Yikri 15:25 - WẼNNAAM SEBRE 2014

²⁵ Dẽ, a Moyiis zẽka a koɛɛg n pʋʋs Sẽn-Ka-Saabo, la Sẽn-Ka-Saab wilga yẽnda tɩɩg buud a yembre. A Moyiis keega tɩɩgã n los koomã pʋgẽ, la koomã lebga noogo. Yaa beenẽ la Sẽn-Ka-Saab wilg bãmb b no-tũudsã ne b noyã. Leb n yaa zĩ-kãng la bãmb mak nebã.

SEBR SÕNGO

²⁵ A Moyiiz yõka Soaala-Wẽnd sɛɛga la b wilg-a-la tɩɩg buud a ye t'a na n kʋʋg a raoogo. A sẽn dɩk-a n los koomẽ, kooma lebga noogo. Be la Soaala-Wẽnd wilg a Israyɛl sẽn kis la sẽn gɩdge, be la b kõ-a noore, beene me la b fɛɛs a sũuri. B yeela woto:

Yikri 15:25 Iomraidhean Croise

2 Rĩm-dãmba 2:21

La a Eliize yiime n kẽng ko-bundmã sẽnẽ, la a loba yamsmã koomã pʋg n yeele: «Sẽn-Ka-Saab yetame: Mam yɩlga ko-kãngã t'a lebg ko-sõngo. Ned kõn leb n yũ ko-kãngã n ki ye. La tẽn-gãongã na n leb n saka koodo.»

2 Rĩm-dãmba 4:41

Woto, a Eliize yeelame: «Ka yell ye. Tall-y zom n wa kõ-ma!» A Eliize reega zomã n ning rʋkã pʋga, la a yeel tɩ b vaag rɩɩbã n kõ nebã tɩ b rɩ. Nebã mikame tɩ rɩɩbã lebga sõama n ka leb n yaa toog ye.

2 Rĩm-dãmba 6:6

Wẽnnaam dao a Eliize soka yẽnda yaa: «Fo larã lʋɩɩ zĩ-bʋgo?» La raoã wilga larã sẽn lʋɩ zĩig ningã. La a Eliize kɛɛga raoog n lob zĩig ning larã sẽn lʋɩẽ wã, la larã ruka koomã zugu.

Yɩɩn‑sõamyã 50:15

Bool maam f yel-pakr wakate, tɩ mam na n fãaga foom, la fo na n waooga maam.

Yɩɩn‑sõamyã 66:10

Bala, mam Wẽnnaam, yãmb n feesd tõndo! Yãmb yɩlgda tõnd wa b sẽn yɩlgd wanzuri.

Yɩɩn‑sõamyã 81:7

Mam sika zɩɩbã n bas b bãgdã, la peoog fãaga b nusẽ n lʋɩ.

Yɩɩn‑sõamyã 91:15

A sã n bool maam, mam na n leok-a lame. Mam mengã na n zĩnda ne-a yel-pakr pʋgẽ, mam na n fãag-a lame la m waoog-a.

Yɩɩn‑sõamyã 99:6

A Moyiis ne a Aarõ sẽn dag n be Sẽn-Ka-Saab maan-kʋʋdbã sʋkã, ne a Samwɛll sẽn dag n be sẽn boond-b bãmb yʋʋrã sʋkã, b fãa boola Sẽn-Ka-Saabo, la b leoka bãmba.

Yikri 14:10

Faarõ sẽn kolgd Israyɛll nebã, bãmb zẽka b neng n yãnd Ezɩpt rãmbã sẽn pʋgd bãmb n watẽ. La rabeem wʋsg yõka bãmba. Dẽ, Israyɛll nebã zẽka b koees n bool Sẽn-Ka-Saabo.

Yikri 16:4

Dẽ, Sẽn-Ka-Saab yeela a Moyiis yaa: «Ade, mam na n kɩtame tɩ rɩɩb yi yĩngr n ni wa saag yãmb yĩnga. La nebã na n yii daar fãa n wʋk sẽn sekd daar a yembr dɩɩbo, tɩ mam tõe n mak bãmb n bãng bãmb sã n na n saka mam tõodã.

