Yikri 17:7 - WẼNNAAM SEBRE 2014

⁷ A Moyiis pʋda zĩigã yʋʋr tɩ Masa, sẽn dat n togs tɩ ‹no-baoodem›, la Meriba, sẽn dat n togs tɩ ‹zabre.› Bala, Israyɛll nebã zaba ne Sẽn-Ka-Saabo, la b bao bãmb noor n yeele: «Rẽ yĩnga, Sẽn-Ka-Saab bee tõnd sʋk bɩ, bɩ b ka be?»

SEBR SÕNGO

⁷ B boola zĩ-kãng tɩ Masa la Meriba, fɛɛsgo la no-baoore, la rẽ yaa b sẽn bao Wẽnd noor zĩ-kãnga la b sẽn fɛɛs Soaala-Wẽnd n na n bãng b sã n beeme bɩ b sã n ka be ne bãmba.

Yikri 17:7 Iomraidhean Croise

Yɩɩn‑sõamyã 106:32

Bãmb sẽn wa n be Meriba koomã noorã, b yika Sẽn-Ka-Saab sũurã. La bãmb manesmã waa ne yell a Moyiis zugu.

Yɩɩn‑sõamyã 78:18

Bãmb maka Wẽnnaam b sũyã pʋse, n kos tɩ b rata rɩɩb sẽn tat bãmb yam.

Yɩɩn‑sõamyã 81:7

Mam sika zɩɩbã n bas b bãgdã, la peoog fãaga b nusẽ n lʋɩ.

Yɩɩn‑sõamyã 81:8

Fo kelma f yel-pakrã pʋga, la mam yolsa foom. Mam tũnuga sa-tãs n leok foom. Meriba koomã noore, mam maka foom n gese.

Yɩɩn‑sõamyã 95:8

«Ra-y keng-y y sũyã wa y yaab-rãmbã sẽn dag n yãnd mam tʋʋmã we-raoogã pʋgẽ, Meriba ne Masa n mak maam n bao mam noorã ye.

Yikri 17:2

Dẽ, nebã leb n yika zabr ne a Moyiis n yeele: «Kõ-y tõnd koom tɩ d yũ.» La a Moyiis soka bãmb yaa: «Yaa bõe tɩ yãmb zabd ne maam? Yaa bõe tɩ yãmb baood Sẽn-Ka-Saab noore?»

Yikri 34:9

La yẽnda yeelame: «M Zu-soaba, yãmb sã n nonga maam, baa nebã sũyã sã n yaa kegemse, mam kotame tɩ y yãag tõndo. La y kõ tõnd sugr d kongrã ne d yel-wẽnã yĩnga. La tõnd na n yɩɩ yãmb dẽnda.»

A Ezayi 12:6

Sɩyõ tẽng nebã, kaas-y sũ-noog ne kɩdeng kaasgo! Bala, Israyɛll Pʋ-Peelem-Soabã sẽn be yãmb sʋkã yaa kãsenga!»

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

Sõadga 20:13

Bõn-kãng yĩng kɩtame tɩ b boond ko-kãng tɩ Meriba koom, sẽn dat n togs tɩ ‹zabr koom.› Bala, yaa beenẽ, la Israyɛll nebã zab ne Sẽn-Ka-Saabo, n kɩt tɩ Sẽn-Ka-Saab wilg-b tɩ bãmb la Wẽnnaam sɩd-sɩda.

Sõadga 20:24

A Aarõ na n kiime n sak a saam-dãmba. Yẽnda ka na n kẽ tẽng ning mam sẽn kõ Israyɛll nebã ye. Bala, Meriba koomã zĩigẽ, yãmb kɩɩsa mam noorã.

Sõadga 27:14

Bala, Israyɛll nebã sẽn wa n zabd ne maam n yẽgemd Sĩn weoogã pʋgẽ tɩ b rata koomã, yãmb kɩɩsa mam noorã, n ka wilg Israyɛll nebã tɩ mam yaa Wẽnnaam sɩd-sɩd ye. Bãmb sẽn dag n gomdã yaa Meriba koomã yelle. Yaa yẽgengã sẽn zĩnd koomã poorẽ Kadɛɛs sẽn be Sĩn weoogã pʋgã wɛɛngẽ.»

A Zã Sõng 1:14

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba nengẽ, la b pida ne bark la sɩda.

Yaoolem 31:17

Baraare, mam sũur na n yika ne bãmba, la mam na n bas-b lame, n solg m meng ne-b tɩ b sãame. Tood la namsg wʋsg na n paama bãmba, tɩ b yeel tɩ yaa Wẽnnaam sẽn ka be ne bãmbã yĩng n kɩt tɩ to-kãensã fãa paam bãmba.

Yaoolem 33:8

Yẽnda goma a Leevi buudã wɛɛngẽ n yeele: «Bãmb kõo yãmb Tumimã ne Urimã ned ning sẽn maanã sɩd ne yãmbã. Yaa yẽnda la yãmb mak Masa, n bao zabr ne a Meriba koomã zĩigẽ.

Yaoolem 6:16

Ra mak-y Sẽn-Ka-Saab sẽn yaa yãmb Wẽnnaamã, wa y sẽn dag n maan Masa wã ye.

Yaoolem 9:22

Yãmb leb n kɩtame tɩ Sẽn-Ka-Saab sũur yik ne yãmb Tabeera ne Masa la Kibrot-Taava me.

Zozuwe 22:31

Maan-kʋʋd a Eleyazaar biig a Fineyaas yeela Rubɛn nebã ne Gaad nebã la Manaase buudã pʋɩ-sʋkã yaa: «Moasã, tõnd miime tɩ Sẽn-Ka-Saab bee ne tõndo, yãmb sẽn ka beeg bãmb wa tõnd sẽn dag n tẽedã yĩnga. Yãmb sẽn maan woto wã, yãmb fãaga Israyɛll nebã ne Sẽn-Ka-Saab sɩbgrã.»