Yikri 15:20 - WẼNNAAM SEBRE 2014

²⁰ La no-rɛɛs-poak a Miryam sẽn yaa a Aarõ tão wã rɩka sɩlsãka, la pagbã fãa yii n pʋgla yẽnda n wẽ sɩlsãgs n sao.

SEBR SÕNGO

²⁰ Bãngd poaka, a Miriyam, a Aarõ tão, yika ne a gãngão-gilga. Pagb a taaba me yika ne b rẽnda n sigl saooga,

Yikri 15:20 Iomraidhean Croise

Sɩngrẽ 31:27

Bõe yĩng tɩ fo zãmb maam n soos n zoe n ka togs maam? Fo sã n dag n togsẽ, mam dag n na n kõẽ-la foom sor tɩ f loog ne sũ-noogo, la ne yɩɩla, la sɩlsãgs ne pends wẽebo.

2 Sãmwɛlle 1:20

Da gom-y-yã a yell Gat tẽngã pʋgẽ ye. Da gom-y koe-kãngã Askalon soayã zutu, tɩ Filistẽ pagbã wa maan sũ-noogo, la tɩ moosã pagb wa kɩdem ye.

2 Sãmwɛlle 6:14

A Davɩɩd rag n dɩka maan-kʋʋr fuug sẽn wʋg ne lamd gĩs n sẽgen a sɛɛga, n saood warb ne a pãngã fãa Sẽn-Ka-Saab taoore.

2 Sãmwɛlle 6:16

Sẽn-Ka-Saab kaoolã koglgã sẽn wa n kẽed a Davɩɩd tẽngã pʋgẽ wã, a Sayull bi-pugl a Mikall dag n bee roog peem-lɛɛgẽ n lɩk n getẽ. A Mikall yãame tɩ rĩm a Davɩɩd yɩgd n kɩdemdẽ, la a saood Sẽn-Ka-Saab taoore, la a paooga a Davɩɩd a sũurẽ.

2 Sãmwɛlle 6:5

A Davɩɩd ne Israyɛll buudã fãa rag n deemda ne yʋʋm-teed buud toor-toor Sẽn-Ka-Saab taoore. Yaa pendse, kʋla, sɩlsãgse, waase, la ne kɛma.

2 Rĩm-dãmba 22:14

Maan-kʋʋd a Hilkiiza ne a Ayikam la a Akboor ne a Safãn n paas a Aaza kẽnga Wẽnnaam no-rɛɛs-poak a Ulda nengẽ. A Ulda rag n yaa a Haraas biig a Tikva biig a Salum sẽn yaa fut bĩngdã paga. Pʋg-kãng rag n bee Zeruzalɛm tẽngã sag-paallã pʋga. La bãmb dɩka koɛɛgã n togs a Ulda.

1 Kibayã 15:16

A Davɩɩd yeela Leevi buudã nanambsã, tɩ b kɩt tɩ b saam-biisã sẽn yaa yɩɩn-yɩɩndbã wa ne yʋʋm-teed sẽn yaa kʋla, pendse, la kɛma, n yɩɩl n kaas ne sũ-noogo.

1 Kibayã 6:3

A Kehat kom-dibli yaa a Amram, a Yitsaare, la a Ebrõ ne a Uziyɛlle.

A Neemi 6:14

Dẽ wã, mam Wẽnnaam, tẽeg-y-yã a Tobiza ne a Sãmbalat tʋʋmã yelle, la y tẽeg no-rɛɛs-poak a Noadiya ne no-rɛɛsdb a taabã sẽn dag n baood n kẽes maam dabeemã me yelle!

Yɩɩn‑sõamyã 149:3

Bɩ b sao n pẽg bãmb yʋʋrã. Bɩ b wẽ gãngãoogo, la b wẽ pɛndg n pẽg bãmba!

Yɩɩn‑sõamyã 150:4

Wẽ-y gãngãoogo, la y sao n pẽg bãmba! Pẽg-y bãmb ne yʋʋm-teed sẽn tar susi, la ne meenem!

Yɩɩn‑sõamyã 30:11

Sẽn-Ka-Saabo, kelg-y-ma, la y zoe m nimbãanega! Sẽn-Ka-Saabo, sõng-y-ma!

Yɩɩn‑sõamyã 68:11

Yãmb nebã bee zĩig ninga, yãmb a Wẽnnaam sẽn segl naong rãmbã yĩng y sõmblmã pʋgẽ wã.

Yɩɩn‑sõamyã 68:25

Mam Wẽnnaam, bãmb yãnda yãmb sẽn kẽnde. B yãnda mam dĩmã la m Wẽnnaamã sẽn kẽnd n wat zĩ-sõngẽ wã.

Yɩɩn‑sõamyã 68:26

Yɩɩn-yɩɩndbã lʋɩɩ taoore, tɩ sẽn wẽed-b yʋʋm-teedã pʋgda, tɩ pʋg-sadbã be sʋkã n wẽed sɩlsãgse.