Yikri 17:4

A Moyiis zẽka a koɛɛg n gom ne Sẽn-Ka-Saab n yeele: «Mam na n maana bõe ne nin-kãensã? Ketẽ-la bilfu, tɩ bãmb lob maam ne kuga.»

Yikri 20:20

La a Moyiis yeela nebã yaa: «Ra zoe-y rabeem ye. Bala, Wẽnnaam sẽn wa wã yaa sẽn na n mak yãmba, tɩ yãmb zoe bãmb n da maan yel-wẽnã ye.»

Yelbũna 17:3

B zugda wanzuri ne sãnem n yɩlg-b boaagẽ, la yaa Sẽn-Ka-Saab n makd ninsaalbã sũyã.

Zeremi 15:1

Sẽn-Ka-Saab yeela maam yaa: «Ba a Moyiis ne a Sãmwɛll sã n wa yals mam taoore, mam ka na n zoe nin-bãmbã nimbãaneg ye. Rig-b tɩ b menem mam taoor n bao zĩiga.

Zeremi 9:7

Bãmb zɛlma wã yaa wa pe-zẽnem. Bãmb goamã yaa belgr bala. Bãmb gomda laafɩ goam ne b yags n bẽt-ba.»

Ezekiyɛl 47:7

La sẽn ta beenẽ, mam yãame tɩ tɩɩs wʋsg n dag n be ko-zoetmã noor goabg la rɩtgo.

Ezekiyɛl 47:8

Yẽnda yeela maam yaa: «Ko-kãngã rabda yaanga, n na n sig tẽn-nabd-koɛɛngẽ wã, n tɩ kẽ yamsem ko-kãsengã pʋga. La a sã n wa kẽ ko-kãsengã pʋga, koomã na n lebga sõama.

1 Korẽnt rãmba 1:18

Bala, da-pɩkã koɛɛgã yaa yalemd ne neb nins sẽn sãamd-bã la ne tõnd dãmb sẽn paam fãagrã, a yaa pãng sẽn yit Wẽnnaam nengẽ.

Yaoolem 13:3

tɩ bãndã ne bõn-bãndã paam pidsgu, t'a yeel yãmb tɩ y wa tɩ b tɩ tũ wẽnnaam-dãmb a taab yãmb sẽn ka mi, la y waoog-ba,

Yaoolem 8:16

Bãmb dɩlga yãmb we-raoogã pʋgẽ, n kõ yãmb mand y yaab-rãmbã sẽn dag n ka mi. Sẽn na n yɩl n sãam y sũurã, n mak yãmb n ges n yaool n maan-y neere.

Yaoolem 8:2

La y tẽeg Sẽn-Ka-Saab sẽn yaa yãmb Wẽnnaamã sẽn tall yãmb n gilim we-raoogã pʋgẽ yʋʋm pis-naasã, sẽn na n yɩl n nams yãmb la b mak yãmb n bãng bũmb ning sẽn be yãmb sũyẽ wã, y sã n na n saka bãmb tõodã, wall y sã n ka na n sake.

Bʋ-kaoodba 2:22

Bõn-kãens na n yɩɩ makr maam a Sẽn-Ka-Saab sẽn na n mak Israyɛll nebã n gese, b na n sak n tũu mam sorã wa b yaab-rãmbã sẽn dag n tũ wã bɩ, bɩ b ka na n tũ.»

Bʋ-kaoodba 3:1

Sẽn-Ka-Saab basa buud kẽer tẽngã pʋgẽ, n na n mak Israyɛll neb nins fãa sẽn dag n ka zĩnd-b Kana zabrã wakatã.

Bʋ-kaoodba 3:4

Bãmb sẽn bas bu-bãmb beenẽ wã, yaa sẽn na n yɩl n mak Israyɛll nebã, n ges b sã n na n saka Sẽn-Ka-Saab tõodã b sẽn dag n kõ a Moyiis t'a kõ b yaab-rãmbã.