Yikri 15:21 - WẼNNAAM SEBRE 2014

²¹ La a Miryam rag n deesda bãmb yɩɩllã n yetẽ: «Bɩ y yɩɩl n waoog Sẽn-Ka-Saabo. Bala, bãmb wilgame tɩ b yaa na-kãsenga. Bãmb luba wiid ne wed-rʋʋdb ko-kãsengã pʋgẽ»

SEBR SÕNGO

²¹ t'a Miriyam na n pʋd yɩɩn kãnga: D yɩɩl n kils Wẽnnaam tɩ b tʋma raoodo, weefã ne a wed-dʋʋdã, b tusa fãa n lub koomẽ!

Yikri 15:21 Iomraidhean Croise

2 Sãmwɛlle 1:20

Da gom-y-yã a yell Gat tẽngã pʋgẽ ye. Da gom-y koe-kãngã Askalon soayã zutu, tɩ Filistẽ pagbã wa maan sũ-noogo, la tɩ moosã pagb wa kɩdem ye.

2 Sãmwɛlle 6:14

A Davɩɩd rag n dɩka maan-kʋʋr fuug sẽn wʋg ne lamd gĩs n sẽgen a sɛɛga, n saood warb ne a pãngã fãa Sẽn-Ka-Saab taoore.

2 Kibayã 5:13

Dẽ, tãntãn-pɛɛbdbã ne yɩɩn-yɩɩndbã naaga taab n na n pẽg Sẽn-Ka-Saabo, la b waoog-b n yeele: «Pẽg-y Sẽn-Ka-Saabo, bala, bãmb yaa sõama, la bãmb nonglmã paada wakat fãa.» La tãntãadã ne kɛmã, la yʋʋm teedã fãa rag n naagame n yɩɩndẽ. La wakat-kãng bala, sawad-taok n wa n sig n pid Sẽn-Ka-Saab roogã.

Yɩɩn‑sõamyã 76:6

B reesa tãb-bi-gãndaadã teed n bas-ba, bãmb gũsa b yaoolem gõeem, Gãnda-kãensã fãa ka tõog n zab n sõng b meng ye.

Yikri 15:1

Dẽ, a Moyiis ne Israyɛll nebã yɩɩla yɩɩn-kãngã n waoog Sẽn-Ka-Saab n yeele: «Mam na n yɩɩlame n waoog Sẽn-Ka-Saabo. Bala, bãmb naamã yaa kãsenga. Bãmb luba wiid ne b wed-rʋʋdb ko-kãsengã pʋgẽ.

Yikri 15:4

Bãmb luba Faarõ saar-dãmbã ne a tãb-biisã ko-kãsengã pʋgẽ. Rudum ko-kãsengã lima tãb-biis nins yẽnda sẽn yãkã.

Vẽnegre 14:3

B yɩɩnda yɩɩn-paalg geerã taoore, la bõn-vɩɩs a naasã ne kãsem-dãmbã taoore. Ned ba a yembr ra ka tõe n zãms yɩɩllã ye, sã n ka neb tus koabg la pis-naas la a naas sẽn dag n paam fãagr dũni zugã.

Vẽnegre 15:3

Bãmb yɩɩnda Wẽnnaam tʋmtʋmd a Moyiis yɩɩllã, la pe-bilã yɩɩlle: Zu-soab a Wẽnnaam Sẽn‑Tõe‑Fãa, yãmb tʋʋmã yaa kãsemse la b bee neere! Soolem dãmbã rĩmã, yãmb tʋʋmã zemsame la b yaa sɩda.

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.

Bʋ-kaoodba 5:3

Rĩm-dãmba, kelg-y-yã, na-biisi, yok-y y tʋba! Mam na n yɩɩlame, n pẽg Sẽn-Ka-Saabo, n-yẽe, mam na n yɩɩl n pẽg-ba! Mam na n yɩɩlame n pẽg Sẽn-Ka-Saab sẽn yaa Israyɛll Wẽnnaamã.

1 Sãmwɛlle 18:6

A Davɩɩd sẽn kʋ Filistẽ daoã n sɛ tɩ nebã yi zabrã zĩigẽ n lebg n kuiisẽ wã, pagbã yii Israyɛll tẽmsã fãa pʋsẽ, n yɩɩndẽ la b saood n segd rĩm a Sayulli, la b wẽed sɩlsãgs ne kʋla, la b kilsdẽ.

1 Sãmwɛlle 18:7

Pagbã yɩɩnda ne sũ-noog n sokd taaba, la b yetẽ yaa: «A Sayull kʋʋ tusri, t'a Davɩɩd kʋ tus piiga.»