Yikri 16:28 - WẼNNAAM SEBRE 2014

²⁸ Dẽ, Sẽn-Ka-Saab yeela a Moyiis yaa: «Yãmb na n kɩɩsa mam noyã ne m tõodã hal tɩ ta dabʋre?

SEBR SÕNGO

²⁸ Soaala-Wẽnd yeela a Moyiiz: «Yãmb na n zãgsa m noora reegr n ta da-bʋre?

Yikri 16:28 Iomraidhean Croise

2 Rĩm-dãmba 17:14

La bãmb ka kelg ye. Bãmb kenga b sũyã, wa bãmb ba-rãmbã me sẽn dag n ka tẽ Sẽn-Ka-Saab sẽn yaa bãmb Wẽnnaamã.

2 Rĩm-dãmba 17:15

Bãmb kɩɩsa Sẽn-Ka-Saab noyã ne b kaoolã b sẽn dag n maan ne bãmb ba-rãmbã, la zãmsg ning Sẽn-Ka-Saab sẽn dag n kõ bãmbã. Bãmb nebã lagma b mens ne sẽn ka yõodo, tɩ bãmb mensã lebg sẽn ka yõodo. Bãmb tɩ naaga b mens ne bu-zẽms nins sẽn dag n gũbg bãmbã, la Sẽn-Ka-Saab yaool n dag n yeela bãmb tɩ b ra maan wa bu-bãmb ye.

Yɩɩn‑sõamyã 106:13

La b yĩma Sẽn-Ka-Saab tʋʋmã yell tao-tao, n ka yals n gũ tɩ Sẽn-Ka-Saab pids b saagrã ye.

Yɩɩn‑sõamyã 78:10

Bãmb ka tall Wẽnnaam kaoolã ye. Bãmb ka sak n kẽn wa sẽn zems Wẽnnaam tõogã ye.

Yɩɩn‑sõamyã 78:22

b sẽn ka tẽ bãmbã yĩnga, la b sẽn ka rɩk b teegrã n teeg Wẽnnaam fãagrã yĩnga.

Yikri 10:3

Dẽ, a Moyiis ne a Aarõ kẽnga Faarõ nengẽ n tɩ yeel-a tɩ Sẽn-Ka-Saab sẽn yaa Ebre nebã Wẽnnaamã sokdame yaa: «Fo na n zãgsame tɩ f ka na n sik f meng mam taoor hal tɩ ta dabʋre? Bas mam nebã tɩ b kẽng n tɩ waoog maam.

Yikri 16:27

La rasem a yopoe wã daare, kẽer yii nebã sʋk n kẽng n na n tɩ wʋk mandã, la b ka yãnd ye.

Yikri 16:29

Ges-y-yã! Sẽn-Ka-Saab sẽn kõ yãmb vʋʋsg daarã yĩng n kɩte, tɩ bãmb kõt yãmb dasem a yiib rɩɩbo, rasem a yoobã daare. Bɩ ned kam fãa kell n pa a zĩigẽ n da yi rasem a yopoe wã daar ye.»

A Ezayi 7:13

Dẽ, a Ezayi yeelame: «Dĩm a Davɩɩd yagense, m kotame tɩ y kelge! Yãmb sẽn maan tɩ ninsaalbã yam yi yãmbã ka sek-y tɩ y rat n maan tɩ mam Wẽnnaamã me yam yi-yã?

A Ezayi 7:9

Efrayiim na-tẽng yaa Samaari, la a Remaliya biigã n yaa Samaari tẽngã zug-soaba. Yãmb sã n ka tall tẽebo, yãmb ka na n tõog n yals ye!»

Zeremi 4:14

Zeruzalɛm nebã, yiis-y wẽngã y sũyã pʋsẽ, n paam fãagre. Yãmb na n kell n pa y tags-wẽnsã pʋg hal tɩ ta dabʋre?

Zeremi 9:6

Woto yĩnga, Saasẽ-Pãng-Soabã yeelame: «Mam na n ninga bãmb boaag pʋg n mak-ba. M nebã maana wẽnga. Yaa bõe la m na n maan-b moasã?

Ezekiyɛl 20:13

La Israyɛll buudã kɩɩsa maam we-raoogã pʋga. Bãmb ka tũ m noyã ne m no-tũuds nins ninsaal sẽn tog n tũ n paam n vɩɩmdã ye. Bãmb rẽgma mam vʋʋsg rayã hal tɩ loog nugu. Mam yeelame tɩ m na n basame tɩ m sũ-puugrã maan a tʋʋmd ne bãmb we-raoogã pʋga, sẽn na n yɩl n menes-b zãnga.

Ezekiyɛl 20:16

Mam sẽn wẽen woto wã yaa tɩ bãmb kɩɩsa m minindã, la b ka sak m tõodã ye, la b sãama m vʋʋsg rayã, bãmb sũyã sẽn dag n loe ne b wẽn-naandsã yĩnga.

Ezekiyɛl 5:6

La yẽnda kɩɩsa mam noyã ne m no-tũudsã. Yẽnda tʋʋm-wẽnsã yɩɩga tẽms a taabã sẽn gũbg yẽnda wã, bala, bãmb basa mam noyã ne m no-tũudsã.

Sõadga 14:11

Dẽ, Sẽn-Ka-Saab yeela a Moyiis yaa: «Nin-bãmbã na n kell n kɩɩsa maam hal tɩ ta dabʋre? Baa ne bõn-bãn-kãsems nins mam sẽn maan bãmb sʋkã, bãmb ket n ka tẽed maam ye.

Sõadga 20:12

La Sẽn-Ka-Saab yeela a Moyiis ne Aarõ yaa: «Yãmb sẽn ka maan tẽeb ne maam, n wilg Israyɛll nebã tɩ mam yaa Wẽnnaam sɩd-sɩdã yĩnga, ka leb n yaa yãmb n na n tall Israyɛll nebã n tɩ kẽes tẽng ning mam sẽn kõ-bã pʋgẽ ye.»

A Mark Sõng 9:19

A Zeezi leoka bãmba: «Yãmba, zamaan‑kãngã neb sẽn ka tẽebo, mam na n zĩnda ne yãmb hal tɩ ta wakat bʋgo? Mam na n maana sũ-mar ne yãmb hal tɩ ta wakat bʋgo? Tall-y biigã n wa ka.»