Yikri 17:15 - WẼNNAAM SEBRE 2014

¹⁵ Dẽ, a Moyiis maana tẽn-kugri, n pʋd a yʋʋr tɩ Adonayi-Nisi.

SEBR SÕNGO

¹⁵ A Moyiiz mee maan-kugr n pʋd a yʋʋra woto: Soaala-Wẽnd la m tãb-kaoore.

Yikri 17:15 Iomraidhean Croise

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 12:8

La yẽnda yika beenẽ n viig a fu-roogã, n kẽng tãmsã sẽn be Betɛll tẽngã yaanga. Yẽnda tɩ tilga a fu-roogã Betɛll ne Ayi sʋka, tɩ Betɛll be nin-taoor tɩ Ayi be yaanga. A Abram mee tẽn-kugr beenẽ Sẽn-Ka-Saab yĩnga, n pʋʋs ne Sẽn-Ka-Saab yʋʋre.

Sɩngrẽ 22:14

A Abrahaam pʋda zĩigã yʋʋr tɩ ‹Adonay-Yɩɩre› sẽn dat n togs tɩ ‹Sẽn-Ka-Saab n na n gese.› Rẽ kɩtame tɩ hal tɩ ta rũndã, b ket n yetame tɩ: ‹Sẽn-Ka-Saab tãngã zugu, bãmb geta yelle.›

Sɩngrẽ 33:20

A Zakoob maana tẽn-kugr beenẽ n pʋd a yʋʋr tɩ ‹Ɛll-Elohe-Israyɛll.›

Yɩɩn‑sõamyã 60:4

Yãmb kɩtame tɩ tẽn-gãongã rigimdi, yãmb kɩtame t'a pãrge. Bɩ y maneg a zĩis nins sẽn pusã t'a miimdame!

Yikri 24:4

La a Moyiis gʋlsa Sẽn-Ka-Saab goamã fãa. La yẽnda yika tõdbeoog n maan tẽn-kugr tãngã pende, ne kug piig la a yiibu Israyɛll buud piig la a yiibã yĩnga.

Yikri 27:1

«Maan-y tẽn-kugr ne akasiya raado. Maan-y-yã-a t'a woglmã yɩ kãntɩɩg a nu, t'a yalmã me yɩ kãntɩɩg a nu. Maan-a maoko. Maan-a t'a zãntlmã yɩ kãntɩɩg a tãabo.

Yikri 32:5

La a Aarõ sẽn yãnd bõn-kãnga, yẽnda maana tẽn-kugr sãnem nag-bilã taoore. La yẽnda mooname n yeele: «Beoog na n yɩɩ tigr Sẽn-Ka-Saab waoogr yĩnga.»

Bʋ-kaoodba 6:24

Dẽ, a Zedyõ mee tẽn-kugr beenẽ Sẽn-Ka-Saab yĩnga, n pʋd a yʋʋr tɩ: «Sẽn-Ka-Saab n kõt vɩ-bãane.» Tẽn-kug-kãng ket n bee a Abiyezɛɛr doogã tẽngẽ Ofra hal tɩ ta rũndã.