Yikri 15:2 - WẼNNAAM SEBRE 2014

² Sẽn-Ka-Saab yaa mam pãnga, la b yaa mam pãn-kãsenga, n yaa mam pẽgr yɩɩlle. Bãmb yaa mam fãagda. Bãmb yaa mam Wẽnnaam, la mam na n waooga bãmba. Bãmb yaa mam ba wã Wẽnnaam, la mam na n pẽga bãmba.

SEBR SÕNGO

² M pãnga la m ziirã, yaa yãmba, m Soaala. Yãmb n yɩ m Fãagda, yãmb la Wẽnd tɩ m na n pẽg yã, yãmb la m yaab rãmb Wẽnde tɩ m na kils yã.

Yikri 15:2 Iomraidhean Croise

Sɩngrẽ 17:7

Mam na n vigla m kaoolã ne foom, la ne fo yagensã sẽn na n wa pʋgl foom n wa wã, zamaan woo zamaane. Na n yɩɩ kaool sẽn paad wakat sẽn kõn sa. Woto yaa sẽn wilgd tɩ mam na n yɩɩ foom ne f yagensã sẽn na n wa fo loogr zugẽ wã Wẽnnaam.

Sɩngrẽ 49:18

Sẽn-Ka-Saabo, mam gũuda yãmb fãagrã!

2 Sãmwɛlle 22:3

Bãmb yaa mam Wẽnnaam, la b yaa mam pĩiga. Mam zĩ-soalgdg yaa bãmb nengẽ. Bãmb yaa mam gãongo, la pãng sẽn fãagd maam. Mam pãng zĩiga, la m zĩ-soalgdga. Yãmb n fãagd maam nen-keglem dãmbã nugẽ.

2 Sãmwɛlle 22:47

Bɩ Sẽn-Ka-Saab paam pẽgre, bɩ mam pĩigã paam barka! Bɩ Wẽnnaam sẽn yaa pĩig sẽn fãagd maamã paam waoogre.

2 Sãmwɛlle 22:51

Sẽn-Ka-Saab maanda tʋʋm-kãsems n fãagd b rĩmã, bãmb wilgda b nonglem ne b nin-tũusdgã. Bãmb wilga b nonglem ne a Davɩɩde, la ne a Davɩɩd yagensã, wakat sẽn kõn sa yĩnga.»

2 Sãmwɛlle 7:24

Sẽn-Ka-Saabo, yãmb yãka Israyɛll nebã n kɩt tɩ b lebg yãmb neb wakat fãa yĩnga, tɩ yãmb a Sẽn-Ka-Saab lebg bãmb Wẽnnaam.

2 Sãmwɛlle 7:5

«Kẽng n tɩ yeel mam tʋmtʋmd a Davɩɩd yaa: Ad Sẽn-Ka-Saab koɛɛga: ‹Ka Foom n na n me roog n kõ maam tɩ m zĩnd a pʋgẽ ye.

1 Rĩm-dãmbã 8:13

Yaa woto tɩ mam me roog sẽn tar ziir n na n kõ yãmba. Tɩ yãmb tõe n zĩnd be wakat sẽn kõn sa yĩnga.»

1 Rĩm-dãmbã 8:27

Dẽ yĩnga, Wẽnnaam sɩd tõe n zĩnda dũniyã zug la? Yĩngr ne a yalmã, a ka tõe n deeg yãmb a Wẽnnaam ye. Dẽ, roog ning mam sẽn me wã na n maana a wãn n tõog n deeg yãmba?

1 Kibayã 16:14

Bãmb yaa Sẽn-Ka-Saabo, n yaa tõnd Wẽnnaam. Bãmb yaa dũniyã gill fãa bʋ-kaooda.

Yɩɩn‑sõamyã 109:1

A Davɩɩd yɩɩlle, yɩɩlã naab yĩnga. Yãmb a Wẽnnaam la m pẽgda, ra-y sĩnd-y y noor ye.

Yɩɩn‑sõamyã 118:14

Sẽn-Ka-Saab yaa mam pãnga, la m teegr zĩiga. Bãmb n yaa mam fãagda.

Yɩɩn‑sõamyã 118:21

Mam na n pʋʋsa yãmb barka, y sẽn leok-ma yĩnga. Bala, yaa yãmb la m fãagda.

Yɩɩn‑sõamyã 118:28

Yãmb yaa mam Wẽnnaam, mam na n pʋʋsa yãmb barka. Mam Wẽnnaam, mam na n balma yãmba.

Yɩɩn‑sõamyã 132:5

sã n ka m wa n paama zĩig Sẽn-Ka-Saab yĩnga, sã n ka m wa n paama roog a Zakoob Wẽnnaamã sẽn yaa pãn-kãseng soabã yĩng ye.

Yɩɩn‑sõamyã 140:7

La mam yeela Sẽn-Ka-Saab yaa: «Yãmb yaa mam Wẽnnaam!» Sẽn-Ka-Saabo, kɩll-y y tʋbr n kelg m se-yõkrã!

Yɩɩn‑sõamyã 145:1

Mam Wẽnnaam, mam na n waooga yãmba, tɩ yãmb n yaa mam dĩma. Mam na n pẽga yãmb yʋʋrã wakat fãa.

