Yikri 16:32 - WẼNNAAM SEBRE 2014

³² A Moyiis yeelame: «Ad Sẽn-Ka-Saab sẽn kõ noor ninga: ‹Yãk-y mandã n pid wam-makdgã n bĩng y yagensã yĩnga, tɩ b wa yãnd rɩɩb ning mam sẽn kõ yãmb tɩ y rɩ we-raoogã pʋgẽ, mam sẽn wa n yiis yãmb Ezɩpt tẽngã wakatã.› »

SEBR SÕNGO

³² A Moyiiz yeelame: «Ad Soaala-Wẽnd sẽn yals bũmb ninga: Bao-y wamde n wʋk rɩɩbã n pids-a, n bao zĩig n bĩng-a y kamb yĩnga, woto b na yãe rɩɩb ning m sẽn tall n dɩlg yãmb we-raoogẽ wã, m sẽn waa n yiis-y Ezipt tẽnga.»

Yikri 16:32 Iomraidhean Croise

Yɩɩn‑sõamyã 105:5

Yãmb sẽn yaa bãmb tʋmtʋmd a Abrahaam yagensã, yãmb sẽn yaa a Zakoob yagense, n yaa bãmb nin-tũusdsã! Tẽeg-y bõn-yɛɛsds nins bãmb sẽn maanã yelle, tẽeg-y bõn-kãsemsã ne b bʋ-kaoorã yelle!

Yikri 16:16

Ad Sẽn-Ka-Saab sẽn yeele: ‹Bɩ yãmb ned kam fãa wʋk sẽn sek a rɩɩbo. Yaa wamd noor a yembr ned kam fãa yĩnga, wa sẽn zems yãmb nebã y sẽn tog n dɩlgã sõore. Bɩ ned kam fãa wʋk tɩ sek a yir dãmba.»

Yikri 16:31

Israyɛll nebã pʋda rɩɩbã yʋʋr tɩ mande. A rag n wẽnda wa baninga, n yaa pɛɛlga. La a noosmã wẽnda wa bur-maas sẽn maan ne sɩɩdo.

Yikri 16:33

A Moyiis yeela a Aarõ yaa: «Rɩk-y yʋʋr n sui mandã ne wam makdgã noor a yembr n tẽgn-a Sẽn-Ka-Saab taoore, n bĩng-a beenẽ yãmb yagensã yĩnga.»

Zeremi 7:23

Ad mam sẽn kõ bãmb noor ninga: «Sak m koɛɛgã tɩ m na n yɩɩ yãmb Wẽnnaam, tɩ yãmb yɩ mam nebã. Sak-y n maan-y bũmb nins fãa mam sẽn yeel bãmb tɩ y maanã tɩ y vɩɩm yɩ noogo.»

A Ooze 11:4

Mam tɛɛ bãmb ne ninsaalb loeese, la mam loee bãmb ne nonglem loeese. Mam yaa soab ning sẽn sikd bãmb zɩɩbã, la mam dag n kõt-b-la rɩɩbo.

A Luk Sõng 22:19

Dẽ poore, a Zeezi rɩka bur n ning bark n yaool n kao-a n kõ karen-biisã n yeele: Ad‑a yaa mam yĩnga, b sẽn kõ yãmb yĩnga. [Bɩ y maand bõn-kãngã n tẽegd mam yelle.

Ebre rãmba 2:1

Rẽndã n kɩt tɩ tõnd tog n tags bũmb ning d sẽn wʋmã yell neer n yɩɩda, tɩ d da wa bʋdg ye.

Ebre rãmba 9:4

Tɩdar yõogr zĩig sẽn yaa sãnem ne kaoolã koglg sẽn lud zãng ne sãnem, tɩ sãnem tʋkã mandã sẽn be a pʋgẽ wã, n paas a Aarõ rasaar ning sẽn da ning-a puudã, la kaoolã kug-wals be a pʋgẽ wã bee be.