Yɩɩn‑sõamyã 81:2

Kils-y ne sũ-noog Wẽnnaam sẽn yaa tõnd pãngã yĩnga! Kaas-y ne sũ-noog a Zakoob Wẽnnaamã yĩnga!

Yikri 2:4

La biigã tão rag n yasa yɩɩg bilf n get bũmb ning sẽn na n maan biigã.

Kowelɛt 3:4

Yãbr wakat beeme, la laad wakat me beeme. Wiisg wakat beeme, la saoog wakat me beeme.

Zeremi 31:4

Israyɛll tẽn-neere, mam na n lebs n mee foom, b na n lebs n me-f lame yɛsa. Fo na n leb n dɩka f gãngãado, n yi n saoodẽ la f laadẽ.

A Miise 6:4

Bala, mam yiisa yãmb Ezɩpt tẽnga. Mam fãaga yãmb y yembdã pʋga. Mam tʋma a Moyiis ne a Aarõ, la a Miryam tɩ b wa lʋɩ yãmb taoore.

Sõadga 12:1

A Moyiis da rɩka Kuus tẽng bi-pugl n maan a paga, la a Aarõ ne a Miryam wɩda yẽnda yi-kãadem-kãng yĩnga.

Sõadga 12:2

Bãmb yeelame yaa: «Ka a Moyiis a ye bal la Sẽn-Ka-Saab gom ne ye. B goma ne tõnd me» La Sẽn-Ka-Saab wʋma a Aarõ ne Miryam goamã.

Sõadga 20:1

Israyɛll nebã fãa taa Sĩn weoogã pʋg pipi kiuugã pʋgẽ, n tɩ zĩnd Kadɛɛse. La yaa beenẽ la a Miryam ki yã, tɩ b mum-a.

Sõadga 26:59

La a Amram kẽe kãadem ne a Zokebɛɛde, sẽn yaa a Leevi bi-pugl ning a sẽn dog Ezɩpt tẽngã. La a Zokebɛɛd doga a Amram kamb a Tãabo: Yaa a Aarõ, a Moyiisi, ne b tão-poak a Miryam.

A Luk Sõng 2:36

Wẽnnaam no-rɛɛs-poak a ye n dag n be be. A yʋʋr la a Ãnde, a Fanuwɛll bi-pugla, n yaa a Azɛɛr buudu. A ra kʋʋla wʋsgo. A zĩnda ne a sɩdã yʋʋm a yopoe a pʋg-sademd wakate,

Tʋʋma 21:9

La yẽnda ra tara kom-pugli a naas sẽn nan ka mi rao ye, n yaa Wẽnnaam no-rɛɛsdba.

1 Korẽnt rãmba 11:5

La pag fãa sẽn ka lud a zug n pʋʋs wall a togs bãngr goam paoogda a Zu-soabã. Yaa wa a sẽn põng a zugu.

1 Korẽnt rãmba 14:34

bɩ pagbã sĩnd b noy tigindã pʋse, bala, b ka tar noor tɩ gom be ye. Bɩ b yɩ sakdba, wa Wẽnnaam tõogã me sẽn yetã.

Bʋ-kaoodba 11:34

A Zefte sẽn lebg n ta a yir Mispa, yẽnda yã a meng bi-puglã sẽn zãad gãngão-bil n wẽedẽ, la a saood n segd yẽnda. Yaool n yaa yẽnda la a bi-yende. Sã n ka bi-pugl-kãnga, a Zefte ka paam bi-ribla wall bi-pugl a to ye.

Bʋ-kaoodba 21:21

La yãmb sã n wa n yãnd Sɩlo pʋg-sadbã sẽn yi n na n sao, bɩ y yi tɩ yãmb ned kam fãa wudg n yõk pʋg-sad a yembr n tall n kuil a yir Benzame nebã soolmẽ n tɩ maan a paga.

Bʋ-kaoodba 4:4

Wakat-kãnga, rẽ tɩ yaa a Lapidot pag a Deboora sẽn yaa Wẽnnaam no-rɛɛsã n yaa Israyɛll bʋ-kaooda.

1 Sãmwɛlle 10:5

Dẽ zugẽ, fo na n taa Gɩbeya sẽn yaa Wẽnnaam tãngã, sẽn yaa Filistẽ-dãmbã tãb-sik zĩigã. Fo sã n wa kẽed tẽngã, fo na n sega Wẽnnaam no-rɛɛsdb sull tɩ b yit maoongã kʋʋb zĩigẽ, tɩ b manesmã yaa no-rɛɛsdb manesem. La neb n na n be b taoor n wẽed koal ne sɩlsãgse, la wɩɩs ne pendse.

1 Sãmwɛlle 18:6

A Davɩɩd sẽn kʋ Filistẽ daoã n sɛ tɩ nebã yi zabrã zĩigẽ n lebg n kuiisẽ wã, pagbã yii Israyɛll tẽmsã fãa pʋsẽ, n yɩɩndẽ la b saood n segd rĩm a Sayulli, la b wẽed sɩlsãgs ne kʋla, la b kilsdẽ.