Yɩɩn‑sõamyã 18:46

Bu-zẽmsã pãng sɛɛme, b yita b zĩ-solgdsẽ wã, n digda.

Yɩɩn‑sõamyã 22:10

Sẽn-Ka-Saabo, yãmb n yiis maam m ma pʋgẽ, yãmb n kɩt tɩ mam yẽsem m ma bĩisim ne yam-gãnega.

Yɩɩn‑sõamyã 22:3

Mam Wẽnnaam, wĩndga mam kelemd n boonda yãmba, la y ka leokd-m ye. Yʋng me, mam ka sĩnd m noor ye.

Yɩɩn‑sõamyã 27:1

A Davɩɩd yɩɩlle. Sẽn-Ka-Saab yaa mam vẽenem, la mam fãagda. Ãnda la mam na n zoe? Sẽn-Ka-Saab yaa mam vɩɩmã gũuda, ãndã n tõe n kẽes maam dabeem?

Yɩɩn‑sõamyã 28:8

Sẽn-Ka-Saab yaa b nebã pãnga. Bãmb yaa pãng zĩig b nin-tũusdgã fãagr yĩnga.

Yɩɩn‑sõamyã 30:1

A Davɩɩd yɩɩlle, roogã bark ningr yĩnga.

Yɩɩn‑sõamyã 34:3

Mam na n kɩdma ne Sẽn-Ka-Saabo! Naong rãmbã sã n wʋme, b maanda sũ-noogo!

Yɩɩn‑sõamyã 48:14

Maag-y y meng n ges a lalsã sẽn gũbgã, la y ges a na-yiyã, n wa tõog n dɩk-a n togs zamaan ning sẽn watã.

Yɩɩn‑sõamyã 59:17

La maam, mam na n yɩɩl n pẽga y pãngã. Yibeoogo, mam na n kilsa yãmb nonglmã. Bala, yãmb yaa mam pãng zĩiga, la y yaa mam zĩ-soalgdg yel-pakr wakate.

Yɩɩn‑sõamyã 68:20

Bɩ Zu-soabã paam pẽgr daar woo daare! Bãmb geta d yelle, la yaa Wẽnnaam-kãng n yaa tõnd fãagre.

Yɩɩn‑sõamyã 99:5

Kils-y Sẽn-Ka-Saab sẽn yaa tõnd Wẽnnaamã yĩnga, la y wõgemd bãmb nao-roagendgã taoore, bala, bãmb yaa pʋ-peelem soaba!

Yɩɩn‑sõamyã 99:9

Pẽg-y Sẽn-Ka-Saab sẽn yaa tõnd Wẽnnaamã, la y wõgemd bãmb tãngã sẽn welg toorã zugu! Bala, Sẽn-Ka-Saab sẽn yaa tõnd Wẽnnaamã yaa pʋ-peelem soaba!

Yikri 14:13

A Moyiis yeela nebã yaa: «Da zoe-y rabeem ye. Yaas-y n ges-y fãagr ning Sẽn-Ka-Saab sẽn na n fãag yãmb dũndã wã. Bala, Ezɩpt neb nins yãmb sẽn ne rũndã wã, yãmb kõn leb n yãnd bãmb abada.

Yikri 3:6

Bãmb leb n yeelame: «Mam yaa fo ba wã Wẽnnaam, n yaa a Abrahaam ne a Izak la a Zakoob Wẽnnaam.» La a Moyiis luda a nenga, bala, yẽnda rag n zoeta rabeem n ka rat n ges Wẽnnaam ye.

Yikri 4:22

Fo na n yeela Faarõ yaa: «Ade, Sẽn-Ka-Saab yetame: ‹Israyɛll yaa mam bi-ribl-kãsenga.›

Yikri 40:34

A Moyiis sẽn maan woto n sɛ, sawaodg waa n luda sɛk roogã, la Sẽn-Ka-Saab ziirã pida sɛk zĩigã.

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

A Ezayi 12:2

Gese, Wẽnnaam yaa mam fãagda, mam maanda tẽebo, la m kõn zoe rabeem ye. Bala, Sẽn-Ka-Saab yaa mam pãnga, la b yaa mam pãn-kãsenga. Bãmb yaa mam fãagda.»

A Ezayi 25:1

Sẽn-Ka-Saabo, yãmb yaa mam Wẽnnaam. Mam na n pʋʋsa yãmb barka, la m na n pẽga yãmb yʋʋrã, bala, yãmb pidsa tʋʋm-kãsems nins yãmb sẽn dag n yeel hal daar zãr tɩ y na n maaname wã. B yaa bũmb sẽn ka viigda la sẽn ka vaanda.

A Ezayi 45:17

La Israyɛll paama Sẽn-Ka-Saab fãagr wakat sẽn kõn sa yĩnga. Yãmb kõn tol n leb n paam yãnde, y kõn tol n leb n paam paoogre.

