Yikri 16:6 - WẼNNAAM SEBRE 2014

⁶ A Moyiis ne a Aarõ yeela Israyɛll nebã fãa yaa: «Zaabrã, yãmb na bãng tɩ yaa Sẽn-Ka-Saab n yiis yãmb Ezɩpt tẽngã.

SEBR SÕNGO

⁶ A Moyiiz ne a Aarõ goma ne zãma wã woto: «Zaabrã y na bãng tɩ yaa Soaala-Wẽnd n yiis yãmb Ezipt tẽnga.

Yikri 16:6 Iomraidhean Croise

Yɩɩn‑sõamyã 77:20

Yãmb sorã ra bee ko-kãsengã pʋga, yãmb so-bukã bee ko-zulumsã pʋse, la ned ka yã yãmb nao-bogd ye.

Yɩɩn‑sõamyã 81:11

Mam yaa Sẽn-Ka-Saab sẽn yaa yãmb Wẽnnaam, sẽn yiis-a yãmb Ezɩpt tẽngã. Yaag-y y noor sõama, tɩ m pids-a.

Yikri 12:51

La badaar bala, Sẽn-Ka-Saab kɩtame tɩ Israyɛll nebã yi Ezɩpt tẽngã, tãb-bi-sull-sulli.

Yikri 16:3

Israyɛll nebã yeela bãmb yaa: «Sẽn-Ka-Saab sã n dag n kʋẽ tõnd Ezɩpt tẽngã wakat ning tõnd sẽn dag n ket n zĩ nemdã rʋgd sɛɛgẽ, la tõnd sẽn dag n dɩt n tɩgdã n são! Bala, yãmb sẽn tall tõnd n wa we-ra-kãngã pʋgẽ wã yaa sẽn na n yɩlẽ tɩ kom kʋ kʋʋn-kãngã fãa!»

Yikri 16:8

La a Moyiis yeelame: «Zaabrã, Sẽn-Ka-Saab na n kõo yãmb nemd tɩ y wãbe, la beoog yibeoogo, bãmb na n kõo yãmb dɩɩb tɩ y rɩ n tɩge. Bala, Sẽn-Ka-Saab wʋma yãmb sẽn yẽgemd ne bãmbã. La tõndo, tõnd yaa bõe? Yãmb ka yẽgemd ne tõnd ye, yaa ne Sẽn-Ka-Saabo.»

Yikri 32:1

Nebã sẽn yãnd t'a Moyiis kaoosda tãngã zug n ka sigdã, bãmb tigma taab a Aarõ nengẽ n yeel yẽnda yaa: «Maan wẽnnaam n kõ tõnd t'a lʋɩ tõnd taoor n tɛ tõndo. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.»

Yikri 32:11

La a Moyiis baoome n na n sigs Sẽn-Ka-Saab sẽn yaa yẽnda Wẽnnaamã sũuri. Yẽnda soka bãmb yaa: «Sẽn-Ka-Saabo, yaa bõe tɩ yãmb sũur kãbd wʋsg ne yãmb nebã yãmb sẽn yiis Ezɩpt ne pãn-kãsenga, la ne nug sẽn tar pãngã?

Yikri 32:7

Dẽ, Sẽn-Ka-Saab yeela a Moyiis yaa: «Lebg n sigi. Bala, fo nebã fo sẽn yiis Ezɩpt tẽngã sãama b mense.

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

Sõadga 16:28

Dẽ a Moyiis yeelame yaa: «Yãmb na n bãngame tɩ yaa Sẽn-Ka-Saab n tʋm maam tɩ m maan bõn-kãense, la ka maam n yãk yam n maandẽ ye.

Sõadga 16:30

La Sẽn-Ka-Saab sã n maan bũmb sẽn zɩ n zĩndi, n kɩt tɩ tẽngã yaag a noor n vel bãmb ne bũmb nins fãa b sẽn so wã, tɩ b sig kɩɩm-kulg pʋgẽ vɩɩse, yãmb na yaool n bãng tɩ nin-bãmbã paooga Sẽn-Ka-Saabo.»