm-kãsemse?

Yikri 5:2

La Faarõ leokame: «Sẽn-Ka-Saab yaa ãnda tɩ mam na n kelg bãmb koɛɛg n bas Israyɛll nebã tɩ b looge? Mam ka mi Sẽn-Ka-Saabo, la m ka na n bas Israyɛll nebã tɩ b loog ye!»

Yikri 5:7

«Ra leb-y n kõ-y nebã mood tɩ b wẽ tãn-koɛɛmã wa b sẽn mi n maand raasenkamã ye. Bɩ bãmb mensã kẽng n tɩ wʋke.

Sõadga 33:4

La wakat-kãng tɩ Ezɩpt nebã da mumda b kom-dẽemsã sẽn ki wã. Sẽn-Ka-Saab sɩbga Ezɩpt nebã woto n na n kao b wẽnnaam-dãmbã bʋʋdo.

A Luk Sõng 1:51

Bãmb wilga b nug pãnga. Bãmb sãeega neb nins sẽn dag n tar wuk-m-meng tagsd b sũyã pʋsẽ wã.

Zake 4:6

La bãmb kõta bark sẽn yɩɩda, bala b gʋls-sõamyã yetame yaa: Wẽnnaam kɩɩsda tɩtaam-dãmbã la b ningda sik-m-mens-rãmbã zut barka.

1 Pɩyɛɛr 5:5

Woto me, kom-bɩɩse, sak-y kãsem-dãmbã. La bɩ yãmb fãa paam sik-m-menga, yãmb ne taab sʋka. Bala, Wẽnnaam kɩɩsda wuk-m-mens rãmbã, la b ningd sik-m-mens rãmbã zut barka.

1 Sãmwɛlle 2:3

Da gom-y wuk-m-meng goam ye. Da sak-y tɩ y noor yiis tɩtaam goam ye. Bala, Sẽn-Ka-Saab yaa Wẽnnaam sẽn mi fãa. Bãmb makda nebã fãa tʋʋmã.