A Ezayi 49:6

Bãmb yeela maam: «Mam sẽn yãk foom tɩ f yɩ mam tʋmtʋmdã nan ka baa fɩ ye, mam yãka foom tɩ f leb n yik a Zakoob yagensã, la f lebg n tall Israyɛll bu-kellã n wa. Mam yãka foom tɩ f yɩ vẽenem bu-zẽmsã yĩnga, tɩ mam fãagrã tõe n ta dũniyã tɛk fãa.»

A Ezayi 66:1

Ade, Sẽn-Ka-Saab yetame: «Saasẽ yaa mam geere, dũni yaa mam nao roagendga. Ro-bʋg buud la yãmb tõe n me n kõ maam? Mam vʋʋsg zĩig la zĩ-bʋgo?

Zeremi 3:23

Sɩda, pʋʋsg ning sẽn maand kunkubã zutã, ne bʋrg ning sẽn yit tãmsã zutã yaa zĩrẽ bala. Sɩd-sɩdã, Israyɛll nebã fãagr yita Sẽn-Ka-Saab sẽn yaa tõnd Wẽnnaamã nengẽ.

Zeremi 31:33

La ad kaool ning mam sẽn na n maan ne Israyɛll nebã sẽn na n yɩ to-to da-kãens loogr poore: Ka na n leb n yɩ kug-wals zut la mam na n gʋls m tõodã ye. Mam na n ning-b-la bãmb pʋ-tẽerẽ, mam na n gʋls-b-la b sũyã pʋse. Mam na n yɩɩ bãmb Wẽnnaam, la bãmb na n yɩɩ mam nebã. Maam a Sẽn-Ka-Saab n yeele.

Zeremi 32:38

Bãmb na n leb n yɩɩ mam neba, la mam na n yɩɩ bãmb Wẽnnaam.

Abakuk 3:13

Yãmb yiime n na n fãag y nebã, Yãmb yi n na n fãaga y nin-tũusdgã. Yãmb sãamda nin-wẽng roog sugri, y sãamd-a-la zãng tɩ bũmb ka kell ye.

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

A Luk Sõng 1:77

la f kɩt tɩ nebã bãng tɩ yaa ne yel‑wẽnã sugr kosg la b na n paam fãagre,

A Luk Sõng 2:30

mam nin yãnda fãagr ning yãmb sẽn kõ tõndã,

A Zã Sõng 4:22

Yãmb pʋʋsda y sẽn ka mi. Tõnd pʋʋsda d sẽn mi, bala, fãagrã yita Zʋɩf-rãmbã nengẽ.

A Zã Sõng 5:23

tɩ nebã fãa na waoog-a wa b sẽn waoogd ba wã. Ned ning sẽn ka waoogd Bi-riblã ka waoogd ned ning sẽn tʋm-a wã me ye.

Tʋʋma 4:12

Fãagr ka be ne ned a to sã n ka a Zeezi ye. Bala, Wẽnnaam ka kõ ned yʋʋr a to ninsaalba sʋk dũniyã zug tɩ tõnd tõe n tũ n paam fãagr ye.

2 Korẽnt rãmba 5:19

Bala, yaa ne Kiris la Wẽnnaam yiis yell ning sẽn da be bãmb ne dũniyã sʋka, n ka leb n geelgd ninsaalbã beegrã ye. La b ninga zabr paasg koɛɛg togsg tõnd zutu.

Efɛɛz Rãmba 2:22

Yãmb sẽn be Kiris pʋgẽ wã, yãmb me naaga meebã pʋgẽ n lebg Wẽnnaam Sɩɩgã roogo.

Yaoolem 10:21

Bãmb yaa yãmb ziiri, bãmb yaa yãmb Wẽnnaam. Yaa bãmb n maan bõn-kãsems sẽn sek zoeese, tɩ yãmb ninã yãnde.

Filip rãmba 2:11

la tɩ zɛlmã fãa na n kɩsa kaset t'a Zeezi Kiris yaa fãagda, tɩ yɩ tõnd ba a Wẽnnaam waoogr yĩnga.

Filip rãmba 4:13

Kiris sẽn kõt maam b pãngã yĩnga, mam tõe n maana fãa.

Kolos Rãmba 2:9

Bala, Wẽnnaam sẽn yaa bũmb ningã fãa, Kiris me yaa a woto b yĩngã pʋgẽ.

Vẽnegre 15:3

Bãmb yɩɩnda Wẽnnaam tʋmtʋmd a Moyiis yɩɩllã, la pe-bilã yɩɩlle: Zu-soab a Wẽnnaam Sẽn‑Tõe‑Fãa, yãmb tʋʋmã yaa kãsemse la b bee neere! Soolem dãmbã rĩmã, yãmb tʋʋmã zemsame la b yaa sɩda.

Vẽnegre 19:1

Rẽ poore, mam wʋma koe-kãseng arzãn pʋgẽ sẽn wẽnd neb kʋʋng wʋsg koees sẽn yet yaa: Haleluya! Fãagre, la ziiri, ne pãng yaa tõnd Wẽnnaamã n so,

Bʋ-kaoodba 5:21

Kisõ ko-soogã koom kãaga bãmba, Kisõ kʋdem-wẽndẽ ko-soogã koom n kãag-b lame. Mam na n kẽna ne raoodo!