Yikri 16:23 - WẼNNAAM SEBRE 2014

²³ Dẽ, a Moyiis yeela bãmb yaa: «Yaa Sẽn-Ka-Saab n yeel tɩ b maan a woto. Beoog na n yɩɩ vʋʋsg daare. Yaa vʋʋsg daar sẽn welg toor Sẽn-Ka-Saab waoogr yĩnga. Yãmb sẽn dat n kɩɩm bũmb ninsã, bɩ y kɩɩme, la yãmb sẽn dat n dʋg bũmb ninsã, bɩ y rʋge. La bũmb nins fãa sẽn kellã, bɩ y bĩng tɩ ta beoogo.»

SEBR SÕNGO

²³ T'a na n yeel-ba: «Soaala-Wẽnd n sɩd yeel woto: Beoog yaa vʋʋsg daare. Yaa Soaala-Wẽnd daare. Ning-y wʋngẽ y sẽn dat n ning be, la rʋg-y y sẽn dat n dʋge. Bas-y sẽn kella fãa beoog yĩnga.»

Yikri 16:23 Iomraidhean Croise

A Neemi 9:13

Yãmb yii saasẽ n sig Sinayi tãngã zug n gom ne bãmba. Yãmb kõo bãmb no-tũuds sẽn yaa tɩrse, la y kõ-b zãmsg sẽn yaa sɩda, la tõod sẽn yaa tɩrse, ne minind sẽn zems zãnga.

A Neemi 9:14

Yãmb kɩtame tɩ y tʋmtʋmd a Moyiis wilg bãmb y vʋʋsg daarã sẽn welg toorã. La yãmb kɩtame t'a zãms bãmb tõodã koees a taabã.

Yikri 16:19

A Moyiis yeela bãmb yaa: «Bɩ ned baa a yembr da bas mandã tɩ beoog vẽeg ye.»

Yikri 23:12

Maan f tʋʋmdã rasem a yoobe, la rasem a yopoe wã daare, tog n yɩɩ vʋʋsg daar fo yĩnga, tɩ fo loalga, ne f bõang me vʋʋse, tɩ f yem-poak biig ne f sãan me paam n vʋʋse.»

Yikri 31:15

Yãmb na n tʋma rasem a yoobe, la rasem a yopoe raarã na n yɩɩ vʋʋsgo. A na n yɩɩ vʋʋsg daar sẽn welg toor Sẽn-Ka-Saab waoogr yĩnga. Ned sã n tʋm vʋʋsg raare, bɩ b kʋ-a.

Zeremi 17:22

Da yiis-y zɩɩb y rotã pʋs vʋʋsg daarã, la y ra maan tʋʋmd ba a yembr ye. Kɩt-y tɩ vʋʋsg daarã yɩ daar sẽn welg toore, wa m sẽn dag n yeel y yaab-rãmbã.

Maan‑kʋʋre 23:3

Yãmb tõe n tʋma rasem a yoobe, la rasem a yopoe wã daar na n welga toor n yɩ vʋʋsg daare, la yãmb ka tog n tʋm ye. Dẽ, yãmb sẽn na n zĩnd zĩig ninga fãa, a na n yɩɩ vʋʋsg daar Sẽn-Ka-Saab yĩnga.

Sõadga 11:7

Mandã rag n yaa pɛɛlg wa baninga, n wẽnd tɩɩg sũm.

Sõadga 11:8

Yʋng sã n ta, mandã naagda meenemã n dʋʋgd sik zĩigẽ wã, la yibeoogo, nebã yit n saagdame n wʋkd-a. Bãmb sã n wʋk-a, b werd-a-la neerẽ, wall b to-a teoogẽ. Rẽ poore, b ningd-a-la rʋkẽ n kɩɩme, ka rẽ bɩ b maan-a maasa, t'a noosmã yaa wa bur-maasa.

A Luk Sõng 23:56

La b lebgame n tɩ to tɩdar zom la b maan tɩdar kaam. La bãmb vʋʋsa vʋʋsg daarã wa sẽn zems a Moyiis tõogã. Yaoog sẽn tuk pĩigẽ.

Yaoolem 5:12

Sak-y vʋʋsg daarã tõogo, n kɩt t'a yɩ daar sẽn welg toor wa sẽn zems Sẽn-Ka-Saab sẽn yaa yãmb Wẽnnaamã sẽn yeel yãmbã.

Vẽnegre 1:10

Zu-soabã daare, Sɩɩg-sõng pida maam, la mam wʋma koe-kãseng sẽn wẽnd baorg koɛɛg m poorẽ.