Yikri 16:4 - WẼNNAAM SEBRE 2014

⁴ Dẽ, Sẽn-Ka-Saab yeela a Moyiis yaa: «Ade, mam na n kɩtame tɩ rɩɩb yi yĩngr n ni wa saag yãmb yĩnga. La nebã na n yii daar fãa n wʋk sẽn sekd daar a yembr dɩɩbo, tɩ mam tõe n mak bãmb n bãng bãmb sã n na n saka mam tõodã.

SEBR SÕNGO

⁴ Dẽ la Wẽnnaam yeel a Moyiiz: «M na n kɩtame tɩ rɩɩb yi yĩngr n dʋʋg wa saaga tɩ y rɩ. Beoog sẽn vẽeg fãa neba na yi n wʋk sẽn sekd-b daar a ye dɩɩbo. M na n maana woto n ges b sã n na n sakame bɩ b sã n pa na n sak n deeg m noore.

Yikri 16:4 Iomraidhean Croise

A Neemi 11:23

Bala, rĩmã rag n yiisa tõog bãmb wɛɛngẽ, la ne no-tũuds yɩɩn-yɩɩndbã yĩnga, n wilgd b sẽn tog n maan b tʋʋmdã to-to daar fãa.

A Neemi 9:15

Yãmb kɩtame tɩ bur yi yĩngr n sig tɩ b rɩ n yiis b kom, la y kɩt tɩ koom pusg pĩig zug n yi, tɩ b yũ n yiis b ko-yũudu. La yãmb yeel-b lame tɩ b kẽng n tɩ reeg tẽng ning yãmb sẽn dag n zẽk y nug n wẽen n yeel tɩ y na n kõ-b lame tɩ b soogã.

A Neemi 9:20

Yãmb sõmblmã yĩnga, yãmb kõ-b-la yãmb yam-sõngã, tɩ b tõe n paam bãngre, la yãmb kõo bãmb mandã tɩ b rɩ, la y kõ-b-la koom tɩ b yũ n yiis b ko-yũudu.

Yɩɩn‑sõamyã 105:40

Israyɛll nebã kosgã yĩnga, Sẽn-Ka-Saab waa ne kodense, la b kɩt tɩ rɩɩb yi yĩngr n sigi, tɩ Israyɛll nebã rɩ n tɩge.

Yɩɩn‑sõamyã 78:23

Sẽn-Ka-Saab goma ne sawatã sẽn be yĩngrã, la b pagsa yĩngr kʋɩlemsã,

Yikri 15:25

Dẽ, a Moyiis zẽka a koɛɛg n pʋʋs Sẽn-Ka-Saabo, la Sẽn-Ka-Saab wilga yẽnda tɩɩg buud a yembre. A Moyiis keega tɩɩgã n los koomã pʋgẽ, la koomã lebga noogo. Yaa beenẽ la Sẽn-Ka-Saab wilg bãmb b no-tũudsã ne b noyã. Leb n yaa zĩ-kãng la bãmb mak nebã.

Yikri 16:15

La Israyɛll nebã sẽn yãnd mandã, b soka taab yaa: «Yõwã yaa bõe?» Bala, bãmb dag n ka mi a sẽn yaa bũmb ning ye. La a Moyiis yeela bãmb yaa: «Yõwã yaa rɩɩb Sẽn-Ka-Saab sẽn kõt yãmb tɩ y rɩ.

Yelbũna 30:8

Zãag-y-m ne zãmbo, la ne zĩrẽ-beedo. Da bas-y tɩ m yɩ naong soaba, la y ra bas tɩ m yɩ arzɛk soab me ye. Bɩ y kõ maam sẽn sekd m dɩɩbo,

A Matiye Sõng 6:11

Kõ-y tõnd d daar woo daar dɩɩbã dũndã.

A Luk Sõng 11:3

Kõ-y tõnd d daar o daar dɩɩbã daar fãa.

1 Korẽnt rãmba 10:3

b fãa rɩɩ sɩɩg rɩɩb a yembre,

Yaoolem 8:16

Bãmb dɩlga yãmb we-raoogã pʋgẽ, n kõ yãmb mand y yaab-rãmbã sẽn dag n ka mi. Sẽn na n yɩl n sãam y sũurã, n mak yãmb n ges n yaool n maan-y neere.

Yaoolem 8:2

La y tẽeg Sẽn-Ka-Saab sẽn yaa yãmb Wẽnnaamã sẽn tall yãmb n gilim we-raoogã pʋgẽ yʋʋm pis-naasã, sẽn na n yɩl n nams yãmb la b mak yãmb n bãng bũmb ning sẽn be yãmb sũyẽ wã, y sã n na n saka bãmb tõodã, wall y sã n ka na n sake.

Zozuwe 24:15

Yãmb sã n ka rat n tũ Sẽn-Ka-Saabo, bɩ y bao y sẽn na n tũ a soab rũndã: Sã n yaa wẽnnaam-dãmb nins yãmb yaab-rãmbã sẽn dag n tũud Efrat kʋɩlgã rʋʋndã la y rat n tũ, bɩ y tũ. Sã n leb n yaa Amoor-dãmbã sẽn be yãmb sʋkã wẽnnaam-dãmb la y rat n tũ, bɩ y tũ. La maam ne m zakã rãmb yẽ, tõnd na n tũu Sẽn-Ka-Saabo.»