Yikri 16:35 - WẼNNAAM SEBRE 2014

³⁵ La Israyɛll nebã rɩɩ mandã hal tɩ ta yʋʋm pis-naase, hal n wa n ta tẽng neb sẽn be. Bãmb dɩɩ mandã hal n ta wakat ning bãmb sẽn ta Kana soolmã toadgẽ wã.

SEBR SÕNGO

³⁵ Yɩɩ yʋʋm pis-naas pʋgẽ la Israyɛl kamba paam dɩ-kãnga n tãag b sẽn na n yi we-raoogẽ n kẽ tẽngẽ. B da rɩtame la b sokd b mens tɩ bõe la wã, n tãag Kanaã rãmb toaagẽ.

Yikri 16:35 Iomraidhean Croise

A Neemi 9:15

Yãmb kɩtame tɩ bur yi yĩngr n sig tɩ b rɩ n yiis b kom, la y kɩt tɩ koom pusg pĩig zug n yi, tɩ b yũ n yiis b ko-yũudu. La yãmb yeel-b lame tɩ b kẽng n tɩ reeg tẽng ning yãmb sẽn dag n zẽk y nug n wẽen n yeel tɩ y na n kõ-b lame tɩ b soogã.

Sõadga 32:13

Dẽ, Sẽn-Ka-Saab sũurã puuga ne Israyɛll nebã, tɩ b kɩt tɩ b yeeb weoogã pʋgẽ, yʋʋm pis-naase, hal tɩ zamaan-kãng neb nins sẽn maan sẽn yaa wẽng Sẽn-Ka-Saab nifẽ wã fãa ki weoogã pʋgẽ zãnga.

Sõadga 33:38

Yaa Israyɛll nebã sẽn yi Ezɩpt soolmã pʋgẽ tɩ yʋʋm pis-naasã, kiuug a nu soabã pipi daarã, la Sẽn-Ka-Saab yeela a Aarõ t'a rʋ Hoor tãngã zugu. La yẽnda kii tãngã zug a yʋʋm koabg la pisi la a tãabo.

Tʋʋma 7:36

Yaa a Moyiis n maan bõn-yɛɛsds la bãn Ezɩpt tẽngã n yiis Israyɛll kambã Ezɩpt soolmã pʋgẽ la mog-miuugã ne weoogã pʋgẽ yʋʋm pis-naasã.

1 Korẽnt rãmba 10:3

b fãa rɩɩ sɩɩg rɩɩb a yembre,

Yaoolem 1:8

Gese, mam kõo yãmb tẽngã. Kẽng-y n tɩ soog-y tẽng ning Sẽn-Ka-Saab sẽn dag n wẽen ne y yaab-rãmb a Abrahaam ne a Izaak la a Zakoob tɩ m na n kõo bãmb ne b yagensã.»

Yaoolem 2:7

Bala, Sẽn-Ka-Saab sẽn yaa yãmb Wẽnnaamã ninga bũmb ning fãa yãmb sẽn maandã barka. B yãnda y kẽnã fãa we-raoogã pʋgẽ ka. Yʋʋm pis-naas la woto, Sẽn-Ka-Saab sẽn yaa yãmb Wẽnnaamã sẽn be ne yãmba, la bũmb ka paoog yãmb ye.»

Yaoolem 29:4

Mam talla yãmb we-raoogã pʋgẽ yʋʋm pis-naase, la fut nins yãmb sẽn dag n yerã ne neoodã nins yãmb sẽn pidã ka ki ye.

Yaoolem 8:4

Yãmb sẽn dag n yer fut ninsã ka ki ye, la y naoã ka mod yʋʋm pis-naasã pʋgẽ me ye.

Zozuwe 5:12

Bãmb sẽn dɩ tẽngã koodã n sɛ, mandã sẽn dag n dʋʋgdã yalsame. La Israyɛll nebã ka leb n paam mandã ye. Dẽ, bãmb dɩɩ Kana tẽngã bõn-koaadl yʋʋm-kãnga.